نجيب شهاب الدين
سايس حصانك
سايس حصانك ع القنا و تعال
تلقى القوليلة مبخرة و ملانة
الصدر مرمر و النهود عريانة
مديت ايدي على النهود اتفرج
نترت دراعي يا دراعي يانا
سايس حصانك بعد غيبة طويلة
يا عاوج الطربوش مع النرجيلة
العمر طول و السعادة قليلة
قلت لها و الله اللي رماك رمانا
نترت دراعي يا دراعي يانا
نترت ذراعي ليه و أنا من الأول
عاشق و عشقي للجميلة طول
إزاي أتوب عن الغرام و أتحول
يا بو رمش جبنا في الهوى و ودانا
نترت دراعي يا دراعي يانا
بحلم بيومنا و إنت إيدك فى إيدى
بحلمة و حلمى أد ما إنت تريدى
قد الحلال قد القمر و يزيدى
قد الهموم اللى تبات شغلانا
نترت دراعي يا دراعي يانا
قصيدة
مرمر زماني
مرمر زماني يا زماني مرمر
مرمرتني لابد ما تتمرمر
مرمر وترجع تاني يا اللي بعيد
والشوق في قلبي يزيد ولا يتغير
مرمر زماني يا زماني مرمر
مرمر يا مصر ويجري فيكي النيل
والجوع يعربد فيكي والتضليل
والحب يكبر في ظلام الليل
على قد مصر وقد ما تتصور
مرمر زماني يا زمن مندار
يا حسرة قلبي ع اللي راحوا صغار
تشهد عليك المدرسة والدار
ونجمة طالعة من بعيد بتنور
مرمر زماني يا زماني مرمر
**
صبح الصباح قلبي اللي حب وعانا
هلالي شمس الصبح تبقى معانا
متغربين بس الهموم جمعانا
على حلم واحد واللقا متقدر
مرمر زماني يا زماني مرمر
قصيدة
ايه راح تاخد يا برديسي
ايه راح تاخد يابرديسى
ايه راح تاخد من تفليسى
مصر بتحسب فى المواعيد
ييجى عريسها فى يوم العيد
لابس بوردة وراكب سيسى
ايه راح تاخد يا برديسى
ايه راح تاخد م اللى ف جيبى
واللى ف جيبى ده عقد حبيبى
والعقد اتناشر حباية
والحباية فى ايدها مراية
تكشف وشك تكشف غشك
تكشف شمس الله فى قميصى
ايه راح تاخد ياسى برديسى
نجم يقول لسهام يا سهام
عمر اسم الله بقى فى سنة كام
عمر بيرسم فى الكراس
يرسم ورد ويرسم ناس
يجرى عليا يقولى ياماما
ندر عليا أدبح له حمامة
يجرى عليا يقولى يانينة
ندر عليا أبني له جنينة
يفرد ايده يطلع يجرى
اخده فى حضنى
واشيله فى صدرى
وافتح قلبى واحل له كيسى
عمر ضنايا عمر عريسى
ايه راح تاخد ياسى برديسى
ايه راح تاخد من تفليسى
نحلم جوه السجن وبره
نحلم حلم النفس الحرة
احنا فـِ ضيقة
ومصر فـِ ضيق
بس بنحلم حلم جرئ
جوه وبره الحلم وريثى
ايه راح تاخد ياسى بردريسى
==========
يا مصر قومي وشادي الحيل
يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان بيرم أفندي
رافعين جباه حرة شريفة
باسطين أيادي تأدي الفرض
ناقصين مؤذن وخليفة
ونور ما بين السما والأرض
يا مصر عودي زي زمان
ندهة من الجامعة وحلوان
يا مصر عودي زي زمان
تعصي العدو وتعاندي
آمان آمان بيرم أفندي
الدم يجري في ماء النيل
والنيل بيفتح على سجني
والسجن يطرح غلة وتين
نجوع ونتعرى ونبني
يا مصر لسه عددنا كتير
لا تجزعي من بأس الغير
يا مصر ملو قلوبنا الخير
وحلمنا ورد مندي
آمان آمان بيرم أفندي
يسعد صباحك يا جنينة
يسعد صباح اللي رواكي
يا خضرا من زرع إيدينا
شربت من بحر هواكي
شربت من كاس محبوبي
وعشقت نيل أسمر نوبي
وغسلت فيه بدني وتوبي
وكتبت اسمه على جلدي
آمان آمان بيرم أفندي
سايس حصانك
سايس حصانك ع القنا و تعال
تلقى القوليلة مبخرة و ملانة
الصدر مرمر و النهود عريانة
مديت ايدي على النهود اتفرج
نترت دراعي يا دراعي يانا
سايس حصانك بعد غيبة طويلة
يا عاوج الطربوش مع النرجيلة
العمر طول و السعادة قليلة
قلت لها و الله اللي رماك رمانا
نترت دراعي يا دراعي يانا
نترت ذراعي ليه و أنا من الأول
عاشق و عشقي للجميلة طول
إزاي أتوب عن الغرام و أتحول
يا بو رمش جبنا في الهوى و ودانا
نترت دراعي يا دراعي يانا
بحلم بيومنا و إنت إيدك فى إيدى
بحلمة و حلمى أد ما إنت تريدى
قد الحلال قد القمر و يزيدى
قد الهموم اللى تبات شغلانا
نترت دراعي يا دراعي يانا
قصيدة
مرمر زماني
مرمر زماني يا زماني مرمر
مرمرتني لابد ما تتمرمر
مرمر وترجع تاني يا اللي بعيد
والشوق في قلبي يزيد ولا يتغير
مرمر زماني يا زماني مرمر
مرمر يا مصر ويجري فيكي النيل
والجوع يعربد فيكي والتضليل
والحب يكبر في ظلام الليل
على قد مصر وقد ما تتصور
مرمر زماني يا زمن مندار
يا حسرة قلبي ع اللي راحوا صغار
تشهد عليك المدرسة والدار
ونجمة طالعة من بعيد بتنور
مرمر زماني يا زماني مرمر
**
صبح الصباح قلبي اللي حب وعانا
هلالي شمس الصبح تبقى معانا
متغربين بس الهموم جمعانا
على حلم واحد واللقا متقدر
مرمر زماني يا زماني مرمر
قصيدة
ايه راح تاخد يا برديسي
ايه راح تاخد يابرديسى
ايه راح تاخد من تفليسى
مصر بتحسب فى المواعيد
ييجى عريسها فى يوم العيد
لابس بوردة وراكب سيسى
ايه راح تاخد يا برديسى
ايه راح تاخد م اللى ف جيبى
واللى ف جيبى ده عقد حبيبى
والعقد اتناشر حباية
والحباية فى ايدها مراية
تكشف وشك تكشف غشك
تكشف شمس الله فى قميصى
ايه راح تاخد ياسى برديسى
نجم يقول لسهام يا سهام
عمر اسم الله بقى فى سنة كام
عمر بيرسم فى الكراس
يرسم ورد ويرسم ناس
يجرى عليا يقولى ياماما
ندر عليا أدبح له حمامة
يجرى عليا يقولى يانينة
ندر عليا أبني له جنينة
يفرد ايده يطلع يجرى
اخده فى حضنى
واشيله فى صدرى
وافتح قلبى واحل له كيسى
عمر ضنايا عمر عريسى
ايه راح تاخد ياسى برديسى
ايه راح تاخد من تفليسى
نحلم جوه السجن وبره
نحلم حلم النفس الحرة
احنا فـِ ضيقة
ومصر فـِ ضيق
بس بنحلم حلم جرئ
جوه وبره الحلم وريثى
ايه راح تاخد ياسى بردريسى
==========
يا مصر قومي وشادي الحيل
يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان بيرم أفندي
رافعين جباه حرة شريفة
باسطين أيادي تأدي الفرض
ناقصين مؤذن وخليفة
ونور ما بين السما والأرض
يا مصر عودي زي زمان
ندهة من الجامعة وحلوان
يا مصر عودي زي زمان
تعصي العدو وتعاندي
آمان آمان بيرم أفندي
الدم يجري في ماء النيل
والنيل بيفتح على سجني
والسجن يطرح غلة وتين
نجوع ونتعرى ونبني
يا مصر لسه عددنا كتير
لا تجزعي من بأس الغير
يا مصر ملو قلوبنا الخير
وحلمنا ورد مندي
آمان آمان بيرم أفندي
يسعد صباحك يا جنينة
يسعد صباح اللي رواكي
يا خضرا من زرع إيدينا
شربت من بحر هواكي
شربت من كاس محبوبي
وعشقت نيل أسمر نوبي
وغسلت فيه بدني وتوبي
وكتبت اسمه على جلدي
آمان آمان بيرم أفندي