نويت أصلي، برغوت حصل لي؛ سبت الصلاة، وقعدت أفلي. قالوا الخلايق كلام عني، وحياة سيدنا النبي والعارفين عنه، ما فهمت منه، غير إنه، كلام شين، مزعوق بيه في داري، والزاعق غراب البين.
قالوا:
كفر، ولا انكسر.
قالوا:
اتجن، ولشطانه حن.
وشيخ البلد قال:
اقتلوا، أو لدينه ردوه.
وأنا مش فاهم العبارة.
فيه إيه يا بلد؟! مش تعرفوا اللي جرا وأصل المسألة؟
الحكاية وأصلها: دكة لباس متني، سكنه برغوت، قرص متني. قالوا:
اقتلوه.
صرخت تاني:
يا عالم، يا هو، دأنا رحت أصلي، برغوت حصل لي، سبت الصلاة، وقعدت أفلي.
لا أنا كافر، ولا شيخ، ولا مجذوب.
أنا بس،
لبست لباسي بالمقلوب.
رانية المهدي
الأسماك يحكمون المدينة
قالوا:
كفر، ولا انكسر.
قالوا:
اتجن، ولشطانه حن.
وشيخ البلد قال:
اقتلوا، أو لدينه ردوه.
وأنا مش فاهم العبارة.
فيه إيه يا بلد؟! مش تعرفوا اللي جرا وأصل المسألة؟
الحكاية وأصلها: دكة لباس متني، سكنه برغوت، قرص متني. قالوا:
اقتلوه.
صرخت تاني:
يا عالم، يا هو، دأنا رحت أصلي، برغوت حصل لي، سبت الصلاة، وقعدت أفلي.
لا أنا كافر، ولا شيخ، ولا مجذوب.
أنا بس،
لبست لباسي بالمقلوب.
رانية المهدي
الأسماك يحكمون المدينة