دخل هو وصديقه عند دكتور الأسنان حيث أن صديقه كان له ضرسا يؤلمه كثيرا فذهب لخلعه، وبعد أن قام الطبيب بخلع ضرس صديقه قال للطبيب:
- لو سمحت يادكتور ممكن تشوفلى أسنانى سليمة ولا فيها حاجة مسوسة أو تعبانة.
سأله الطبيب:
- انت قاطع تذكرة ولا معاه كده.
- لأ معاه كدا عادى.
نظر الطبيب فى فمه بتمعن حتى بدا عليه القلق فقال:
- ياه ، فيه ضرسين مسوسين وواحد عايز حشو.
انتابه القلق وقال:
- طب وايه العمل؟
- ممكن تقطع تذكرة وتجيلى، هنضفهملك ونحشيلك اللى عايز حشو ده، وجدعنة منى الحشو ببلاش، ليك انت بس.
طأطأ رأسه حزنا ولكنه فرح بمجانية الحشو، خرج مع صديقه من عند الطبيب ثم جاءه فى اليوم التالى، قد قطع تذكرة كشف ودخل عليه٠٠ سلم عليه وجلس على كرسى الكشف٠٠ فحص الطبيب أسنانه ثم قال:
- قوم يا أستاذ إبراهيم، انت كويس الحمد لله، أسنانك زى الفل.
- نعم؟! زى الفل؟ أمال امبارح قولت انه فيه ضرسين مسوسين وواحد عايز حشو.
- انت حاسس بوجع فى أسنانك؟
- لأ.
- طيب أنا بقولك أسنانك تمام.
- أمال ليه امبارح قولت كدا.
- انت مكنتش قاطع تذكرة امبارح فمشوفتش كويس.
- لا والله، انت بتشتغلنى يادكتور.
- وهو انت يعنى عايز تستغلنى وخلاص، مهو أنا مش واخد كلية طب وآجى من الصبح عشان تيجى تكشف من غير فلوس.
- طب افرض كنت محتاج ومش معايا فلوس التذكرة.
- مكنتش هتدفع تمن التذكرة.
- افرض مستلف تمنها.
- ابقى سددها على مهلك للى انت واخدها منه.
- وافرض مش هعرف أسده.
- مكنتش هتستلف.
- كنت عايز اتطمن على نفسى يا أخى.
- وأديك اتطمن.
- مهو انت اللى كنت قلقتنى.
- انت اللى موسوس، وعارف إن أسنانك سليمة ، ولا عشان ببلاش يعنى.
- يعنى انت بتستغفلنى يادكتور؟
- يا ابنى احنا أكل عيشنا من المغفلين، دول أصحاب فضل علينا.
- انت ضميرك مرتاح كدا؟
- جدا.
خرج من عنده وهو يتمتم بكلام غير مفهوم وقد استشاط غضبا، فقال له الطبيب:
- بقولك!
نظر إليه وقد توقع أن قلبه سيرق ويعيد له ثمن التذكرة أو على الأقل جزءا منه ولكنه صدمه بقوله:
- قولهم برّا اللى عليه الدور يدخل.
أغلق الباب بشدة وهو يحسبن عليه فضرب الطبيب يده على المكتب قائلا:
- نسيت أقوله على معجون الأسنان بتاعنا، تحفة، تحفة، بيحارب التسوس.
تمت
(محمد الغرباوى)
- لو سمحت يادكتور ممكن تشوفلى أسنانى سليمة ولا فيها حاجة مسوسة أو تعبانة.
سأله الطبيب:
- انت قاطع تذكرة ولا معاه كده.
- لأ معاه كدا عادى.
نظر الطبيب فى فمه بتمعن حتى بدا عليه القلق فقال:
- ياه ، فيه ضرسين مسوسين وواحد عايز حشو.
انتابه القلق وقال:
- طب وايه العمل؟
- ممكن تقطع تذكرة وتجيلى، هنضفهملك ونحشيلك اللى عايز حشو ده، وجدعنة منى الحشو ببلاش، ليك انت بس.
طأطأ رأسه حزنا ولكنه فرح بمجانية الحشو، خرج مع صديقه من عند الطبيب ثم جاءه فى اليوم التالى، قد قطع تذكرة كشف ودخل عليه٠٠ سلم عليه وجلس على كرسى الكشف٠٠ فحص الطبيب أسنانه ثم قال:
- قوم يا أستاذ إبراهيم، انت كويس الحمد لله، أسنانك زى الفل.
- نعم؟! زى الفل؟ أمال امبارح قولت انه فيه ضرسين مسوسين وواحد عايز حشو.
- انت حاسس بوجع فى أسنانك؟
- لأ.
- طيب أنا بقولك أسنانك تمام.
- أمال ليه امبارح قولت كدا.
- انت مكنتش قاطع تذكرة امبارح فمشوفتش كويس.
- لا والله، انت بتشتغلنى يادكتور.
- وهو انت يعنى عايز تستغلنى وخلاص، مهو أنا مش واخد كلية طب وآجى من الصبح عشان تيجى تكشف من غير فلوس.
- طب افرض كنت محتاج ومش معايا فلوس التذكرة.
- مكنتش هتدفع تمن التذكرة.
- افرض مستلف تمنها.
- ابقى سددها على مهلك للى انت واخدها منه.
- وافرض مش هعرف أسده.
- مكنتش هتستلف.
- كنت عايز اتطمن على نفسى يا أخى.
- وأديك اتطمن.
- مهو انت اللى كنت قلقتنى.
- انت اللى موسوس، وعارف إن أسنانك سليمة ، ولا عشان ببلاش يعنى.
- يعنى انت بتستغفلنى يادكتور؟
- يا ابنى احنا أكل عيشنا من المغفلين، دول أصحاب فضل علينا.
- انت ضميرك مرتاح كدا؟
- جدا.
خرج من عنده وهو يتمتم بكلام غير مفهوم وقد استشاط غضبا، فقال له الطبيب:
- بقولك!
نظر إليه وقد توقع أن قلبه سيرق ويعيد له ثمن التذكرة أو على الأقل جزءا منه ولكنه صدمه بقوله:
- قولهم برّا اللى عليه الدور يدخل.
أغلق الباب بشدة وهو يحسبن عليه فضرب الطبيب يده على المكتب قائلا:
- نسيت أقوله على معجون الأسنان بتاعنا، تحفة، تحفة، بيحارب التسوس.
تمت
(محمد الغرباوى)