ما خطر على بالك
يمكن إني بريدك
وإنه الشوق الجارح
نازف كل غناه عليك
يا زول يا نيل
والسكة عطش ممهول في الروح
ينشف ريق العافية السمحة
يوقف نغم النسمة السارية
يكتم حس الجته النادية
ويطل الليل مبحوح الصوت
يسأل عنك
يسأل منك
وأنا ما خليت في قراية صبري وتلف الحيرة
أي وسيلة كان ألقى إجابة تدله عليك
يمكن مارق علي جرف بعيد
أو يمكن صادي* قريب
او يمكن ياخ مسروق البال
وعلى ده الحال
لو علقت نجومك سبحة في ايد سهرانه
أو ناضمت* القمرة بعين سهيانه
كلو وحاتك عشم مغشوش
ما ظنيت البال ح يصفا ويسامح
عارف ليه
لانه الالفة مروقها صعب
زي صوت الريح
لما يعدي وجع من ثقب الناي
زي دمع الشمعة
لما يحرّق جنب الليل
سهر وظلال
لا يهدهد حلم رهيف رقراق
لا يشيل من شجن أيامي بلاك
موال شوق ويودي عليك
أريج
صادي /راجع
ناضمت/تحدثت
يمكن إني بريدك
وإنه الشوق الجارح
نازف كل غناه عليك
يا زول يا نيل
والسكة عطش ممهول في الروح
ينشف ريق العافية السمحة
يوقف نغم النسمة السارية
يكتم حس الجته النادية
ويطل الليل مبحوح الصوت
يسأل عنك
يسأل منك
وأنا ما خليت في قراية صبري وتلف الحيرة
أي وسيلة كان ألقى إجابة تدله عليك
يمكن مارق علي جرف بعيد
أو يمكن صادي* قريب
او يمكن ياخ مسروق البال
وعلى ده الحال
لو علقت نجومك سبحة في ايد سهرانه
أو ناضمت* القمرة بعين سهيانه
كلو وحاتك عشم مغشوش
ما ظنيت البال ح يصفا ويسامح
عارف ليه
لانه الالفة مروقها صعب
زي صوت الريح
لما يعدي وجع من ثقب الناي
زي دمع الشمعة
لما يحرّق جنب الليل
سهر وظلال
لا يهدهد حلم رهيف رقراق
لا يشيل من شجن أيامي بلاك
موال شوق ويودي عليك
أريج
صادي /راجع
ناضمت/تحدثت