الشاعرة نهى نبيل - قصيدة: هذاك المار قدامي

نقوس المهدي

نقوس المهدي

كاتب
الشاعرة نهى نبي

هذاك المار قدامي وله نظرات قتاله
له سكسوكة حلوه بأقصى الوجه مرتسمه
حرمني النوم في ليلي .. حرمني النوم عقباله
يحس الشوق في صدره ذبحه وزاد في همه
احب امه .. احب عمه .. احب جده ..واحب خاله
اموت بنظرة عيونه وأعشق كل حروف اسمه
احب جٍده واحب هزله ، اذوب وحالتي حاله
واذا يطروه قدامي .. احس بداخلي صدمه
ذبحني بكثر ماشتاقه .. ذبحني بكثرة اشغاله
شغلني جنن قليبي .. فصلني من على الخدمه
ياليت اقدر اصير بيوم شي(ن) دايم قباله
وراه بكل مكان يروح .. شي(ن) غالي يهمه
ياليتني ساعة(ن) بيده .. او ارقام(ن) بجواله
يطقطقني على كيفه ولا احفظ سوى رقمه
انا ادري انه يعاني .. وادري صعبه احواله
قلبي مايطاوعني .. يبي دايم اهو يمه
ترى مايهمني ربعه .. وعذالي وعذاله
احبه بكل جنون الحب .. والإحساس والذمه
صحيح انه يكذبني وظنونه على باله
لكني بعلمه كيف هو دمي وانا دمه
يقول اني انا انسى ؟! فال الله ولا فاله
لو بانسى انا نفسي .. مانسى ابد رسمه
ياقلبي شوف لي حل(ن) بحبه صار لي عاله
يا إما تجيبه لعندي .. والا انا إطلُبه من امه....
 
نقوس المهدي

نقوس المهدي

كاتب
ويقولوا إن الزين بس للصبايا
حكي الجياكر صدق ماخوذ خيره
عندي حبيب فيه كل المزايا
فوق الشهامه اشهد انه دميره
له ضحكة تسوى سواة وسوايا
ورزة عقال ماهي لحد غيــــره
وغمازيتين هناك صوب الشفايا
ونظرات عين يالخلايق خطيره
ودي اشوفه كل لحظه معايا
عيني بصيره وبس اليد قصيره
صرت المحه في عين كل الزوايا
واموت لاجا ذكره باي سيره
اترك عشانه كل عمري ورايا
وابني له بوسط الحشا الف ديره
سبحان من خلى الحسن فيه ايه
قلبي هواه ومدري وش هو مصيره
من يوم شفته الوصل صار غايه
ورسمت في لحظه اماني كثيره
واطنني تناسيت كل البلايا
وعيوبه صارت في عيوني صغيره
كحيان ومنتف قليل العطايا
مير اشعر بظله كني اميـــــــــره
يرمي سهام العشق احسن رمايه
وينيشن قليبي وينثر عبيــــــــــره
كم مرة يحلف مالي سوايا
ولاجا يناديني ينادي سميـــــره
لكن احبه يا بلاه وبلايا
وابقى اتحمل سلبيات كثيــــــره
لاني وهبته الروح واجمل الهدايا
حبي مع اخلاص على شوية غيـــــره
وصرت اعذره واهيم به في عمايا
واقول يرجع لي ويعقل مسيـــــــره
جنن قلوب الناس واحلى صبايا
وعذب لي قليبي وملعون خيره ...!!
 
يجب تسجيل الدخول أو التسجيل كي تتمكن من الرد هنا.
أعلى