مشروع مسلسلإجتماعي)
الحلقة الثانية
( صوت سيارات فى الخلفية ، و صوت عصافير أوضح )
( صوت منادي .. كريم يا رب )
أ منتصر : صباح الخير يا عم جميل
عم جميل : صباح الورد .. و جمال الورد يا أستاذ منتصر .. أيه
التكشيرة دي بس
أ منتصر : يوم ما يعلم بيه إلا ربنا .. يوم غريب كدا من أوله يا عم جميل
عم جميل : خير بس فيه إيه الي حصل لكل دا ؟
أ منتصر : قايم من الصبح أودي الأولاد المدرسه .. نازل علي السلم
رحت متكعبل و مخبوط فى رجلي
عم جميل : سلامتك ألف سلامه عليك
أ منتصر : أنا أخدت الخبطه رحت مزعق .. بابص لقيت الأولاد واقفين
مبلمين .. رحت شاخط فيهم علشان ما نتأخرش
عم جميل : يا حبايبي .. زمانهم اتخضوا عليك أوى
أ منتصر : ركبوا العربية و أنا لسه بافتح الباب لقيتلكواحد راكب عجله
و ماشي سرحان راح داخل فيا خابطني
عم جميل : المهم إنته كويس ؟
أ منتصر : كويس إيه .. أنا لقيت جمجمه و عضمتين اترسموا قدام عينى
.. بعلو صوتى باقوله مش تفتح .. قالي معلش والله كنت سرحان ..
قولتله استفدت أنا إيه بمعلش دلوقت .. الراجل مشي يبرطم و أنا بأبرطم
و الدنيا لونها غامق
عم جميل : ( يضحك ) طيب هدي نفسك شويه و تعالىنحكي الحكايه
بس نغير شويه فى السيناريو
أ منتصر : قصدك إيه .. مش فاهمك
عم جميل : بص يا سيدي .. إنته اتكعبلت و اتخبط .. رحت ضاحك و
مهزر مع الأولاد .. راحو ضاحكين و قايلينلك سلامتك يا بابا
أ منتصر : قصدك إني أخليهم مش مخضوضين يعنى ؟
عم جميل : بالظبط كدا ..بعدين جه الراجل السرحان و راح خابطك
بالعجله بتاعته
أ منتصر : و دا أعمله إيه هو كمان ؟
عم جميل : رحت إنته ضاحك فى وشه .. قالك معلش والله كنت سرحان
.. رحت إنته بضحكتك الحلوه قلتله ولا يهمك بس خد بالك على نفسك
أ منتصر : ماشى عملت كدا .. و بعدين أيه الى استفدته أنا برضه
عم جميل : كدا كدا انته اتخبط .. الراجل بدل ما يبرطم هايروح ضاحكلك
.. و الدنيا هاتروح ضاحكالك و يبقى يوم حلو من أيام ربنا
أ منتصر : يعني قصدك إني أغصب نفسي أضحك
عم جميل : أنا ما عملتش حاجه في الحكايه غير إني غيرت رد فعلك و
بس .. ضحكة منك ممكن تخلي الدنيا كلها تضحكلك و تنور قدامك .. ولا
إيه ؟
أ منتصر : ولا إيه يا عم جميل .. نشوف السيناريو بتاعك ده ( يضحك )
عم جميل : أيوه كدا إضحك خلى الدنيا تنور
أ منتصر : تسلم يا عم جميل يا جميل .. هاتصبح عليا بإيه النهارده ؟
عم جميل : أنا عايز أصبح عليك النهاردهبوردة عصفور الجنه ..
بألوانها الاصفر و الازرق و الموف .. كل لون فيها كأنه ضحكة .. كأنها
بتقولك إن كل حاجه فى الدنيا ممكن تحلو بضحكة
أ منتصر : تسلم إيدك يا عم جميل يا جميل .. صباحك فل
عم جميل : صباح الورد
**********************
إنتهي
الحلقة الثانية
( صوت سيارات فى الخلفية ، و صوت عصافير أوضح )
( صوت منادي .. كريم يا رب )
أ منتصر : صباح الخير يا عم جميل
عم جميل : صباح الورد .. و جمال الورد يا أستاذ منتصر .. أيه
التكشيرة دي بس
أ منتصر : يوم ما يعلم بيه إلا ربنا .. يوم غريب كدا من أوله يا عم جميل
عم جميل : خير بس فيه إيه الي حصل لكل دا ؟
أ منتصر : قايم من الصبح أودي الأولاد المدرسه .. نازل علي السلم
رحت متكعبل و مخبوط فى رجلي
عم جميل : سلامتك ألف سلامه عليك
أ منتصر : أنا أخدت الخبطه رحت مزعق .. بابص لقيت الأولاد واقفين
مبلمين .. رحت شاخط فيهم علشان ما نتأخرش
عم جميل : يا حبايبي .. زمانهم اتخضوا عليك أوى
أ منتصر : ركبوا العربية و أنا لسه بافتح الباب لقيتلكواحد راكب عجله
و ماشي سرحان راح داخل فيا خابطني
عم جميل : المهم إنته كويس ؟
أ منتصر : كويس إيه .. أنا لقيت جمجمه و عضمتين اترسموا قدام عينى
.. بعلو صوتى باقوله مش تفتح .. قالي معلش والله كنت سرحان ..
قولتله استفدت أنا إيه بمعلش دلوقت .. الراجل مشي يبرطم و أنا بأبرطم
و الدنيا لونها غامق
عم جميل : ( يضحك ) طيب هدي نفسك شويه و تعالىنحكي الحكايه
بس نغير شويه فى السيناريو
أ منتصر : قصدك إيه .. مش فاهمك
عم جميل : بص يا سيدي .. إنته اتكعبلت و اتخبط .. رحت ضاحك و
مهزر مع الأولاد .. راحو ضاحكين و قايلينلك سلامتك يا بابا
أ منتصر : قصدك إني أخليهم مش مخضوضين يعنى ؟
عم جميل : بالظبط كدا ..بعدين جه الراجل السرحان و راح خابطك
بالعجله بتاعته
أ منتصر : و دا أعمله إيه هو كمان ؟
عم جميل : رحت إنته ضاحك فى وشه .. قالك معلش والله كنت سرحان
.. رحت إنته بضحكتك الحلوه قلتله ولا يهمك بس خد بالك على نفسك
أ منتصر : ماشى عملت كدا .. و بعدين أيه الى استفدته أنا برضه
عم جميل : كدا كدا انته اتخبط .. الراجل بدل ما يبرطم هايروح ضاحكلك
.. و الدنيا هاتروح ضاحكالك و يبقى يوم حلو من أيام ربنا
أ منتصر : يعني قصدك إني أغصب نفسي أضحك
عم جميل : أنا ما عملتش حاجه في الحكايه غير إني غيرت رد فعلك و
بس .. ضحكة منك ممكن تخلي الدنيا كلها تضحكلك و تنور قدامك .. ولا
إيه ؟
أ منتصر : ولا إيه يا عم جميل .. نشوف السيناريو بتاعك ده ( يضحك )
عم جميل : أيوه كدا إضحك خلى الدنيا تنور
أ منتصر : تسلم يا عم جميل يا جميل .. هاتصبح عليا بإيه النهارده ؟
عم جميل : أنا عايز أصبح عليك النهاردهبوردة عصفور الجنه ..
بألوانها الاصفر و الازرق و الموف .. كل لون فيها كأنه ضحكة .. كأنها
بتقولك إن كل حاجه فى الدنيا ممكن تحلو بضحكة
أ منتصر : تسلم إيدك يا عم جميل يا جميل .. صباحك فل
عم جميل : صباح الورد
**********************
إنتهي