الى الرفيق الخالد عبد الخالق محجوب
محجوب ياضحكة شمس غابت كَبل (1)الغروب
يانجمة فكر جبار .... ضوّت للشعوب أدروب
غمّ الكَال صوتك مات
واشمعوعك مرار تذوب
وانته بوجنته التاريخ نجمات وكلايد نور
شوصف بيك وانت تحير " بواتير"(2) وتعجز أدب " طاغور"
وآنه أدريك .. لو نخل العراق أيصير كله سطور
ما تكفي الوصف منك يبو الثوار
يا محجوب
حبل الصلب ما يطفي شعاع أفكار
كَبلك طوكَ ركاب البكَت لليوم ذكراهم مشاعل نور للثوار
" روزبه " و" فهد" و" جيورجي" و" ستار"
ماخمدت مشاعلهم
ولا بردت بأثرهم نار
وأنته ياعشكَ ناي السنين
وزفة أمواج النضال
تشهد لك تواريخ الكفاح
وساحة الشدات
أسمك فوكَ وجنات الكَمر
ضاوي بحضن نجمات
يلي من شمس روحك تشع هاي الشمس للكَاع(3)
يلحطيت بالدنيه نسايم جوري وأنعناع
يمسافر على جناح الفخر تتلاكَه ويه أحرار
بشّر عادل وجبار
كَلهم ما يموت الثار
وأحنه بكل وكَت شعلة أمل ... أبطال
لجلكَ يا عشكَنا أنموت
ونشد للمنايا رحال
نبقه أحنه زلم ثوار ما تبرد عزايمنه
تعاهدنه بفهد وحسين
نكسر ليلنه بدمنه
ولا نحني لقدر غدار هامتنه
تعاهدنه
لجل جف العروسه العافت الحنّه
لجل طير السلام الماشدى بلحنه
لجل " قدسي" الحزينه التحلم ينجمات عودتنه
لجل " حيفا" ونسايم ليل ضفتنه
تعاهدنه
الصبح ميلاد ثورتنه
الصبح تسمع نغم رنات طلقتنه
أجينالك رفعنا أعلام دولتنا
بنينالك عرس وردي
علكَنه(4) أعيونا بعرسك
تشابكَنه(5) بدبج جوبي
تشابجنه بنغم حسك
يعنوان الشهامه ... الماتذله أجروح
دمك لا تظن أيروح
وزنود الشباب اتعاضد البارود
تنحرلك" نميري"
وتسحكَ بجدم الشجاعة " سعود"
وتحط النصر هاله فخر
تضوي عله عيونك
وشايح نور تتراكص على جفونك
يمن ريت العمر لوراح
يرجع للفجر لونك
يبستان الكَضه عمره لجل مجد البشر يزهر
ألك روحي .. قصيدة .. بليلك أتخضر
الك روحي أزفنها قصيدة .. ألك روحي ...
كَبل الغروب
..............................
الهوامش: (1) في اللهجة العامية العراقية تُقلب " القاف" " كَاف" فيكون قبل ، كبَل والقلب يتحول الى الكَلب "... وهكذا مع كل كلمة تبدأ بحرف القاف .
(2) كل الاسماء التي وضعت بين" هلالين" هي اسماء علم معروفة في سماء الفكر والادب والنضال العراقي والعربي والانساني ذكرها الشاعر أكثر من مرة في قصيده .
(3) الكاع تعني الأرض .
(4) علكنه تعني أشعلنا او أنرنا
(5) تشابكَنه: وضعنا يد بيد في حلقة رقصة عراقية شمالية شهير ة تدعي " الجوبي"
* تنويه: هذه قصيدة من الشعر الشعبي العراقي للشاعر شهيد الشعب والحزب الشيوعي العراقي صبري شامخ والملقّب ب" صبري الغريب" كتبها بتاريخ 8- 1971 بعد إستشهاد المناضل السوداني عبد الخالق محجوب .
.
محجوب ياضحكة شمس غابت كَبل (1)الغروب
يانجمة فكر جبار .... ضوّت للشعوب أدروب
غمّ الكَال صوتك مات
واشمعوعك مرار تذوب
وانته بوجنته التاريخ نجمات وكلايد نور
شوصف بيك وانت تحير " بواتير"(2) وتعجز أدب " طاغور"
وآنه أدريك .. لو نخل العراق أيصير كله سطور
ما تكفي الوصف منك يبو الثوار
يا محجوب
حبل الصلب ما يطفي شعاع أفكار
كَبلك طوكَ ركاب البكَت لليوم ذكراهم مشاعل نور للثوار
" روزبه " و" فهد" و" جيورجي" و" ستار"
ماخمدت مشاعلهم
ولا بردت بأثرهم نار
وأنته ياعشكَ ناي السنين
وزفة أمواج النضال
تشهد لك تواريخ الكفاح
وساحة الشدات
أسمك فوكَ وجنات الكَمر
ضاوي بحضن نجمات
يلي من شمس روحك تشع هاي الشمس للكَاع(3)
يلحطيت بالدنيه نسايم جوري وأنعناع
يمسافر على جناح الفخر تتلاكَه ويه أحرار
بشّر عادل وجبار
كَلهم ما يموت الثار
وأحنه بكل وكَت شعلة أمل ... أبطال
لجلكَ يا عشكَنا أنموت
ونشد للمنايا رحال
نبقه أحنه زلم ثوار ما تبرد عزايمنه
تعاهدنه بفهد وحسين
نكسر ليلنه بدمنه
ولا نحني لقدر غدار هامتنه
تعاهدنه
لجل جف العروسه العافت الحنّه
لجل طير السلام الماشدى بلحنه
لجل " قدسي" الحزينه التحلم ينجمات عودتنه
لجل " حيفا" ونسايم ليل ضفتنه
تعاهدنه
الصبح ميلاد ثورتنه
الصبح تسمع نغم رنات طلقتنه
أجينالك رفعنا أعلام دولتنا
بنينالك عرس وردي
علكَنه(4) أعيونا بعرسك
تشابكَنه(5) بدبج جوبي
تشابجنه بنغم حسك
يعنوان الشهامه ... الماتذله أجروح
دمك لا تظن أيروح
وزنود الشباب اتعاضد البارود
تنحرلك" نميري"
وتسحكَ بجدم الشجاعة " سعود"
وتحط النصر هاله فخر
تضوي عله عيونك
وشايح نور تتراكص على جفونك
يمن ريت العمر لوراح
يرجع للفجر لونك
يبستان الكَضه عمره لجل مجد البشر يزهر
ألك روحي .. قصيدة .. بليلك أتخضر
الك روحي أزفنها قصيدة .. ألك روحي ...
كَبل الغروب
..............................
الهوامش: (1) في اللهجة العامية العراقية تُقلب " القاف" " كَاف" فيكون قبل ، كبَل والقلب يتحول الى الكَلب "... وهكذا مع كل كلمة تبدأ بحرف القاف .
(2) كل الاسماء التي وضعت بين" هلالين" هي اسماء علم معروفة في سماء الفكر والادب والنضال العراقي والعربي والانساني ذكرها الشاعر أكثر من مرة في قصيده .
(3) الكاع تعني الأرض .
(4) علكنه تعني أشعلنا او أنرنا
(5) تشابكَنه: وضعنا يد بيد في حلقة رقصة عراقية شمالية شهير ة تدعي " الجوبي"
* تنويه: هذه قصيدة من الشعر الشعبي العراقي للشاعر شهيد الشعب والحزب الشيوعي العراقي صبري شامخ والملقّب ب" صبري الغريب" كتبها بتاريخ 8- 1971 بعد إستشهاد المناضل السوداني عبد الخالق محجوب .
.