مأمون النطاح - عليمن طالع انت تجنن اليوم

عليمن طالع انت تجنن اليوم
وعيونك كحيله وتنافس الغزلان
الله يعين من يلكاك بالنوم
يتمنى يخلص العمر حلمان
اشك انك بشر من دمنا مخلوق
ويمكنك ملك في صورة انسان
ويمكنك وردة من شمة يحتاروا
ويمكنك عسل راضع زعفران
الشارع يشتكي لمن تمر بي
وبنوح الرصيف ويشبع احزان
خمر حسنك معتق يذهب الروح
واذا تضحك شفايفك اني سكران
الله يساعد امك تقلق اعليك
اذا عودك مصيبه كالغصن بان
في حيكم الوادم نصبت خيام
ومن ازعاج حسك شالو الجيران
كلها تريد كربك وانت مهضوم
يا شلال الترف يا صاحب الشان
صايم لجل شوفك وانت مرتاح
وشبعاتك قهر والنوب جوعان
ومتسحر سرابك وانت خداع
وشربانك ولع لكني عطشان
البلابل من تشوفك تنخرس ليش
وعشها تغادر وتهجر الاغصان
لان انت الوحيد الصوته مسموع
من تحجي حبيبي تعزف الحان
وشبهه حبيبي الكان يشبهني واشبهه
وحبه جاب الي تهمه وشبهه
شعل نار بوسط كلبي وشبها
ولا يقبل يجي يطفيها ليه
ولا يقبل يجي يطفيها ليه





 
أعلى