اوعك تخاف ..
ﻳﺎ ﻣﻦ ﺗﻤﻮﺕ ﺑﺎﻟﺠﻮﻉ ﻭﻗﺪﺍﻣﻚ ﺿﻔﺎﻑ
ﻭﺍﻷﺭﺽِ ﺑﺎﻃﻨﻬﺎ ﻇﻞَّ ﻣﻄﻤﻮﺭﺓ ﺳﻮﺍﻙ ..
ﻋﻄﺸﺎﻥ ﻭﻗﺪ ﻧﺰﻟﺖ ﻋﻠﻴﻚ
ﺃﺣﺰﺍﻥ ﻣﻄﻴﺮة
ﻣُﺰَﻥ ﺳﻤﺎﻙ ..
ﺍﻟﺪﻧﻴﺎ ﺃﻭﺳﻊ ﻣﻦ ﺗﻀﻴﻖ
ﻗﻮﻡ ﺃﺻﺤﻰ ﻓِﻚ ﺍﻟﺮﻳﻖ ﻫﺘﺎﻑ
ﺇﻥ ﺍﻟﺬﻳﻦ ﺃﺣﺒﻮﺍ ﺭﻭﺣﻬﻢ ﺿﻴَّﻌﻮﻙ
ﻭﺑﻴَّﻌﻮﻙ ﺃﻋﺰ ﻣﺎ ﻣﻠﻜﺖ ﻳﺪﺍﻙ ..
ﺃﻭﻋَﻚ ﺗﺨﺎﻑ
ﺍﻟﺨﻮﻑ محطة محطة
ﻣﺎ ﺳﻜَّﺔ ﻭﺻﻮﻟﻚ ﻟﻠﻄﺮﻳﻖ ..
ﺇﻥ ﺍﻷﻳﺎﺩﻱ ﺍﻟﺤُﺮَّة ﻣﺎ ﺑْﺘﺸﻌِﻞ ﺣﺮﻳﻖ
ﺗﺐْ ﻣﺎ ﺑْﺘﻘﻴﻒ ﺗﺴﺘﻨَّﻰ ﻗﺪﺍﻣﻬﺎ ﺑْﺘﺸﻮﻑ
ﻳَﺤْﺘِﻞ ﻏﺮﻳﻖ ﺗﻠﻮ ﺍﻟﻐﺮﻳﻖ ..
ﻣﺎ ﺗﻨﺴﻰ ﺇﻧﻚ ﻛﻨﺖ ﺻﺎﺣﺐ ﺭأﻱ ﻭﺑﻴﺖ
ﺃﻫﻼً ﺣﺒﺎﺏ ﻟﻮ ﺩﻕَّ ﺑﺎﺏ
ﻋﻨﺪﻙ ﻣﺨﺪَّة ﻭﻋﻨﻘﺮﻳﺐ
ﻫﺒَّﺎﺑﻲ لمَّة ﻭﻗﻬﻘﻬﺎﺕ ..
ﺗﺼﺤﻰ ﻭﺗﻨﻮﻡ ﻭﺗﻘﻮﻡ ﻣﻌﻄَّﺮ ﺑﺎﻟﻨﺸﺎﻁ
ﺗﻨﻌﺲ ﻭﻗﻊ ﻓﻲ لحظة ﻣﻦ ﺇﻳﺪﻙ ﻛﺘﺎﺏ ..
ﻭﻗﻠﻢ ﻛﻤﺎ ﺑﺮﻕ ﺍﻟﺴﺤﺎﺏ ..
ﻳﺘﻬﺎﺩﻯ ﻣﺎ ﺑﻴﻦ ﺍﻟﺴﻄﻮﺭ
ﻛﺎﻥ ﺳﺮﺟﻮ ﻛﺮﺳﻲ ﺍﻟﺨﻴﺰﺭﺍﻥ
ﻋﻨﺪ ﺍﻟﻤﻐﻴﺮﺏ ﺭﺍﺩﻱ
ﺑﻎ ﺑِﻦْ ﺍﻟﻤﺰﺍﺝ
ﻳﺪﺧﻞ ﻣﻦ ﺍﻟﻨﻔَّﺎﺝ ﻋﻠﻴﻚ
ﻋﺜﻤﺎﻥ ﺣﺴﻴﻦ
ﻳﺎ ﻋُﺸﺮﺓ ﺍﻷﻳﺎﻡ ﺗﻤﺎﻡ ..
ﺃﻫﻮ ﺩﺍ ﺍﻟﻜﻼﻡ
ﻳﺎ ﺳﻠﻮﻯ ﺟﻚ ﺍﻟﻤﻮﻳﻪ
ﺃﻋﻤﻠﻮﺍ ﻟﻴﻨﺎ ﺷﺎﻱ ..
ﺍﻷﺳﺮة ﻣﻤﺘﺪة ﻭﺣِﺪﺍﻙ
ﺟﻴﺮﺍﻥ ﻟﻄﺎﻑ ﺑﻲ ﺟﺎﻱ ﻭﺟﺎﻱ ..
ﺟﺎﺭ ﺍﻟﻤﺴﻴﺤﻲ ﺳﻜﻦ ﺇﻣﺎﻡ
ﺇﻟﻔة ﻭﻣﻮﺩَّة ﻭﻗﺮﻗﺮﺍﺏ ..
ﻭﺍﻟﻨﺎﺱ ﻗُﺮﺍﺏ ..
ﻧﺎﺱ ﻣﻦ ﻧﻴﺎﻻ ﻭﺁﺧﺮﻳﻦ
ﻣﻦ ﻭﻳﻦ ﻭﻭﻳﻦ ..
ﻫﺴَّﻊ ﺟﻬﻨﻢ ﻓﻲ ﺍﻟﺤﻘﻴﻘة ﻣﻌﺴﻜﺮﺍﺕ ..
ﻣﻦ ﺃﻳﻦ ﺟﺎﺀﻙَ ﻫﺆﻻﺀ ؟؟
ﺟﻮﻧﺎ ﻣﻦ ﻗﻴﻒ ﺍﻟﺴﺮﺍﺏ ..
ﺃﻭ ﺟﻮﻧﺎ ﻣﻦ ﺧﻠﻒ ﺍﻟﺤﺪﻭﺩ
ﺑﻞ ﺟﻮﻧﺎ ﻣﻦ ﺟﻮّﺍﻧﺎ ﻫﻢ ﺣُﺘﺮﺏ
ﻫﻨﺎﻟﻚ ﺑﺎﻗﻲ ﻓﻲ ﺣﻠﻖ ﺍﻟﻜﻼﻡ
ﺗﻠﻚ ﺍﻟﺒﺬﻭﺭ ﺍﻟﺮﺍﻛﺪة ﻓﻲ ﻗﺎﻉ ﺍﻟﺠُﺮﺍﺏ ..
ﻣﺎ ﺍﺗﻨﻔَّﺴﺖ ﻓﻠﻖ ﺍﻟﺼﺒﺎﺡ
ﻧﻔﺲ ﺍﻷﺯﻗﺔ ﺍﻟﻔﻴﻬﺎ
ﺳﻜَّﺘﻨﺎ ﺍﻟﻜﻼﺏ ..
ﻭﻟﻜﻢ ﻭﻛﻢ ﻏﻠﺐ ﺍﻟﻐُﻨﺎ ﺍﻟﺴﻤﺢ ﺍﻟﻨﺒﺎﺡ ..
ﻛﻢ ﻧﺤﻦ ﺃﺣﻴﺎﻧﺎً ﺷﺮﺑﻨﺎ ﺍﻟﻤﻮﻳﻪ
ﻣﻦ ﻛﺎﺱ ﺍﻟﺠﺮﺍﺡ ..
ﻣﻦ ﺑﻴﻦ ﺃﺻﺎﺑﻌﻨﺎ ﺍﻟﻤﺨﺪَّﺭة ﺑﺎﻟﺴُﻜﺎﺕ ..
ﻣﻦ ﺑﻴﻦ ﻣﺴﺎﻣﺎﺕ ﺍﻟﻌﻴﻮﺏ
ﻳﺎ ﺍﻟﻠﻪ ﻣﻴﻦ ﺟﻠَﺪ ﺍﻟﺒﻨﺎﺕ
ﺟﻠﺪﺍً ﻣﻮﺛﻖ ﻓﻲ ﺍﻟﻘﻠﻮﺏ ..
ﻭﺳﻜﺘﻨﺎ ﺳﺎﻱ
ﺟُﻮّﺍﻧﺎ ﻣﻦْ ﻓﺼﻞ ﺍﻟﺠﻨﻮﺏ ..
ﻫﻢ
ﻋَﺴَّـﻤﻮﻙ
ﻭﻗﺴَّﻤﻮﻙ
ﺧﻠُّﻮﻙ ﻣﺸﺘﺖ ﻓﻲ ﺍﻟﺪﺭﻭﺏ
ﺣﺪَّﺍﺩﻱ ﻣﺪَّﺍﺩﻱ ﺍﻟﻮﻃﻦ
ﻗﺪ ﻛﺎﻥ ﺣﻠﻴﻞ ﺍﻷﻏﻨﻴﺎﺕ ..
ﻳﺎ ﺃﻳﻬﺎ ﺍﻷﺳﻒ ﺍﻟﺸﺪﻳﺪ
ﺃﻛﺘﺐ ﻧﺸﻴﺪ
ﻣﻦ ﺗﺎﻧﻲ ﺃﺟﻤﻞ ﺃﻣﻨﻴﺎﺕ ..
ﻻ ﻟﻠﺸﻬﻴﺪ ﺗﻠﻮ ﺍﻟﺸﻬﻴﺪ
ﺇﻻ ﺇﺫﺍ ﺧﻄﺄً ﻭﺻﺪﻓة
ﺗِﺤِﺖْ ﻫﺪﻳﺮ ﺍﻟﺘﻨﻤﻴة
ﻣﻮﺕ ﺍﻟﻠﻪ ﺳﺎﻱ ﺣﺘﻤﺎً ﺃﻛﻴﺪ ..
ﺃﻭ ﺟﺎﻧﺎ ﻣﻦ ﺧﻠﻒ ﺍﻟﺤﺪﻭﺩ ..
ﻭﻃﻦ ﺍﻟﺠﺪﻭﺩ
ﻭﻃﻦ ﺍﻟﺠﺪﻭﺩ ..
ﻧﻔﺪﻳﻚ ﺑﺎﻷﺭﻭﺍﺡ ﻧﺬﻭﺩ ..
ﻣﻦ ﺑﻌﺪ ﺫﻟﻚ ﻳﺎ ﺟﻤﻴﻞ
ﺃﺣﻠﻢ ﺑﻤﺎ ﻟﻚ ﻣﻦ ﺣﻘﻮﻕ ..
ﻛﺸﻚ ﺍﻟﺠﺮﺍﻳﺪ ﻓﻲ ﺍﻟﺼﺒﺎﺡ ..
ﻛﻴﺲ ﺍﻟﻔﻮﺍﻛﻪ
ﻭﺍﻟﻤﻼﺑﺲ
ﻭﺍﻟﻜﺮﺍﺭﻳﺲ
ﻭﺍﻟﺤﻠﻴﺐ ..
ﻧﻜﻬﺔ ﺧﺒﻴﺰ ﻭﺍﻟﺪﻧﻴﺎ ﻋﻴﺪ
ﺇﻧﺴﺎﻥ ﻋﺰﻳﺰ
ﻭﻃﻦ ﺳﻌﻴﺪ
ﻭﺍﻟﺸﻌﺐِ ﺣﺮ
ﻭﻃﻦ ﺍﻟﺘﻌﺪﺩ
ﻭﺍﻟﺘﻨﻮﻉ
ﻭﺍﻟﺘﻘﺪﻡ
ﻭﺍﻟﺴﻼﻡ
ﺣﻴﺚ ﺍﻟﻔﻀﺎ ﺍﻟﻮﺍﺳﻊ ﺣﻤﺎﻡ ..
ﻭﺍﻟﻤﻮﺟة ﺧﻠﻒ ﺍﻟﻤﻮﺟة
ﻭﺍﻟﺴﻜة ﺍﻟﺤﺪﻳﺪ ..
ﺣﺮﻳﺔ ﺍﻟﺘﻌﺒﻴﺮ ﻋﺒﻴﺮ
ﺗﻔﺘﺢ ﺷﻬﻴﺘﻚ ﻟﻠﻜﻼﻡ ..
ﺍﻟﻨﻬﺮ ﻣﺎ ﺑِﺴﺘﺄﺫﻥ ﺍﻟﺼﺨﺮة ﺍﻟﻤﺮﻭﺭ
ﺟﻬﺮﺍً ﺑِﻤُﺮْ ﻧﺤﻮ ﺍﻟﻤﺼﺐ
ﺃﻣﻮﺍﺟﻮ ﺗﻠﻬﺚ ﻣﻦ ﺑﻌﻴﺪ ..
ﺃﻛﺘﺐ ﻧﺸﻴﺪ ﺭﺍﺳﺦ ﺟﺪﻳﺪ ..
ﺍﻟﺸﻤﺲِ ﺗﺸﻬﺪ
ﻭﺑﺮﺿﻮ ﺃﺳﺘﺎﺭ ﺍﻟﻈﻼﻡ ..
ـــــــــــــــ
، الثلاثاء 26 يوليو 2022
ﻳﺎ ﻣﻦ ﺗﻤﻮﺕ ﺑﺎﻟﺠﻮﻉ ﻭﻗﺪﺍﻣﻚ ﺿﻔﺎﻑ
ﻭﺍﻷﺭﺽِ ﺑﺎﻃﻨﻬﺎ ﻇﻞَّ ﻣﻄﻤﻮﺭﺓ ﺳﻮﺍﻙ ..
ﻋﻄﺸﺎﻥ ﻭﻗﺪ ﻧﺰﻟﺖ ﻋﻠﻴﻚ
ﺃﺣﺰﺍﻥ ﻣﻄﻴﺮة
ﻣُﺰَﻥ ﺳﻤﺎﻙ ..
ﺍﻟﺪﻧﻴﺎ ﺃﻭﺳﻊ ﻣﻦ ﺗﻀﻴﻖ
ﻗﻮﻡ ﺃﺻﺤﻰ ﻓِﻚ ﺍﻟﺮﻳﻖ ﻫﺘﺎﻑ
ﺇﻥ ﺍﻟﺬﻳﻦ ﺃﺣﺒﻮﺍ ﺭﻭﺣﻬﻢ ﺿﻴَّﻌﻮﻙ
ﻭﺑﻴَّﻌﻮﻙ ﺃﻋﺰ ﻣﺎ ﻣﻠﻜﺖ ﻳﺪﺍﻙ ..
ﺃﻭﻋَﻚ ﺗﺨﺎﻑ
ﺍﻟﺨﻮﻑ محطة محطة
ﻣﺎ ﺳﻜَّﺔ ﻭﺻﻮﻟﻚ ﻟﻠﻄﺮﻳﻖ ..
ﺇﻥ ﺍﻷﻳﺎﺩﻱ ﺍﻟﺤُﺮَّة ﻣﺎ ﺑْﺘﺸﻌِﻞ ﺣﺮﻳﻖ
ﺗﺐْ ﻣﺎ ﺑْﺘﻘﻴﻒ ﺗﺴﺘﻨَّﻰ ﻗﺪﺍﻣﻬﺎ ﺑْﺘﺸﻮﻑ
ﻳَﺤْﺘِﻞ ﻏﺮﻳﻖ ﺗﻠﻮ ﺍﻟﻐﺮﻳﻖ ..
ﻣﺎ ﺗﻨﺴﻰ ﺇﻧﻚ ﻛﻨﺖ ﺻﺎﺣﺐ ﺭأﻱ ﻭﺑﻴﺖ
ﺃﻫﻼً ﺣﺒﺎﺏ ﻟﻮ ﺩﻕَّ ﺑﺎﺏ
ﻋﻨﺪﻙ ﻣﺨﺪَّة ﻭﻋﻨﻘﺮﻳﺐ
ﻫﺒَّﺎﺑﻲ لمَّة ﻭﻗﻬﻘﻬﺎﺕ ..
ﺗﺼﺤﻰ ﻭﺗﻨﻮﻡ ﻭﺗﻘﻮﻡ ﻣﻌﻄَّﺮ ﺑﺎﻟﻨﺸﺎﻁ
ﺗﻨﻌﺲ ﻭﻗﻊ ﻓﻲ لحظة ﻣﻦ ﺇﻳﺪﻙ ﻛﺘﺎﺏ ..
ﻭﻗﻠﻢ ﻛﻤﺎ ﺑﺮﻕ ﺍﻟﺴﺤﺎﺏ ..
ﻳﺘﻬﺎﺩﻯ ﻣﺎ ﺑﻴﻦ ﺍﻟﺴﻄﻮﺭ
ﻛﺎﻥ ﺳﺮﺟﻮ ﻛﺮﺳﻲ ﺍﻟﺨﻴﺰﺭﺍﻥ
ﻋﻨﺪ ﺍﻟﻤﻐﻴﺮﺏ ﺭﺍﺩﻱ
ﺑﻎ ﺑِﻦْ ﺍﻟﻤﺰﺍﺝ
ﻳﺪﺧﻞ ﻣﻦ ﺍﻟﻨﻔَّﺎﺝ ﻋﻠﻴﻚ
ﻋﺜﻤﺎﻥ ﺣﺴﻴﻦ
ﻳﺎ ﻋُﺸﺮﺓ ﺍﻷﻳﺎﻡ ﺗﻤﺎﻡ ..
ﺃﻫﻮ ﺩﺍ ﺍﻟﻜﻼﻡ
ﻳﺎ ﺳﻠﻮﻯ ﺟﻚ ﺍﻟﻤﻮﻳﻪ
ﺃﻋﻤﻠﻮﺍ ﻟﻴﻨﺎ ﺷﺎﻱ ..
ﺍﻷﺳﺮة ﻣﻤﺘﺪة ﻭﺣِﺪﺍﻙ
ﺟﻴﺮﺍﻥ ﻟﻄﺎﻑ ﺑﻲ ﺟﺎﻱ ﻭﺟﺎﻱ ..
ﺟﺎﺭ ﺍﻟﻤﺴﻴﺤﻲ ﺳﻜﻦ ﺇﻣﺎﻡ
ﺇﻟﻔة ﻭﻣﻮﺩَّة ﻭﻗﺮﻗﺮﺍﺏ ..
ﻭﺍﻟﻨﺎﺱ ﻗُﺮﺍﺏ ..
ﻧﺎﺱ ﻣﻦ ﻧﻴﺎﻻ ﻭﺁﺧﺮﻳﻦ
ﻣﻦ ﻭﻳﻦ ﻭﻭﻳﻦ ..
ﻫﺴَّﻊ ﺟﻬﻨﻢ ﻓﻲ ﺍﻟﺤﻘﻴﻘة ﻣﻌﺴﻜﺮﺍﺕ ..
ﻣﻦ ﺃﻳﻦ ﺟﺎﺀﻙَ ﻫﺆﻻﺀ ؟؟
ﺟﻮﻧﺎ ﻣﻦ ﻗﻴﻒ ﺍﻟﺴﺮﺍﺏ ..
ﺃﻭ ﺟﻮﻧﺎ ﻣﻦ ﺧﻠﻒ ﺍﻟﺤﺪﻭﺩ
ﺑﻞ ﺟﻮﻧﺎ ﻣﻦ ﺟﻮّﺍﻧﺎ ﻫﻢ ﺣُﺘﺮﺏ
ﻫﻨﺎﻟﻚ ﺑﺎﻗﻲ ﻓﻲ ﺣﻠﻖ ﺍﻟﻜﻼﻡ
ﺗﻠﻚ ﺍﻟﺒﺬﻭﺭ ﺍﻟﺮﺍﻛﺪة ﻓﻲ ﻗﺎﻉ ﺍﻟﺠُﺮﺍﺏ ..
ﻣﺎ ﺍﺗﻨﻔَّﺴﺖ ﻓﻠﻖ ﺍﻟﺼﺒﺎﺡ
ﻧﻔﺲ ﺍﻷﺯﻗﺔ ﺍﻟﻔﻴﻬﺎ
ﺳﻜَّﺘﻨﺎ ﺍﻟﻜﻼﺏ ..
ﻭﻟﻜﻢ ﻭﻛﻢ ﻏﻠﺐ ﺍﻟﻐُﻨﺎ ﺍﻟﺴﻤﺢ ﺍﻟﻨﺒﺎﺡ ..
ﻛﻢ ﻧﺤﻦ ﺃﺣﻴﺎﻧﺎً ﺷﺮﺑﻨﺎ ﺍﻟﻤﻮﻳﻪ
ﻣﻦ ﻛﺎﺱ ﺍﻟﺠﺮﺍﺡ ..
ﻣﻦ ﺑﻴﻦ ﺃﺻﺎﺑﻌﻨﺎ ﺍﻟﻤﺨﺪَّﺭة ﺑﺎﻟﺴُﻜﺎﺕ ..
ﻣﻦ ﺑﻴﻦ ﻣﺴﺎﻣﺎﺕ ﺍﻟﻌﻴﻮﺏ
ﻳﺎ ﺍﻟﻠﻪ ﻣﻴﻦ ﺟﻠَﺪ ﺍﻟﺒﻨﺎﺕ
ﺟﻠﺪﺍً ﻣﻮﺛﻖ ﻓﻲ ﺍﻟﻘﻠﻮﺏ ..
ﻭﺳﻜﺘﻨﺎ ﺳﺎﻱ
ﺟُﻮّﺍﻧﺎ ﻣﻦْ ﻓﺼﻞ ﺍﻟﺠﻨﻮﺏ ..
ﻫﻢ
ﻋَﺴَّـﻤﻮﻙ
ﻭﻗﺴَّﻤﻮﻙ
ﺧﻠُّﻮﻙ ﻣﺸﺘﺖ ﻓﻲ ﺍﻟﺪﺭﻭﺏ
ﺣﺪَّﺍﺩﻱ ﻣﺪَّﺍﺩﻱ ﺍﻟﻮﻃﻦ
ﻗﺪ ﻛﺎﻥ ﺣﻠﻴﻞ ﺍﻷﻏﻨﻴﺎﺕ ..
ﻳﺎ ﺃﻳﻬﺎ ﺍﻷﺳﻒ ﺍﻟﺸﺪﻳﺪ
ﺃﻛﺘﺐ ﻧﺸﻴﺪ
ﻣﻦ ﺗﺎﻧﻲ ﺃﺟﻤﻞ ﺃﻣﻨﻴﺎﺕ ..
ﻻ ﻟﻠﺸﻬﻴﺪ ﺗﻠﻮ ﺍﻟﺸﻬﻴﺪ
ﺇﻻ ﺇﺫﺍ ﺧﻄﺄً ﻭﺻﺪﻓة
ﺗِﺤِﺖْ ﻫﺪﻳﺮ ﺍﻟﺘﻨﻤﻴة
ﻣﻮﺕ ﺍﻟﻠﻪ ﺳﺎﻱ ﺣﺘﻤﺎً ﺃﻛﻴﺪ ..
ﺃﻭ ﺟﺎﻧﺎ ﻣﻦ ﺧﻠﻒ ﺍﻟﺤﺪﻭﺩ ..
ﻭﻃﻦ ﺍﻟﺠﺪﻭﺩ
ﻭﻃﻦ ﺍﻟﺠﺪﻭﺩ ..
ﻧﻔﺪﻳﻚ ﺑﺎﻷﺭﻭﺍﺡ ﻧﺬﻭﺩ ..
ﻣﻦ ﺑﻌﺪ ﺫﻟﻚ ﻳﺎ ﺟﻤﻴﻞ
ﺃﺣﻠﻢ ﺑﻤﺎ ﻟﻚ ﻣﻦ ﺣﻘﻮﻕ ..
ﻛﺸﻚ ﺍﻟﺠﺮﺍﻳﺪ ﻓﻲ ﺍﻟﺼﺒﺎﺡ ..
ﻛﻴﺲ ﺍﻟﻔﻮﺍﻛﻪ
ﻭﺍﻟﻤﻼﺑﺲ
ﻭﺍﻟﻜﺮﺍﺭﻳﺲ
ﻭﺍﻟﺤﻠﻴﺐ ..
ﻧﻜﻬﺔ ﺧﺒﻴﺰ ﻭﺍﻟﺪﻧﻴﺎ ﻋﻴﺪ
ﺇﻧﺴﺎﻥ ﻋﺰﻳﺰ
ﻭﻃﻦ ﺳﻌﻴﺪ
ﻭﺍﻟﺸﻌﺐِ ﺣﺮ
ﻭﻃﻦ ﺍﻟﺘﻌﺪﺩ
ﻭﺍﻟﺘﻨﻮﻉ
ﻭﺍﻟﺘﻘﺪﻡ
ﻭﺍﻟﺴﻼﻡ
ﺣﻴﺚ ﺍﻟﻔﻀﺎ ﺍﻟﻮﺍﺳﻊ ﺣﻤﺎﻡ ..
ﻭﺍﻟﻤﻮﺟة ﺧﻠﻒ ﺍﻟﻤﻮﺟة
ﻭﺍﻟﺴﻜة ﺍﻟﺤﺪﻳﺪ ..
ﺣﺮﻳﺔ ﺍﻟﺘﻌﺒﻴﺮ ﻋﺒﻴﺮ
ﺗﻔﺘﺢ ﺷﻬﻴﺘﻚ ﻟﻠﻜﻼﻡ ..
ﺍﻟﻨﻬﺮ ﻣﺎ ﺑِﺴﺘﺄﺫﻥ ﺍﻟﺼﺨﺮة ﺍﻟﻤﺮﻭﺭ
ﺟﻬﺮﺍً ﺑِﻤُﺮْ ﻧﺤﻮ ﺍﻟﻤﺼﺐ
ﺃﻣﻮﺍﺟﻮ ﺗﻠﻬﺚ ﻣﻦ ﺑﻌﻴﺪ ..
ﺃﻛﺘﺐ ﻧﺸﻴﺪ ﺭﺍﺳﺦ ﺟﺪﻳﺪ ..
ﺍﻟﺸﻤﺲِ ﺗﺸﻬﺪ
ﻭﺑﺮﺿﻮ ﺃﺳﺘﺎﺭ ﺍﻟﻈﻼﻡ ..
ـــــــــــــــ
، الثلاثاء 26 يوليو 2022