أبو سمره : شوف يا جندي
آني اختارتك ، دون الناس في الكفر يا جندي .
الجندي : خير يا عمده
أبو سمره : تزرع حتة أرض ، و تاكل منها و تشرب
انت يا جندي ، راجل طيب .
الجندي : أني خدام ..
بس يا عمده الارض لازمها الساقيه تدور ، ترويها عايزه - كمان - محرات و بهايم ، تقلب فيها
كيف ح نخلي عاليها ، واطيها ..
و اني - يادوبك - آهه وحداني ؟
ابو سمره : طيب .. طيب ،
أني - يا جندي - حاجيب لك بكره جاموسه
تاخد منها لبنها .. و تربيها ،
و اهي برضه يا جندي تدور في الساقيه و المحرات .
الجندي : بس يا عمده النورج و المحرات ،
بالذات ..
يلزم ليها اتنين ، مش واحده يا عمده
و اللا عايزني أغمي عنيا و ألف معاها في الزرعات ؟
أبو سمره : لا .. ماتجيش
يبقى حاجيب لك بقره ، كمان .. و حماره ،
تسرح بيها الصبح و ترجع راكب ..
زيك ، زي العمده تمام ،
ياللا ياعم .
الجندي : ينصر دينك ..
طب و ازاي ح تكون القسمة ، ما بيني و بينك
أبو سمره : زي الناس ،
و اللي زي الناس - يا جندي - مش ح يتعب .
الجندي : بالمزارعه ؟.
أبو سمره : كل ناس الكفر ماشية بالمزارعه
الجندي : بالمزارعه .. لا يا عمده
أبو سمره : بالمزارعه كل ناس الكفر واخده
يبقى ليه بس المناهده ؟
الجندي : بس ناس الكفر مش راضيين يا عمده .. بالنظام ده
تعبانين - بالذمة - خالص
" تلت" للفلاح .. ح يعمل ايه يا عمده ؟
راح ياكل عيلته يعني ؟
أبو سمره : يعني مش عاجبك يا جندي ؟
الجندي : لا .. عاجبني
بس يعني ياريت يا عمده كان بيدي
مانت عارف باللي عندي ،
بيت ..
و ياما فيه عيال بتحب أكل الرز موت
و البطاطس عايزه زيت
أبو سمره : يعني أجرك في الوسية يكفي أكل الدار يا جندي ؟
الجندي : لا .. صراحه .
أبو سمره : يبقى تلت الزرعه أحسن لك كتير ..
من سروحك عند غيري و اللا عندي
آني عايز أخدم يا جندي
الجندي : آني عارف
بس يعني .. يعني قصدي ..
أبو سمره : ما علينا .. قوم و شاور أهل دارك ،
و ابقى عدي عليا بكره
الجندي : طب نخلي " النص " لك .. و " النص " ليا
آني واحده .. و انت واحده
لجل خاطري حداك يا عمده
أبو سمره : طب و ليه - بس - الطمع ده ؟.
ثم هل يرضيك يكون العمده ماشي بذمتين ؟
أعطي ناس الكفر " تلت " الزرعه يعني ..
و انت تاخد " نص " زرعه ؟
يعني انصب ؟؟
الجندي : طب ما تدي الناس كمثلي " النص " برضك
أبو سمره : الكلام ده لما تبقى الأرض .. أرضك
ابقى وزع فيها و اقسم
شوف يا جندي ،
آني عايز كل ناس الكفر يبقوا مبسوطين
كل ناس الكفر يبقوا مرتاحين
آدي قصدي
قلت ايه في القول يا جندي ؟
اتفقنا ؟؟
الجندي : ( مغلوباً على أمره ) اتفقنا .
أبو سمره : آني برضه باقول بلدنا فلاحينها طيبين
و قريبين
ما يدققوش في حاجات بسيطة زي دي .
آني اختارتك ، دون الناس في الكفر يا جندي .
الجندي : خير يا عمده
أبو سمره : تزرع حتة أرض ، و تاكل منها و تشرب
انت يا جندي ، راجل طيب .
الجندي : أني خدام ..
بس يا عمده الارض لازمها الساقيه تدور ، ترويها عايزه - كمان - محرات و بهايم ، تقلب فيها
كيف ح نخلي عاليها ، واطيها ..
و اني - يادوبك - آهه وحداني ؟
ابو سمره : طيب .. طيب ،
أني - يا جندي - حاجيب لك بكره جاموسه
تاخد منها لبنها .. و تربيها ،
و اهي برضه يا جندي تدور في الساقيه و المحرات .
الجندي : بس يا عمده النورج و المحرات ،
بالذات ..
يلزم ليها اتنين ، مش واحده يا عمده
و اللا عايزني أغمي عنيا و ألف معاها في الزرعات ؟
أبو سمره : لا .. ماتجيش
يبقى حاجيب لك بقره ، كمان .. و حماره ،
تسرح بيها الصبح و ترجع راكب ..
زيك ، زي العمده تمام ،
ياللا ياعم .
الجندي : ينصر دينك ..
طب و ازاي ح تكون القسمة ، ما بيني و بينك
أبو سمره : زي الناس ،
و اللي زي الناس - يا جندي - مش ح يتعب .
الجندي : بالمزارعه ؟.
أبو سمره : كل ناس الكفر ماشية بالمزارعه
الجندي : بالمزارعه .. لا يا عمده
أبو سمره : بالمزارعه كل ناس الكفر واخده
يبقى ليه بس المناهده ؟
الجندي : بس ناس الكفر مش راضيين يا عمده .. بالنظام ده
تعبانين - بالذمة - خالص
" تلت" للفلاح .. ح يعمل ايه يا عمده ؟
راح ياكل عيلته يعني ؟
أبو سمره : يعني مش عاجبك يا جندي ؟
الجندي : لا .. عاجبني
بس يعني ياريت يا عمده كان بيدي
مانت عارف باللي عندي ،
بيت ..
و ياما فيه عيال بتحب أكل الرز موت
و البطاطس عايزه زيت
أبو سمره : يعني أجرك في الوسية يكفي أكل الدار يا جندي ؟
الجندي : لا .. صراحه .
أبو سمره : يبقى تلت الزرعه أحسن لك كتير ..
من سروحك عند غيري و اللا عندي
آني عايز أخدم يا جندي
الجندي : آني عارف
بس يعني .. يعني قصدي ..
أبو سمره : ما علينا .. قوم و شاور أهل دارك ،
و ابقى عدي عليا بكره
الجندي : طب نخلي " النص " لك .. و " النص " ليا
آني واحده .. و انت واحده
لجل خاطري حداك يا عمده
أبو سمره : طب و ليه - بس - الطمع ده ؟.
ثم هل يرضيك يكون العمده ماشي بذمتين ؟
أعطي ناس الكفر " تلت " الزرعه يعني ..
و انت تاخد " نص " زرعه ؟
يعني انصب ؟؟
الجندي : طب ما تدي الناس كمثلي " النص " برضك
أبو سمره : الكلام ده لما تبقى الأرض .. أرضك
ابقى وزع فيها و اقسم
شوف يا جندي ،
آني عايز كل ناس الكفر يبقوا مبسوطين
كل ناس الكفر يبقوا مرتاحين
آدي قصدي
قلت ايه في القول يا جندي ؟
اتفقنا ؟؟
الجندي : ( مغلوباً على أمره ) اتفقنا .
أبو سمره : آني برضه باقول بلدنا فلاحينها طيبين
و قريبين
ما يدققوش في حاجات بسيطة زي دي .
