عارف .. إن الفرق ما بيني و بينك ،
هوَّه الفرق ما بين الكفر و بين البندر
عارف .. و أعرف أكتر
إن أنا لسّه - يادوبك - أخضر
إني ماليش في أغاني الراديو .. غشيم
إني ماليش في كلام الحب كوّيس ، عارف
إن أنا لسّه صغيّر خالص خالص
لسه صغيّر
لسه باخاف م الليل و جيوشه
لسه جناحي بيطلَع ريشه
لسه باحاول ..
أكتب فيك الشعر ، و أقوله
عارف ..
إني قليل القول ، مش عارف ..
أنطق إسمك .. خايف
لكني يا ست الحسن باعيش الحب باعيشه
باتوضى معاك و باصلي الفجر ف سري
ساكت مغلوب على أمري
و ف عشمي يطول العمر .. و أكبر
و أقدر عالقول الواضح .. و أقدر
أخدك في دراعي و نجري
أنا و أنت ف بحر الناس .. أنا و أنتي
و إن عشت - يا حلوه - و عشتي
نفتح شباكنا الشرقي
و أعرق .. و أسقيلك عرقي
.. .. .. ..
و لإن الحب سلوك يا حبيبتي
مش عنت ح أقول و لا كلمة
أنا عارف ، عارف ، عارف
إزاي أنا حاخد حقي
و إزاي راح تبقي عروستي .
روز اليوسف ٣/١٠/١٩٧٢
زكي عمر
هوَّه الفرق ما بين الكفر و بين البندر
عارف .. و أعرف أكتر
إن أنا لسّه - يادوبك - أخضر
إني ماليش في أغاني الراديو .. غشيم
إني ماليش في كلام الحب كوّيس ، عارف
إن أنا لسّه صغيّر خالص خالص
لسه صغيّر
لسه باخاف م الليل و جيوشه
لسه جناحي بيطلَع ريشه
لسه باحاول ..
أكتب فيك الشعر ، و أقوله
عارف ..
إني قليل القول ، مش عارف ..
أنطق إسمك .. خايف
لكني يا ست الحسن باعيش الحب باعيشه
باتوضى معاك و باصلي الفجر ف سري
ساكت مغلوب على أمري
و ف عشمي يطول العمر .. و أكبر
و أقدر عالقول الواضح .. و أقدر
أخدك في دراعي و نجري
أنا و أنت ف بحر الناس .. أنا و أنتي
و إن عشت - يا حلوه - و عشتي
نفتح شباكنا الشرقي
و أعرق .. و أسقيلك عرقي
.. .. .. ..
و لإن الحب سلوك يا حبيبتي
مش عنت ح أقول و لا كلمة
أنا عارف ، عارف ، عارف
إزاي أنا حاخد حقي
و إزاي راح تبقي عروستي .
روز اليوسف ٣/١٠/١٩٧٢
زكي عمر
