ما بقى ضحك
ما بقات اوناسا
معلوم تظلي عساسا
فالشرجم تتسناي اخيالو
ولدك يرجع من المدرسة
إيقول ليك الحاكم
ولدك ما اقرى والو
ايكول ليك الحاكم
ولدك شغلاتو السياسة
ولدك ما اشبه شي لخوالو
ولدك تلزموا حراسة
كان لازمك تكوني كوساسا(جاسوسة)
او بوليس إمنعوا و قمعوا
ما يضسر ما يخمم فرياسة
ولدك آلالة ما شبه شي لخوالو
اعشق العامل وعشق الفلاح
ولدك آلالة كيكولوا يساري
خلاص خلاص اتحزم للكفاح
ونتينا يا لالة تتقولي قاري
يكفينا يا لالة آش بنا لمزاح
ولدك ألالة رجليه خرجوا الشواري
ولدك آلالة موسخ ضواصا
ولدك آلالة لازم يتكلاصا
ولدي يا سيدي تربيت إيدي
امقرياه انا ولدي تلميذي
ولدي بخوتوا ولدي باخوالو
ولدي بارفاقوا وارفاقوا اشحال
وحيدة فالحب وحيدة فالدرب
واخوت فالنضال
ولدي باقرايتو ولدي باعنايتو
واخوت في النضال
ولدي فلسطيني ولدي ظفاري
واخوت فالنضال
ولدي فلاحة ولدي عمال
ولدي سعيدة ولدي زروال
ولدي بنبركة ولدي عمر
ولدي دهكون ولدي رحال
ما نبكي ما نتألم
ما نخسر ما نتهزم
مزالة نولد صُبحية
او مع لعشية نتحزم
او نعاود نقري ونعلم
كرشي فاكفايتو- كرشي فحمايتو
كَيدي يا نار
كَيدي او زيدي اوحرقي لدخال
حركيها مازال
كَيدي او زيدي او ولدي لرجال
كيدي يا نار كيدي يا نار
1978
ما بقات اوناسا
معلوم تظلي عساسا
فالشرجم تتسناي اخيالو
ولدك يرجع من المدرسة
إيقول ليك الحاكم
ولدك ما اقرى والو
ايكول ليك الحاكم
ولدك شغلاتو السياسة
ولدك ما اشبه شي لخوالو
ولدك تلزموا حراسة
كان لازمك تكوني كوساسا(جاسوسة)
او بوليس إمنعوا و قمعوا
ما يضسر ما يخمم فرياسة
ولدك آلالة ما شبه شي لخوالو
اعشق العامل وعشق الفلاح
ولدك آلالة كيكولوا يساري
خلاص خلاص اتحزم للكفاح
ونتينا يا لالة تتقولي قاري
يكفينا يا لالة آش بنا لمزاح
ولدك ألالة رجليه خرجوا الشواري
ولدك آلالة موسخ ضواصا
ولدك آلالة لازم يتكلاصا
ولدي يا سيدي تربيت إيدي
امقرياه انا ولدي تلميذي
ولدي بخوتوا ولدي باخوالو
ولدي بارفاقوا وارفاقوا اشحال
وحيدة فالحب وحيدة فالدرب
واخوت فالنضال
ولدي باقرايتو ولدي باعنايتو
واخوت في النضال
ولدي فلسطيني ولدي ظفاري
واخوت فالنضال
ولدي فلاحة ولدي عمال
ولدي سعيدة ولدي زروال
ولدي بنبركة ولدي عمر
ولدي دهكون ولدي رحال
ما نبكي ما نتألم
ما نخسر ما نتهزم
مزالة نولد صُبحية
او مع لعشية نتحزم
او نعاود نقري ونعلم
كرشي فاكفايتو- كرشي فحمايتو
كَيدي يا نار
كَيدي او زيدي اوحرقي لدخال
حركيها مازال
كَيدي او زيدي او ولدي لرجال
كيدي يا نار كيدي يا نار
1978