أشوفج داخل الصورة تضحكينْ
وانه أعضّ بشْفافي برّه
يُـمـا :: وجهج گمرْ
والجفن جرّة كِحل
والشِّفة توتة حمرا
*
الجبهة صمون والخد گيمر
أغمّسه بوسات ألف مرّةْ
فدوة يما
يا روجة ماي
يا شتوة الله
يا لمعة برق بسماي
فدوة الغمّازة
والعيون الخضرا
*
يُـمـا ذبتْ مثل شمعة
لُميني بصيفج لو گشة حصاد
لُميني بقماش ثوبج
لو خيط وابرةْ
اذب شوگي بحضنج
ابوس جفوفج واضم طيوفج
واسولف ( غربتج مُرَّةْ )
*
يُـمـا :: دگي الباب و ردّيني تراب
الرمش ساهر والگلب ذاب
أحلفج يُما تعالي تكبيرة عيد
شمسة فجر ، ريحة زهر
جدولة والحرير غُرّةْ
*
يُـمـا أشتهيت مِن ايدج
كليجة تمر
چاي بهيل ، وگهوة مُرّة
والنومة على صدرج تمنيت
لخاطر الله لخاطر الله يُما
گلبي طفل زغيّر
عودي طري وبأرضج بذرةْ
*
اويلي اويلي على صوتج
موجة نهر
ضحكج سَكْرةْ وخمر
خبزج جذر وشجر
وگلبج البحر والمجْرى
*
يُـمـا يا طيرة سما
يا خيمة يا غيمة
يا حِلّ وسفر
يا ظلّ ومطر يا أگرب وأبعد مدى
الشوگ دامع والسِّكة غبْره
تسابگني الخُطى ودربي كسيح
يُـمـا تدلّلي
موّال شوگي جريح
أركضْ وبالضباب تختفي المُهرة
*
يُـمـا ضميني لو بحلم
لو بعِلْم لو بوهم
ضميني بشالج
والعبا السمرا
اشوفج داخل الصورة تضحكين
أضمها بضلوعي
واتنهنه بالبچي برّه ...
***
فاتن عبدالسلام بلان
وانه أعضّ بشْفافي برّه
يُـمـا :: وجهج گمرْ
والجفن جرّة كِحل
والشِّفة توتة حمرا
*
الجبهة صمون والخد گيمر
أغمّسه بوسات ألف مرّةْ
فدوة يما
يا روجة ماي
يا شتوة الله
يا لمعة برق بسماي
فدوة الغمّازة
والعيون الخضرا
*
يُـمـا ذبتْ مثل شمعة
لُميني بصيفج لو گشة حصاد
لُميني بقماش ثوبج
لو خيط وابرةْ
اذب شوگي بحضنج
ابوس جفوفج واضم طيوفج
واسولف ( غربتج مُرَّةْ )
*
يُـمـا :: دگي الباب و ردّيني تراب
الرمش ساهر والگلب ذاب
أحلفج يُما تعالي تكبيرة عيد
شمسة فجر ، ريحة زهر
جدولة والحرير غُرّةْ
*
يُـمـا أشتهيت مِن ايدج
كليجة تمر
چاي بهيل ، وگهوة مُرّة
والنومة على صدرج تمنيت
لخاطر الله لخاطر الله يُما
گلبي طفل زغيّر
عودي طري وبأرضج بذرةْ
*
اويلي اويلي على صوتج
موجة نهر
ضحكج سَكْرةْ وخمر
خبزج جذر وشجر
وگلبج البحر والمجْرى
*
يُـمـا يا طيرة سما
يا خيمة يا غيمة
يا حِلّ وسفر
يا ظلّ ومطر يا أگرب وأبعد مدى
الشوگ دامع والسِّكة غبْره
تسابگني الخُطى ودربي كسيح
يُـمـا تدلّلي
موّال شوگي جريح
أركضْ وبالضباب تختفي المُهرة
*
يُـمـا ضميني لو بحلم
لو بعِلْم لو بوهم
ضميني بشالج
والعبا السمرا
اشوفج داخل الصورة تضحكين
أضمها بضلوعي
واتنهنه بالبچي برّه ...
***
فاتن عبدالسلام بلان
