السيّد السّالك - ” نتوحشك ”

نتوحشك و العمر بيك نريده
يا ساكنه في الصبر و التنهيده
…….
نتوحشك كي تحنّي ..
و نتوحشك كيف توعدي و تمنّي ..
و نتوحشك كي تعشقي في فنّي ..
و تترحّلي كي اللحن في الترديده..
نتوحشك
……………..
نتوحشك كي تغيب
و نتوحشك و انت معاي قريب
و نوحشك عند الصدى كي يجيب
.قصايد قديمة و في المعاني جديده
نتوحشك
………………
نتوحشك بالجّد
و نتوحشك و الحد فات الحد
و نتوحشك رغم الجفا و الصد
انت الفرح للقلب و انت عيده
نتوحشك