و لِسّا بِتْدّوّر يا طِير
عَن عِشّ تِسكِن فِيهْ!
هُوّا الشّجرْ دا اندَبَحْ
واتْقطّعِتْ شَوَاشِيهْ؟
ولّا أوَان البَلَحْ
الحيَّة لَغِّتْ فِيه؟
إوعَاكْ تقُول القَفَصْ
بِيتِي و خَدتّ عَلِيه
إصْنَع لرُوحَكْ وَطن
جُوّا سَرَايْة البِيه
الكُون دَا أصلُه عِشَشْ
وإفهَمْ بقُول لكْ إيه
لَوْ كَانْ كَلَامِي عَبَطْ
إسألْ ورُدّ عَلِيه
إسألْ نُسُور السّما
فوق كَابُه نَامتْ لِيه؟
لَوْ بدلتُه مُش عِشَشْ
علَى كِتفُه باضِتْ لِيه؟
البيِضْ عِيالْ يا غبِي
سايبْ عيالَكْ لِيه
طول السّفَر مِشْ وَطَنْ
ولَا بُكْرَة هيخَلّيه
......................................................
السيد فرج الشقوير
15/ 1/ 2022
عَن عِشّ تِسكِن فِيهْ!
هُوّا الشّجرْ دا اندَبَحْ
واتْقطّعِتْ شَوَاشِيهْ؟
ولّا أوَان البَلَحْ
الحيَّة لَغِّتْ فِيه؟
إوعَاكْ تقُول القَفَصْ
بِيتِي و خَدتّ عَلِيه
إصْنَع لرُوحَكْ وَطن
جُوّا سَرَايْة البِيه
الكُون دَا أصلُه عِشَشْ
وإفهَمْ بقُول لكْ إيه
لَوْ كَانْ كَلَامِي عَبَطْ
إسألْ ورُدّ عَلِيه
إسألْ نُسُور السّما
فوق كَابُه نَامتْ لِيه؟
لَوْ بدلتُه مُش عِشَشْ
علَى كِتفُه باضِتْ لِيه؟
البيِضْ عِيالْ يا غبِي
سايبْ عيالَكْ لِيه
طول السّفَر مِشْ وَطَنْ
ولَا بُكْرَة هيخَلّيه
......................................................
السيد فرج الشقوير
15/ 1/ 2022