محمد الحسن سالم حميد - كرباجك..

كرباجك القطرانو
حزب السارقين ..
نازل على ضهر القوي
و الجسمو ضلالتو اليقين ..
ما بستكين ..
لو روحو فاضت بتقت
في كل ربوع وطني الحزين ..
لو انتو شلة مسخرة
عبدة كراسي .. ومفترين ..
نحن البلد درقة وسيوفا
صانعة وشلال يقين ..
بنقولكم يا مفترين
العندو دين ..
ما بسرق البلد
العبادو موحدين ..
العندو دين ..
ما ببني قصرو العالي
فوق جوع الغلابة المسلمين ..
العندو دين ..
ما بسمي اعداء الوطن
جند الوطن والحادبين ..
العندو دين ..
ما بسمي من قالو
الحقيقة المرة
خونة ومارقين ..
بنقولكم يا مفترين ..
حالفين يمين ..







.