شعر إيروسي الإباحية في شعر الملحون - محاورة بين لائط وزلاّل نظم الشيخ الحاج ادريس بن علي السناني الملقب بالحنش

rEJ5yFO1.jpg



من البحر السوسي- الشعر الإباحي في الملحون

اللازمة:
آمن هو لواط تُب . فارق الزعكة و اسمع لي .
نصحتك من جانب المحبة رُم الطبون .
آمن هو لواط تب

القسم الأول:
أيا من هو لواط تُب . تلواطت عيب العيوب .
ما فيها طيبة و لا ظرافة . و لا همّة و لا نظافة .
و التابعها دليل . ممقوت في فعالو رديل .
ذل من الكلب فحالة المكر . و كْذب من دلال فالمقال .
و حنّ من الوالدين . تلقاه بن الزغبي حنين .
أوجد فالوقت من الصرارفي . و اخدع من ذيب فالشعاب .
و اللي سقصاه يقول تاب . و لا يوجد راحة و لا هنا .
و لا يزهى له منام . حتى يخشي باكورتو
فذيك التقبة الزغبية ألاَلاّ ها لاَلاّ
ويلا يفقدها الكل ما تبرد ليه جنون.

القسم الثاني:
رم الطبون و سر ليه . عنداك تفضل شي عليه .
مولاي الحر مبرد الغدايد . كايخضع ليه كل واحد .
و كثير اللي حواه . من ذاقو عمرو لا نساه .
ديما فمو محلول للدخول . موجّد مبلول .
غير ضربو فيه و تركو يجول . يدخل حتى للفول .
دق و تصنت . و سطاب على جنابو .
و طهلا لا تكون فيك الرخوى . نوصيك كن راجل قوي .
فتش فلدخال بقوة فيمين و الشمال و ساوي .
وَ وْعَكْ في طريش القلوى . ويلا انت معلم حاوي .
تسطاب علْ الحر النشوة . و تصيب فيه شلا ناوي .
حتى يجيك راسك و يلوى . عطي لعانسك لقلاوي .
تمسح ما تخلي رغوة . هذيك سيرة العذراوي .
شهوة اللا مثلها شهوة . عدّات العسل و حلاوي .
هي لكل شوَّال دوا . مولاها مسلي طاوي .
و اللي تابع الكرّْ سفيه . و لا يلو نْظَرْ .
ما عندوشي باش يفتخر كان هو يا فهيم .
نال مناه و قصدو . يبات زاهر بالزب يسرح المطاهر .
ويلا جيتي لنيّْتو راه قضى المزية . ألالا هالالا
لهلا يعمي حد كيف معمي ذاك المغبون.

القسم الثالث:
ريت اللواطة كالقطوط . ديما بالزعكة كاتحوط .
بشْواولها و زبوب كاتلوب . على كل دروب .
وقت مّا داز الولد يقلّْبوه . تقلاب الشاري .
بالعيان من سيقانو . و يميزوا على مسلانو .
و يهندسوه . و يعرفوا راس المال كان وافي .
و لاّ عيان أو ناصب . ما فيدو غير المنيزه .
هذاك تصيب هل الجلسة و الشوق يعاشروه .
و صحاب النيك يجنبوه . يبغيو القاع اللي يكون عامر و كبير ايكيّْلوه .
هاذو قوم الشيطان غرهم . و جعلهم جندو و حبّهم .
و اخلف بيهم قوم لوط . تلقاهم مشغولين حايرين سكارى .
بمحبة الدراري . حفظوا و قراو علم تلواطت و تفقهوا .
و عرفوا القواعد و الشروط . ويلا دازت المرا يجنبوها .
ليس ايردوا البال ليها . و لهاتهم فالزبوط .
و يسميو الدري كلهم بالمفسود و مرض و المريوَد .
و الصاحب و القطيوتي . و اليشير مع الكحول .
و المسلوخ و المليح و الصغيور . و الكَص مع الشباب .
و الباهي و المزيان و المفنن . و العايل و الظريف .
و الولد مع المحبوب . و الطفل و الزغنان .
و ولد الحيا . و العرنا و الفرخ . و الزميما و الزبطة و الخليل .
و القيام و القطيب . و المشيمم و حميدو .
و المريفق و السرتي و المركوب . و الشواري و الزامل و اللبيق .
و الكدار الحمال . و المخنت و عدو القحاب فالوكر .
و الزحتي و العاود و المهر . و العطاي و رافد الحمل .
و المسلوخ و زايد الجمل . و الهارق فات القياس .
ولا باقي فوقو اخلاص . غير اللي هو حساس .
راحتو فالزب الفرطاس . بيّْنو لو يعطيك اللي تريد .
لاين من يَدُّو كايزيد . وامّا اللواط اللي شديد .
كايتسمى الخصيم . و الرهيب مع القسيس الوكيد .
و الحايل و المسكوف و الدليل . و لمجلمد و الحنين .
و المتمادي أَسْمو مبيّن . و الحاضي و العساس .
و المبدَّل و شريك الوالدين . و الصياد و الخسيس .
و المسفَّل و الظالم و الظفايري . و الرهاطي و البنين .
واجب يلعان كاملين . خلاو الطبون الظريف كاسد .
مايسوا فالبلاد كَيزا . من سولتي يقول بارد .
و الزعكة ضيقة احفيزة . عادت تتباع بالمزايد .
و القوادين بالغميزة . شلاَّ قومان كاتجاهد .
مطلوبة غالية عزيزة . عند الخصمان كلهم محروسة محضية .
ألالا هالالا عزوها و حضاوها مثل مكَنة فالشون.

القسم الرابع:
اللواطة ساقوا خبار . و بغاو ينصارو على العار .
خافوا من معياري ايشيع . و يعايرهم به الجميع .
و اجتمعوا و اتفقوا . ايجيو عندي باش نترك الكلام .
أو نعمل شرط الخصام . و اختاروا تمّا اللي يجاوب عليهم طير غريب منهم .
ماهر فالطرقة قديم . شايب متمادي حافظ الخزايب .
دوّز عمرو في بلاد امتيوا . حتى صارت ضراسو و سنانو مسوسة .
جنو متعادي مع النسا . من نهار خرج من الحر ما شافو .
و لا ذاز في طريقو . ما يعرف ليه شور . عندهم مشهور فكل كَور .
بَبَا حمان كَريبا البهجاوي وساع الكرور . آ ش را من لا شافو ساعة يتقدم بصحابو .
و جا مقصدو حياني بالسلام . جاوبتو و شركنا كلام وانا نافر بالقلب تانعيط .
سلمنا يا سلام حتى جا للمقصود . و الحكاية و تلفت فيا ألالا هالالا
قال علاش انت كاتقول و عقلك مشطون.

القسم الخامس:
بغيناك تَّرْك الخطاب . حين انتَيا ولد الصواب .
شاعر ماهر و مأدب الخلاق . تفقهتي فالفنون .
و مثيلك بنا ما يهون . لاين أبي نواس شيخنا .
و القاضي يحيى إمامنا . رحمه الله كايفضل الكرور على الحرور .
و مذاهب و شرق و غرب . و المداين و ابّادي و الدشور .
هذاك اللي تختار فالوجوه . و تظن واين حسيب طالب .
تلقاه حريص كايظل على الزعكة كايدور . و الناس عيات من الحرور .
لحم الغنمي مزيان بودنيبة . غيرو ما ريت فيه طيبة .
يا من باقي غشيم . ما دقتي شي زم الكرور .
بعَّد بهوتك لا تلومنا . ما فيا شي اللي يدوق لحم النعجة .
محال واكلو يتعالج . ما فالفروج حتى فرجة .
الكثير كاتصيبو مارج . مثيل من دخل في مرجا .
و بقى غريق عقلو خارج . الى كان عارف و نجا .
مهما يغيس ليه يسلُّو سمع الكلام . يا من باغي لِنا يعارض التشبيه و القياس .
ها حكاية أبي نواس . يوم غرق أ لولا غاتو غلام .
و اللواطة ماشي غشام . ما هربوا من لقحاب للدراري .
حتى داقوا و جربوا و لقاو السلوان فالتريمة .
محلاها زينة الزميمة . و اللي جربها يعيط اللذة هذي هيا
ألالا هالالا
ايولاهي ضاع وقتنا فالحر المعفون.

القسم السادس:
قلت لبابا حمان نشوف . كل ما قلتي لي هتوف .
ما كاين غير الحر للذكر . بالواجب فالقول ينشكر .
وانا ظنيتك يالزغبي ما ذقتي لو غرام . ذاك الساكن تحت الحزام .
هاك سمياتو كيف جات . حتى كنياتو بالتمام .
المشقوق المفلوق و المنصف زيد الطبون . و اسمو بشِّي و الحتون بالجهر .
و الكيس مع الفرج ينذكر . و الشيخ المتقوب ما خفا .
و مسيل مخ الزبوب . و الغنزير المكَعور بالهميزا .
حتى الفكرون و القنيفد و الفران العزيز . و الكنية بوغابة و بوشدوق .
و بوسنطيحة و بودنيبة . و السيد بوفنين .
نبغيك تشوف يا حزين . حين تنتفو نتفة مدخمة مولاتو .
و تواجبو و تعطيه لمن يحويه . بعد يطلع عليه و يبقى الفوق .
و الزلال يدوق الشدوق . هذيك الحواية و الرشوق .
بعّد و اردخ و اعطِ حقوق . ويلا جيتي تحويه هرها فيه .
و خرطمها حتى تنزف بالعض و التشابر . و دفع الغليظ بو عزافر .
ويلا شفتيه جاي كابر سلّو و اخشيه لا تخليه . و قبطها فيه عاد حوّيه .
و نكح حتى يجيك . و تعرفو جاها عاد خرجو من تمّا .
و تصيبو مصعصع قايم . مازال ما عيا بالخدمة .
ناوي يعاود بن الظالم . الحر ما بحالو نعمة .
و لا يشابهوه نعايم . جربوا يا صحاب الترمة .
يا غافلين عْلَ العوارم . بدلتو الحر بالزمة .
بين الفخاد ساكن ناعم . لله ما حشمتوا ما ستحيتوا ما عرقتوا .
خليتوا يا محانكم . شي خودات تحير النظر .
بقدود من الياس و الزهر . كاتميل و تعدل في حالة الصغر .
و سوالف بالطيب و العطر . و تفافح في عرصة الصدر .
و طبابن و حرور من اشبر . و سخونين مثيل الجمر .
كيف وجدتو عنها صبر . و مشيتو للطيز فالظهر .
هذا حمق كبير منكم و مصايب و بلية .
ما عنقتو باهيات . ما بتوا فوق بطون.

القسم السابع:
باب حما ن دوا و قال . و غضب و تحزم للجدال .
أثر فيه كلامي . و جا يحامي . قال سمع لي جهار .
ما سقتي للدنيا خبار . و حشمنا منك ما كفا .
ما خليتي حرمة و لا وقر . هاك طريز الفن بالجهر.
ظنيتك كلتيه فالحريرة . و لعب بك السحور .
حتى وليتي كتسب فالولدان وجوه البدور . و تعدّ سميات الحرور .
كيف جرى لك تسب و تعيب الزمة راحة العقل .
و انت ما ذقتي لها عسل . و علاش شهدتي الزور .
و الناس باعت الحوانت . و فنادق و الديور .
أما من قوم تقاتلوا عليها . و المورض صايلين بها .
عادوا متسببين فيها . سلعتهم ما تبور .
سلعة واش من سلعة . واجب نسميها .
و نرد لك سلفك بالوافي فالعبار . و نبين ليك علم الطيار .
كَول الزعكة و الزك و التريمة . و السّوّى زينة الزميما .
و الكَزما فالخبار .و الكديا و الكرموس الذي ما حملت به الشجار .
و المسلان و سلطانة الظهر . و الزمة و قرارة الذكر .
و الميم القلعة السالبة . و المجموعة و المقببة .
و العين مع الطيز و الكريِّر . كهف سجون الأيورو .
مصيونة و سخونة فكل ساعة ما تولد ما تحيض .
نبفي نشفي منها الغيظ . و يفرشها لي من اولاد قد و خد و صورة مهللة .
و حواجب و عيون قاتلة . زبطة كابر فالخنات .
و نحب ايجي عندي يبات . و نبات على ظهرو معنقو .
و الخمرة فالراس راشقة . ويلا جينا شي نزلقو .
نركب مولاتي الضيقة . وانا شوالي نريقو .
و الزعكة رطبة مبزقة . نخشيه و نبقى مدرقو .
ما نحتاج كلفة و لا شقا . و انصيب الروناق .
فوق لفلاق النادي و المساق . ويلا قمت عليها نوجد كتافي و اعظايا خفاف .
ما كاين لا دوخة و لا عيا و لا ضعف و لا نزاف .
خليني من الطبون ذاك المعفون . عافو قلبي .
و مل زبي . و طلع فالراس . غير بالحيض مع دم النفاس .
غارق ما ليه حدود . يا معارضنا بكثير الجلود .
خصو عصبة محمود أو مدرا أولا شي عمود .
و حنا بعدا هيهات لا حويناه و لا ذقناه ما بغيناه .
كتب بسماط العدول علينا . لفلاق و الظهر يكفينا خذ الصحيح .
يا من جانا لينا نصيح . ما فينا حد يحب النسا يا صاحي كَطعيا ألالا هالالا
ما نحويو حرور لو قبطنا خزنة قارون.

القسم الثامن:
حرْت مع اللواط السفيه . قلت أراسي شنقول ليه .
هذا شيطان قرايري مجلمد . ما يسمع من دعاه .
و لو وعظو و لا نهاه . و بقيت نجول فحالتو .
و خيب طرقتو و جهالتو . و قبح جوابو و ضلالتو .
و لا وقر شي حتى الشيب . ظاهر مرشوق بن الرهيب .
و فْطن بيا وانا نميزو . و الخاطر ساهي يجول .
و دوى و قال أرا ما تقول . هذا عزك حمان بورقيبة يا داخل للفضول .
بيا تضارب المثول . ظهري محني بحواية الدراري .
شابو من حبها عذاري . بعت عليها زمان داري .
بالثمن الثقيل . لكن فالمحبوبة قليل .
غير نشوف الحمرا تهيج ناري . و تخليني هبيل .
و تشاهد زبي كايسيل . عندي رمحي يا لايمي عشاري .
بين فخادي طويل . ويلا ردتي أسمو مع الكنية نعطي ليك البيان .
حتى نشفي ليك الغليل . نبدا بالزب حبيب النسا .
و الهرماعي و الحطيوطي . زد الغيطة و النفير .
و السمطة و الزنطيط و المطنش . و كراع الدحش و الدريوش .
و الشوال الشهير . و العرضي و الصلبي و الذكر .
و العسري و قليل الصبر و الذنبة و القايْم و المقنب .
و الجَّغلالا و المهول . و غليظ الراس و المغول .
و البكاي السقيط . و السَّفَلي و مفتش الدواخل .
تعبان العين و المداخل . قاهر لقحاب و الزوامل حتى يضحاو خيط .
و الكازي و الفراع و المطنب . و عصاة الفول و القويلب .
و عصاة الميم و المعصب . باكوري ثاقب الجلود مع الهروال القسيط .
ويلا جيت نكنيه ليك . تعرف نحسب حتى يشيط .
كانبداك ابو قليلة كنيتو . و بو شاشية سميتو .
و نزيد ليك بوقلواشا . و نعيد ليك بوفلزازا .
و كذاك بوعبالا بوراس ابو نكَاص . بوعين أُبودمعة .
و بو خنونة لمهوسني هواس . وقت اينوض يطير النعاس .
هو بوزنفَرا و بومحاصي . بوفول سباب المعاصي .
بوزرواطة و بوعصابة فيه اوصاف الكلب حين يوقف للبراني إلى يشوفو .
و ينوم على الحباب هذا حالو . حطو عَلّْ الباب يدخل .
و مع الضيق كايزهى لو . ويلا صاب لوسع يتسلّ .
و اللي حرام كايحلى لو . ويلا ذاق الحلال كايمل فساعتو .
ويلا يشبع يتقيا ألالا هالالا
و اللي تبعو في هواه ديما يبقى مفتون.

القسم التاسع:
اللواط تْعَنّى و صال . صاب مناه و عجبو الحال .
و بدا عفيونو كيرشقو . و صحابو ضحكوا و صفقوا .
و عليّا جملة اتافقوا . و الفاجر حمان كايدور و يطلب مني براز .
و يقول الظالم قل باز . هذا عزك حماني اللي ما تقدر لو عن اعباز .
خلينا فهوانا إلى حشينا فالمسلان الّْزاز . و تفرتن بحري عندما سمعت كلامو وانا عبوس .
من غير هوايا قلت يا فار الكرموس . يالمنحوس بن المنحوس .
ياللي ما صبتي حتى حكام . اتبعني فالساعة انت و قومك عند رفيع المقام .
نعني قاضي ناس الغرام . و مشينا عندو بالقدام .
فالحين وصلنا باب منزلو . و حنا في شد الجدال .
صبنا واقف ثمَّا غزال . شبه الياس و الهلال .
و العيون الكحلا و حواجب تقول توافل .
و الخال شرق تحت النجلا . فالخد المليح الكامل .
و خدود ورد و حسن و غلا . و الأنف طير برني نازل .
و سنان كجواهر تجلا .و الفم كَنّْ خاتم صايل .
ركَبة كاغزيل الفلا . مسلوب طاوسي يتمايل .
و الساق بان ساعة و لاَّ . اصفى من العاج الصايل .
حمان شاهدو و تَّبلى . و بقى الكلب فاني داهل .
هذي قال هي الحصلة . وانا نقول مالو واحل .
هذا صابتو شي علة . و لاَّ بشوف هاذ الزامل .
تمّا جمعت به الشملا . و بديت كانجرو عاجل .
و نشوفو تلفت و رجع لينا فحين . و عرفنا بين مخاصمين .
و لعند القاضي قاصدين . قال بغيتو لفقيه أو جيتو من هنا دايزين .
و دوى حمان و قال شاور علينا القاضي يالزين .
و دخل عندو حربي سريع . و رجع قال القاضي آياذن . تدخلوا عندو كاملين .
و دخلنا و طلعنا لواحد المصرية . و ضياقت العشية و حنايا طالعين .
صبناه و سلمنا عليه . و حنا قدامو واقفين .
رد علينا السلام . قال جلسوا لَّفصال أَمْأَدّْبين .
و عرف بابا حمان ساعة جلسنا . عْتْنى به قال مرحبا بمجيك يا حبيبي يا عوض الوالدين .
تمّا قاموا و تعانقوا . و جلسوا يدويو مقاربين .
وَطَرْني كان معاشرو فالمدرسة مدة من السنين .
مالك جيتي لا باس قال لو . و احكى ليه جميع ما وقع .
تغير الفقيه و انْفْكَع . تمّا قال لصاحبو اسمع .
هاذو عندي بايتين حتى ننظر القضية ألالا هالالا.
خرجهم فالليل ردهم و اللي كان يكون.

القسم العاشر:
الفقيه رجع ليّا خصيم . لواط مكلّب علْ الميم .
دلّت عنو لحوال و الغرايب . بالقول و باللغا الباين لا شك و لا مزاح .
و رجعنا عندو بعد العشية . صبنا المصرية مفرشة .
و كيوس الطبلة منقشة . و الشمعات كبار فوق حسكات .
وُ رشاشات و المباخر و عود و طيب فاح .
و غمز محبوبو باللماح . قابل لفقيه . و صار يقيم و يهدي كيسان عنبرية تشفي ضر الشباح .
و بدا حمان يقول طول يا ليل و بعّد يا صباح .
و بسط و لْها و زهى و طاب و اذكر قصدان املاح .
رايقة و حكايات غراب و الفقيه يجاوب . و يقول زدني يا ببا حمان زد حتى شفتو بالضحك طاح .
و كلنا و شربنا و لا بقى غير النوم خلاص . قرّب الليل يِفِيِّد بالجناح .
سيد القاضي بالسر باح . و خزر فيا و دوى و قال ليا يا هذا .
شلاّ ما بلغنا عنك . خالفتي سبيل العادة .
و بديتي تزيغ بفمك . فحق الرجال هل العبادة .
لولا طعامنا فجوفك . و الضيف بالشرع يتهادا .
حتى نطوفك و نسجنك . هذا الظريف كايتعادى .
راجل كبير فايت جدك . عبتي سيرتو المعتادة .
و مدحتي الغير بجهلك . أما الحرور خذ ايفادة .
واجي نحدثك و نَّصحك . هي لمن بغى لولادة .
و اللي بغى اللذة يدرك . عليه بسيرة بن هاني . و يكون فالزوامل فاني .
هذا جواب مباح فمذهبنا لكل كيِّس . ينشط و يطرب المسيَّس . لكن بشرط لا يغمس .
يوقف حدو الباب غير الى مول الدار قال لو . زد ادخل و ارضى و طاب .
هذا منهاج اهل الصواب . و جرى به العمل كيف شفتي فالشايب و الشباب .
و قليل اللي ما حركو هوى . و سلم من الغرام و لو كان يشوف الهذاب .
و الوقت ادْعَى و الخوف غاب . لا تنظر للَّبدات و التسابح و يغروك الذياب .
عمَّت هاذ البلوى و اهل الحرفة نعسوا . و رسوم الصلاح اندرسوا .
و استغنى الجنس بجنسو . و اللي لبيب يخفي يحسو . و عليه فالزمان بنفسو .
و لا عليه حمان كان رْبح أو خاب . هذا هو منهاج الحباب .
و الخير يْنسَب لّْخير . و النجا سلكوه القوم اللّْباب سَمعْ القاضي . وارا ما تقول معايا .
و نطقت قلت لو يا قاضي .أنا تايب لمولايا .
كفاتْني دنوب خواضي . و تْقَدني افعال خطايا .
هذا ما وجد فعْراضي . حاشا نعايرو بجنايا .
قلبي من العداوة فاضي . قال الفقيه تْبَع رضايا .
قوموا تصالحو بغراضي . يصفاو القلوب هنايا .
كونوا صحاب . و تصالحنا بعد العتاب . و لا خالفت وصية ألالا هالالا
و خرجنا بعد الصباح بعد عرفت المظنون.

القسم الحادي عشر:
أراوي ذا القول السليس . بجواهر فنظامو نفيس .
حفظو و حضيه أُجول فيه . و سلِّي بيه جوارح العقل و الفكرة .
و العارفين كل ايشارة . و جميع من تأدب و قرا .
يدري عجايب الشعرا .ما هو حرام و لا معَرّا .
ترويج للقلوب جهارا . و شي مزاح مرة مرة .
و البسط سالك فالعبارة . وَ وْقَعْ في مجالس كبرا .
عند الملوك و الوزارا . سر الجلوس هي الهدرا .
و الضحك هاك تسمع وارا . و اللي يكون مثل الحجرة .
ساكن بالزكيم تمارة . عشرتو ثقيلة مُرَّة .
خشبة تليق للنجارة . مزيان الزهو و البشارة .
حلة مشرفة مختارة . لا سيما اللي كان نبيل منوَّر السريرا .
و تأمل بالدهان . يوجدنا غنينا على لسان الحال و قوم الزمان . و لا يجهل هاذ الوزان .
غير اللي هو خشين الطبع . ما فيه ظرافة و لا نفع .
طبعو طبع الجاب و الضبع . حين يسمع النظم يْنْفْكَعْ .
ويلا يسمعوه الفهام . تَتْفَكَّه بلفاظ القسام .
يتذكر مخلول الدماغ دابا و يرد عليَّا . را هو بَقَرة أعمى .
و ما طالع شي لفنون . خشين الطبع .
اللي ينادمو خص دماغو كية .
راه مثيل اللي ينزل الحلوى للبردون .
أو اللي غنَّى العلج و نشد لو بالعربية .
غير تعب نفسو معاه ما يعرف لو قانون .
و سلام الله على لشراف و على الطلبة لذكية .
قال الناظم صاحب اللغا و الطبع المتقون .
طامع فرحمتو الواسعة ياك يتوب عليّا .
و من حسن الظن بيه يكمل حسن المظنون .
اذكر اسمي بعدا شهير واضح يا سامع ليا .
قال الحاج ادريس بن علي را لفظو محسون.



Gays.jpg
 
أعلى