محمد جابر المتولي
- الميلاد
- Mar 13, 1973 (العمر: 51)
- نموذج من كتاباتك
-
وعنواني أنا التوهان
وليل خلّي بيحكيلي
بنتمشى بدون أحلام
تاريخي ماضي مش مذكور
وجغرافيا بدون أوطان
سليل الحزن متفرد
مليش توأم ولا خلان
بعيش اليوم وبتعكز
على الساعات
بخاف مني على نفسي
عشان مقدرش أكون غيري
وأبعد عن حاجات وحاجات
مخاصم حظي من صغري
ولو شفته أنا صدفة بنتخانق
ويهزمني كتير جولات
جنوني فــــ كوني كون تاني
وبتمسك بشمع أبويا
في العتمة اللي وجعاني
في كل مكان
وقالوا عني أنا العاشق
وعشقي صعب مش هين
بدوب في حبيبتي واهديها
وطن من قلبي وارويها
واخبيها من الحاسدين
واغني لها بإخلاصي
أنا العاشق
قليل البخت والحيلة
محبش نظرة الجارية
وعشقي بس لأميرة
بتتعاجب في كتب العشق
تتحكّى في أسطورة
وتطلع ليا تضحك لي
في حدوته بتخلص بدرى
مش كاملة
أنا العاشق
وعشقى سر
ليه معنى
في وسط قصايد الأحزان
- البلد
- مصر