مؤخرا شفت واحد الفيديو ديال الستاتي كايكلاشي فيها عثمان مولين “مول البندير” قاليه يخلي عليه الشعبي و يدير شي حاجة اخرى حيت داكشي لي كايغني ما شعبي ماوالو ! علاش آ سي الستاتي ؟ حيت الستاتي رضي الله عنه و أرضاه قالك بلي مول البندير كايستعمل كلام ‘نابي’ فالأغاني ديلو.
اليوم كانفيق كايبان ليا حتى عادل الميلودي جبد البوگية ديالو و بغا يسورفي على هاد الموجة ديال مول البندير غي هوا كسيرا بزاف و دار فيديو قال فيه بلي غايشد مولين يفرشخو حيت غنا ” آ بونو آ بونو … كولا يحضي ط***نو”! إيه آ سي محمد ! يشدو يفرخشو … وا تصنط آ بعرور !
قبل من هاد لافير ديال عثمان مولين مول البندير، كان ناض الصداع على التسونامي تاهي بسباب الفيديو ديال ” مشقوق بلا جنوي ”
الشيخات الزهو
و فاش كنا صغار شوية كان خرج واحد التسجيل صوتي تحت عنوان “قام ز***ي…قام ” و ديك الوقيتة كانو كايقولو راه حجيب لي غناه و فعلا الصوت كايشبه لصوت حجيب و لكن داك الوقت السمارتفونات و لحد الآن مازال مول رائعة قام ز**ي قام في علم الغيب.
و فكل مرة كايخرج داك الفنان الشعبي مسيكين حشمان و عرقان و كايبدا يتمتم على الباشار آه لاواه هاديك سهرة خاصة ! آه لاواه كانو غي العيالات و كاتحس بيه ماراضيش بداكشي لي غنا فحالا حصلوه خاري! و كايشدو فيه شي أعداء السعادة و السرور ! المكوانسيين من زكهم و كايبقاو عليه ” آ حتارمونا ” ” راه بغينا فن نظيف ” “حشومة وسختو الفن الشعبي”.
بعيدا عن فكرة “الفن النظيف” لي ماعند دينمها لا ساس و لا راس و لي ماكاينة عند تا شي جنس من غير جنس كحل الراس حيت الفن ماشي گاميلة ديال لينوكس باش نحكوها بالجيكس و نرضوها نظيفة ! الفن فاش كاتبغي تحكم عليه كاتحكم عليه بمعايير فنية استيتيقية ! ماشي بمعايير دينية و لا عقائدية و لا أخلاقوية !
بعيدا عن هاد تخربيقة الفن النظيف كاين سؤال مهم كايطرح راسو ! واش الفن المغربي فيه تخسار الهضرة و لا مافيهش ؟
طبعا فيه ! و لي غايقول لا يا جاهل و يا منافق و بجوج ننصحهم يقراو هادشي باش تحيد ليهم الضبابة على عينيهم ، ايوا حل عينيك آ بعرور و تبع معايا.
الجنس كان من ديما موضوع هضرو فيه المغاربة فگاع الألوان الموسيقية ديالهم ! ناخدو الملحون كمثال ! كاين واحد الكتاب سميتو “معلمة الملحون” كايهضر على هادشي بالتفصيل و لاقريتيه غايبان ليك بلي شي ناس كانو عايشين هادي قرون و قرون راسهم متفتح اكثر منك نتا لي هاز طابليط فالقرن واحد و عشرين و عندك عقلية وحيد القرن ، قدرو يكتبو فالملحون قصايد فين يبان الشعبي كاتهضر على مواضيع فحال المثلية الجنسية و الجنس و الشراب و الحب، كمثال كاينة قصيدة سميتها البغدادية كاتعاود قصة ولد نعس مع مو و ولدات ليه بنت و تزوجها كاتبدا هكا:
اسمع ذا المراة من حملت من ولدها وعشقته * ولدت له بنته واخته اخذها في أرض بغداد.
واحد القصيدة أخرى ديال ابراهيم ولد الموشومة سميتها”بنت عبوش” كتبها على شيخة كانت في الصويرة ـ سميتها محجوبة طير الشمس، وأمها سميتها عبوش.
برح يا علوش * وافضح صفة الخشاشة
قحبة مخارة ومارجة كا تشبه المش
محجوبة طير الشمس.
و هادو غي أمثلة قليلة للقصايد لي كانين فالملحون، الكتاب كامل متوفر فالأنترنيت.
ايوا هادا الملحون ! آجيو ندوزو للشعبي.
فاش كانشوف شي فنانة كايعرقو و ينشفو و هوما كايحاولو يبررو شي كلمات كايبقاو فيا و كايبقا فيا الجهل لي طاغي عليهم و طاغي على المغاربة ! جهل خطير بثرات ديالنا لي خاصنا نفتاخرو بيه بلاصة مانفتاخرو بأروغان و لا بفيديل كاسترو لي مابينا و بينهم غا الخير و الاحسان ! اليوم كاتشوف المغاربة جاهلين و لا ماراضينش و لا كايحاولو يدعششو الثرات ديالهم ! واخا داك الثرات راه هوا الموسيقى لي رافقات جدودنا فحياتهم ! الشعبي و لا الملحون هي الموسيقى لي رافقات الفلاح و التاجر و الخراز و العطار المغربي قبل ظهور السليبات ديال القطن.
اليوم الفنان عوض يتهرب من الثرات الشعبي و الأغنية الشعبية الحقيقية و يحاول يكاموفليها على أهوائه الداعشية خاصو يكون عندو الكوراج باش يغنيها كيما هي و يوصلها للجمهور كيما هي هذا هوا الفن الحقيقي ! ماشي تشدها و تغسل ليها و تبردها و تجي تكذب علينا تقولينا العيطة مافيهاش “تخسار للهضرة” و داكشي لي غنات الحمداوية و بنت الحسين و خربوعة و فاطنة الزحافة و الماريشال قيبو ؟
با الحسن بشوية …راني عزبة لوالدية
عافا شيري بشوية
راني عزبة من القصة و القاع مشا فالمدرسة عافا شيري بشوية
يمشي و يجي فالثلاتة د الليل ؟ شنو كايدير فالثلاتة د الليل كايجود مع المسمعين ؟
وا شدوني شدوني ! سدو البيت عليا ! تايجي الحريزي هوا العالم مابيا ؟
شكون هوا الحريزي و ما محله من الاعراب؟
وشي أغاني كايغنيوهم العونيات
الحلاوة فين كاينة ؟ الحلاوة كاينة هنا !
طلعت للصالة و لقيتو يصلي … سروالو مثقوب و خيرو مدلي واهيا الجيلالي…
و يجي الستاتي و لا شي حد آخر يمسح السما بليگة و يبغي يحرف التاريخ و الثرات و يكذب على جيل الآيفون و الفايسبوك و يزرب علينا بديك الهضرة ديال الفن الشعبي مافيهش ‘ديك الهضرة’
آ سيدي الفن الشعبي فيه “ديك الهضرة “! و الفن الشعبي العيطة و لا الملحون و لا الموسيقى الأمازيغية هضرات على گاع المواضيع لي كاتهم المغاربة ! هضرات على الحب على الفلوس على الأم و حتى على الحوا بغا لي بغا و كره لي كره.
بغيتو تغنيوها كيما هي شغلكم هداك
بغيتو تبدلوها شغلكم هاداك
ولكن لاكنتو نتوما منافقين و لا داعشيين و لا نظرتكم للفن محصورة ماتحاولوش تحصرونا تاحنا معاكم و تمسحو تاريخ الفن الشعبي المغربي.
واقيلة على هاد الحساب خاص دوك الناس لي عاشو قرون هادي و كتبو قصايد الملحون و غناو العيطة على الحب و الجنس و الزلال و الكاس يجيو يعيشو فالقرن واحد و عشرين و حنا نهزو الستاتي و البغدادي ديال داعش و نرجعو نعيشو فالقرن جوج.
الجنس و الحب في الملحون و العيطة: ايه آ سيدي الغنا ديالنا كايهضر على الجنس فمايجيش الستاتي ولا غيرو يحرفو التاريخ ديال العيطة والثرات المغربي ويكذبو علينا
السابق
واش ممكن القطرية” تشري “لارام”؟ بعد عام من التعاون رئيسها التنفيذي اللي عبر عن هاد الرغبة يشيد بالتعاون الجيد ويكشف خطته
الجنس و الحب في الملحون و العيطة: ايه آ سيدي الغنا ديالنا كايهضر على الجنس فمايجيش الستاتي ولا غيرو يحرفو التاريخ ديال العيطة والثرات المغربي ويكذبو علينا
اليوم كانفيق كايبان ليا حتى عادل الميلودي جبد البوگية ديالو و بغا يسورفي على هاد الموجة ديال مول البندير غي هوا كسيرا بزاف و دار فيديو قال فيه بلي غايشد مولين يفرشخو حيت غنا ” آ بونو آ بونو … كولا يحضي ط***نو”! إيه آ سي محمد ! يشدو يفرخشو … وا تصنط آ بعرور !
قبل من هاد لافير ديال عثمان مولين مول البندير، كان ناض الصداع على التسونامي تاهي بسباب الفيديو ديال ” مشقوق بلا جنوي ”
الشيخات الزهو
و فاش كنا صغار شوية كان خرج واحد التسجيل صوتي تحت عنوان “قام ز***ي…قام ” و ديك الوقيتة كانو كايقولو راه حجيب لي غناه و فعلا الصوت كايشبه لصوت حجيب و لكن داك الوقت السمارتفونات و لحد الآن مازال مول رائعة قام ز**ي قام في علم الغيب.
و فكل مرة كايخرج داك الفنان الشعبي مسيكين حشمان و عرقان و كايبدا يتمتم على الباشار آه لاواه هاديك سهرة خاصة ! آه لاواه كانو غي العيالات و كاتحس بيه ماراضيش بداكشي لي غنا فحالا حصلوه خاري! و كايشدو فيه شي أعداء السعادة و السرور ! المكوانسيين من زكهم و كايبقاو عليه ” آ حتارمونا ” ” راه بغينا فن نظيف ” “حشومة وسختو الفن الشعبي”.
بعيدا عن فكرة “الفن النظيف” لي ماعند دينمها لا ساس و لا راس و لي ماكاينة عند تا شي جنس من غير جنس كحل الراس حيت الفن ماشي گاميلة ديال لينوكس باش نحكوها بالجيكس و نرضوها نظيفة ! الفن فاش كاتبغي تحكم عليه كاتحكم عليه بمعايير فنية استيتيقية ! ماشي بمعايير دينية و لا عقائدية و لا أخلاقوية !
بعيدا عن هاد تخربيقة الفن النظيف كاين سؤال مهم كايطرح راسو ! واش الفن المغربي فيه تخسار الهضرة و لا مافيهش ؟
طبعا فيه ! و لي غايقول لا يا جاهل و يا منافق و بجوج ننصحهم يقراو هادشي باش تحيد ليهم الضبابة على عينيهم ، ايوا حل عينيك آ بعرور و تبع معايا.
الجنس كان من ديما موضوع هضرو فيه المغاربة فگاع الألوان الموسيقية ديالهم ! ناخدو الملحون كمثال ! كاين واحد الكتاب سميتو “معلمة الملحون” كايهضر على هادشي بالتفصيل و لاقريتيه غايبان ليك بلي شي ناس كانو عايشين هادي قرون و قرون راسهم متفتح اكثر منك نتا لي هاز طابليط فالقرن واحد و عشرين و عندك عقلية وحيد القرن ، قدرو يكتبو فالملحون قصايد فين يبان الشعبي كاتهضر على مواضيع فحال المثلية الجنسية و الجنس و الشراب و الحب، كمثال كاينة قصيدة سميتها البغدادية كاتعاود قصة ولد نعس مع مو و ولدات ليه بنت و تزوجها كاتبدا هكا:
اسمع ذا المراة من حملت من ولدها وعشقته * ولدت له بنته واخته اخذها في أرض بغداد.
واحد القصيدة أخرى ديال ابراهيم ولد الموشومة سميتها”بنت عبوش” كتبها على شيخة كانت في الصويرة ـ سميتها محجوبة طير الشمس، وأمها سميتها عبوش.
برح يا علوش * وافضح صفة الخشاشة
قحبة مخارة ومارجة كا تشبه المش
محجوبة طير الشمس.
و هادو غي أمثلة قليلة للقصايد لي كانين فالملحون، الكتاب كامل متوفر فالأنترنيت.
ايوا هادا الملحون ! آجيو ندوزو للشعبي.
فاش كانشوف شي فنانة كايعرقو و ينشفو و هوما كايحاولو يبررو شي كلمات كايبقاو فيا و كايبقا فيا الجهل لي طاغي عليهم و طاغي على المغاربة ! جهل خطير بثرات ديالنا لي خاصنا نفتاخرو بيه بلاصة مانفتاخرو بأروغان و لا بفيديل كاسترو لي مابينا و بينهم غا الخير و الاحسان ! اليوم كاتشوف المغاربة جاهلين و لا ماراضينش و لا كايحاولو يدعششو الثرات ديالهم ! واخا داك الثرات راه هوا الموسيقى لي رافقات جدودنا فحياتهم ! الشعبي و لا الملحون هي الموسيقى لي رافقات الفلاح و التاجر و الخراز و العطار المغربي قبل ظهور السليبات ديال القطن.
اليوم الفنان عوض يتهرب من الثرات الشعبي و الأغنية الشعبية الحقيقية و يحاول يكاموفليها على أهوائه الداعشية خاصو يكون عندو الكوراج باش يغنيها كيما هي و يوصلها للجمهور كيما هي هذا هوا الفن الحقيقي ! ماشي تشدها و تغسل ليها و تبردها و تجي تكذب علينا تقولينا العيطة مافيهاش “تخسار للهضرة” و داكشي لي غنات الحمداوية و بنت الحسين و خربوعة و فاطنة الزحافة و الماريشال قيبو ؟
با الحسن بشوية …راني عزبة لوالدية
عافا شيري بشوية
راني عزبة من القصة و القاع مشا فالمدرسة عافا شيري بشوية
يمشي و يجي فالثلاتة د الليل ؟ شنو كايدير فالثلاتة د الليل كايجود مع المسمعين ؟
وا شدوني شدوني ! سدو البيت عليا ! تايجي الحريزي هوا العالم مابيا ؟
شكون هوا الحريزي و ما محله من الاعراب؟
وشي أغاني كايغنيوهم العونيات
الحلاوة فين كاينة ؟ الحلاوة كاينة هنا !
طلعت للصالة و لقيتو يصلي … سروالو مثقوب و خيرو مدلي واهيا الجيلالي…
و يجي الستاتي و لا شي حد آخر يمسح السما بليگة و يبغي يحرف التاريخ و الثرات و يكذب على جيل الآيفون و الفايسبوك و يزرب علينا بديك الهضرة ديال الفن الشعبي مافيهش ‘ديك الهضرة’
آ سيدي الفن الشعبي فيه “ديك الهضرة “! و الفن الشعبي العيطة و لا الملحون و لا الموسيقى الأمازيغية هضرات على گاع المواضيع لي كاتهم المغاربة ! هضرات على الحب على الفلوس على الأم و حتى على الحوا بغا لي بغا و كره لي كره.
بغيتو تغنيوها كيما هي شغلكم هداك
بغيتو تبدلوها شغلكم هاداك
ولكن لاكنتو نتوما منافقين و لا داعشيين و لا نظرتكم للفن محصورة ماتحاولوش تحصرونا تاحنا معاكم و تمسحو تاريخ الفن الشعبي المغربي.
واقيلة على هاد الحساب خاص دوك الناس لي عاشو قرون هادي و كتبو قصايد الملحون و غناو العيطة على الحب و الجنس و الزلال و الكاس يجيو يعيشو فالقرن واحد و عشرين و حنا نهزو الستاتي و البغدادي ديال داعش و نرجعو نعيشو فالقرن جوج.
الجنس و الحب في الملحون و العيطة: ايه آ سيدي الغنا ديالنا كايهضر على الجنس فمايجيش الستاتي ولا غيرو يحرفو التاريخ ديال العيطة والثرات المغربي ويكذبو علينا
السابق
واش ممكن القطرية” تشري “لارام”؟ بعد عام من التعاون رئيسها التنفيذي اللي عبر عن هاد الرغبة يشيد بالتعاون الجيد ويكشف خطته
الجنس و الحب في الملحون و العيطة: ايه آ سيدي الغنا ديالنا كايهضر على الجنس فمايجيش الستاتي ولا غيرو يحرفو التاريخ ديال العيطة والثرات المغربي ويكذبو علينا