ده من واحد....لسّاه قاعد في جبلاية الفار
يا الاسطى حراجي القط العامل بالسّدّ العالي
أنا شفت جوابك لفطاني
ووَصلني يا بوي..
زعيق الصّبر....
الجاي من نار الجوف الجوّاني
والشوق المتعاص وجعات رجّالة..
مهمومة وشقيانة وفقرا
وبرضك شفت اللهفة إيّاها...
وهيّا بتسابق فقر الأُجَرَا
لهفتك الخاطفة بعزيق النيل..
لأجل ما ترميه ف الصّحَرا
لهفتك الزّارعة ف أوالت إمبارح بقرة
وحالبة ف بكرة......
أوّل سرسوب للشَّجَرة
وقريت جوباتك ع الدلاميت وأيام الفَحْت
وشَمّ غبار الجبل العالي....
المتزعزع من طولة الفحت
وغيظك م الإيام السحت
فاكر مصر إمّنْ كانت...
تغسل خلخاتها الوسخانة ف عرقات الخلق
وتغرس كوعها بغباوة ف الحلق
وتبدر لك منامات وسعانة ماليها غيطان النبق
الإيام اللي انت هويتها م اللحظة الأولى
فكّرت إنّيها عشانك معمولة
لأجل ما يبقى لك م الفولة...
شجرة ورَجُولة
صدقت الناس المسؤلة
قالوا لنا حراجي بجى له في السّد حمولة
متسجل باسمه كام مدمَاج دبش إصْفَر...
و متين قصعة مونة
صدقت الناس المسؤلة
إمّا قالوا لك....
لك بلّة ريق مخزونة
ما ح تعطش جدر الرٍمّانة.....
ولا تَنشَف ساق الكمّونة
إيّاك صدقت السّد ع يطرح بلطي وتونة؟!
كدابة الشمس اللي بتغريك بشعاع حنيّة
اعزق ف الجّهَة ديَّا أو الجهاديّة
أنا عاملة حسابك في الشمشيّة.. َ
ما تخافش
ضحكت على دقنك تلك الشمش
يا حراجي يا بُوي إنت عماي
لسّاك سرحان ف الجّاي
لسّاك بتسوّي على فرقة عيد كوباية الشّاي
وعياط البت عزيزة الخارم قلبك كيف الناي
لسّاك لابد ف السّد هناك مش جاي
لساكّ يا حراجي حمار
لساك مش شايف كل خراب الدّار
إيه جدّ علينا يا بوي... جبلاية الفار..
هيّاها جبلاية الفار
هيا اللندا دهيّت يعني اللي ع تقلبها عمار؟
أهو عندك عيد أهو باظ
اتلافى تلفون ممسوح ما فيهوشي حتى زرار
وأهي فاطنة كماني..
قاعدة تتعلم ع التتيوب مع وادها الكبسة وحشو المنبار
و اللّي يغيظك صُح..
منين ع تجيها الكبسة...
وكيلو اللحمة خبط حلفان ما يخُش الدّار؟!
تبقى يا بوي وانا يعني..
مش محقوق لك يعني... تبقى حمار
اللندا جابت لي الشركة بتاعة النور الفاجرة ..
لحدّ الدار
دَخْلِتُه زي الفرّا بتْخرِبْ ميت جبلاية فار
لجل ما تحيا أمّنا يا حراجي وتبقى عمار
لازمن تِخْرَبْ ميت جبلاية فار
والطميّ ال كان بيوَكّل حتى العفش أهو غَار
وجابوا لنا بداله شوال اليوريا اللي بيعمل سرطان....
ومعاه فوق البيعة كُبشة أضرار
يا حراجي البامية بتعرج....
جالها كساح....
مش نافع فيها شريحة بميت مسمار
فكرك يعني....
قيراط الأرض اللي حيليتنا اتجوز.....
وملا لنا الدار قراريط إصغار
أو يعني...
شوال الغلّة الوحداني...
بصبص للتاني....
وصبحنا الصبح لقينا فضايح ف الأخبار؟
تبقى حمار
المايه يا بوي خبرانها مليح بتحب الرّمح
ما تعرفش الإستّنه ورا حيط أو باب
المايه دي واعرة وقارية لها...
ف كتاب الزمن الشّايب ده ميت ألف كتاب
ما بتعرفش تجعمز ع القهوة...
ولا بترَبّي اصحاب
عارفة عنوان الساقية العطلانة ف ايِّتْهَا جبلاية فار
وخابره مكان البذرة الواقعة من بق حمامة
وهيّ بتهرب من تعلب مكّار
بتحب الجري لحد ما تاخد غطس ف بحر ما لوشي قرار
يا حراجي أنا خابر زين...
المايه ما بتعرفش تجعمز على قهوة ولا بتربي أصحاب
يا أخي كل مكان عطشان ف بلادي...
زميلها ع الواتساب
يا حراجي ظنّك ده كداب
يا أخي كان فيه ميت حل يقيد اللنده
غير إنك ترمي ف وش المايه... غلقان تراب
المايه ماهيش محتاجة عَلَامَك ف الكتّاب
ما هي عارفة...
طريقها من يوم ما براها ربّ الأرباب
الناس دي يا بوي بيسيبوا الحرب الصدق
و يشعللوا حرب بأصدق كذب
العالم ف اليمّة الواعية بتاكل من عرقات العلم
ولسّانا ف جبلاية الفار احنا وبهايمنا..
بناكل كزب
لو بدك تفهم يا حراجي ما كانت ترعة مكان السد
أهي تخاد مشوارها ل ليبيا وترجع ف إديها الوِِلْد
كات تعمل دلتا جديدة بدال الدبش الصلد
وأهو فحت بفحت يا بوي أهُو كدّ بكدّ
يا حراجي.. السد حماك م الجوع؟!
إداك م الرملة الكترانة غيط مزروع؟!
طب فينها جناين أبا زعزوع؟
يا حراجي ضحكوا عليك الناس النّوع...
المش من نفس النّوع
الشخص الفليهات مش هوَّ الشخص الجربوع
يا حراجي ام علي حداهم صحن حلاوة
وأم على بتاعتك غيط موجوع
يا حراجي الناس دي ما عادوا بيحموا غيطان
الناس بيوتهم وعيالهم هيّ الأوطان
الناس دي بقوا فَخّ
بقوا حشّ إتّاكل يا حراجي وإتشَخ
بقوا جلّة
شختها جاموسة واخدة على نومة الظلّة
إيه يمرح فيها غير حبّة دبّان؟!
بيزنّ على الإودان
فوق خطّ مابيني وبيني.....
وم فهمني ابن الشّرْ....نُوبي
إن الخط دهوت هو الأوطان
سابوا عيلات الناس العفشة...لأ وكمان
قتّلوا ف عيالنا تقتيل
آه لو تعرف يا حراجي المر وذاك الويل
ما عمرك فجرت الدلاميتة....
ولا مسّ كتوفك زنبيل
الناس دي ....
دم عيالك عملوه خمورات
بقوا همّا الخوجات
بقوا يشربوا غازها وياكلوا الفوسفات
بسطامي وغير بسطامي عايشين فيها قردات
و أيّها فاطنة وصابحة تِملَى الدنيا صوات
ممكن يا حراجي تلقى لباسها بين الزراعات
يا حراجي بقينا ف وقت الضيع
أيَُها حد يقول يا ربيع.. بيضيع
بدك تحيا.... لابد تبيع
تعرف عواد يا حراجي..؟!
أهو ده اللي بَطَلْهَا وصِيتُه ما أقول لك...
ع القنوات بيذيع
يا حراجي الكل فايتها
اللي شاريها واللي بايعها
ماتت رجالها ونسوانها
اللي ضميره مات.... فات
واللي ضميره صاحي.... مات
كل حراجي ف ميدان تحريرها مات
أيّتْهَا هريدى ف نهضتها.... مات
اللي غطى صدرها..... مات
واللي عرّي وراكها..... ظاط
عب رحمانها غنى ف ثورتها...
وصَحّى جناين ماتت في الحُروبات
مع أول بصّة غولة أهو زَربَح.....
راح خبَّى الجوبات
وأبو زعزوع يضحك من جوّا الحكايات...
وينادي يا عَبرحمان اهو زيك زيّ اللي زرعها وفات
وأهو برضك مات
اللي هرش بصباعه مات
واللي هرش ب أربع صوبعات
يا حراجي يا بوي إوعاك تهرش
إلّا بإذن البهوات
أقول لك...
يا أخي يلعن ميتين الجوبات ماهي شايلة دموع الناس الفقرانة وحبة صبر ما يخلص يا أخي ميتين ام الجوبات ما بتحيا إلّا بوجع الأمّات
وع أقول لك...
يا أخي ميتين ام الحزن اللي ما يخلص والبلد اللي بتحيا بدم عيالها وبقولة هات
بدك ترمي شقاك يا حراجي بدون ما تلاقي حياه إرميه أنا كافر بالجوابات
وأخيراً يا حراجي إسفخس عليك انت وفاطنة إذْا كانت ترضى بعيشة الزُّهَرَات
ما ع أقول لك سلامات.
،،،،،،،،،،،،،،،،،،،،،،،،،،،،،،،،،
السيد فرج الشقوير
الإثنين ١٥/فبراير ٢٠٢١
يا الاسطى حراجي القط العامل بالسّدّ العالي
أنا شفت جوابك لفطاني
ووَصلني يا بوي..
زعيق الصّبر....
الجاي من نار الجوف الجوّاني
والشوق المتعاص وجعات رجّالة..
مهمومة وشقيانة وفقرا
وبرضك شفت اللهفة إيّاها...
وهيّا بتسابق فقر الأُجَرَا
لهفتك الخاطفة بعزيق النيل..
لأجل ما ترميه ف الصّحَرا
لهفتك الزّارعة ف أوالت إمبارح بقرة
وحالبة ف بكرة......
أوّل سرسوب للشَّجَرة
وقريت جوباتك ع الدلاميت وأيام الفَحْت
وشَمّ غبار الجبل العالي....
المتزعزع من طولة الفحت
وغيظك م الإيام السحت
فاكر مصر إمّنْ كانت...
تغسل خلخاتها الوسخانة ف عرقات الخلق
وتغرس كوعها بغباوة ف الحلق
وتبدر لك منامات وسعانة ماليها غيطان النبق
الإيام اللي انت هويتها م اللحظة الأولى
فكّرت إنّيها عشانك معمولة
لأجل ما يبقى لك م الفولة...
شجرة ورَجُولة
صدقت الناس المسؤلة
قالوا لنا حراجي بجى له في السّد حمولة
متسجل باسمه كام مدمَاج دبش إصْفَر...
و متين قصعة مونة
صدقت الناس المسؤلة
إمّا قالوا لك....
لك بلّة ريق مخزونة
ما ح تعطش جدر الرٍمّانة.....
ولا تَنشَف ساق الكمّونة
إيّاك صدقت السّد ع يطرح بلطي وتونة؟!
كدابة الشمس اللي بتغريك بشعاع حنيّة
اعزق ف الجّهَة ديَّا أو الجهاديّة
أنا عاملة حسابك في الشمشيّة.. َ
ما تخافش
ضحكت على دقنك تلك الشمش
يا حراجي يا بُوي إنت عماي
لسّاك سرحان ف الجّاي
لسّاك بتسوّي على فرقة عيد كوباية الشّاي
وعياط البت عزيزة الخارم قلبك كيف الناي
لسّاك لابد ف السّد هناك مش جاي
لساكّ يا حراجي حمار
لساك مش شايف كل خراب الدّار
إيه جدّ علينا يا بوي... جبلاية الفار..
هيّاها جبلاية الفار
هيا اللندا دهيّت يعني اللي ع تقلبها عمار؟
أهو عندك عيد أهو باظ
اتلافى تلفون ممسوح ما فيهوشي حتى زرار
وأهي فاطنة كماني..
قاعدة تتعلم ع التتيوب مع وادها الكبسة وحشو المنبار
و اللّي يغيظك صُح..
منين ع تجيها الكبسة...
وكيلو اللحمة خبط حلفان ما يخُش الدّار؟!
تبقى يا بوي وانا يعني..
مش محقوق لك يعني... تبقى حمار
اللندا جابت لي الشركة بتاعة النور الفاجرة ..
لحدّ الدار
دَخْلِتُه زي الفرّا بتْخرِبْ ميت جبلاية فار
لجل ما تحيا أمّنا يا حراجي وتبقى عمار
لازمن تِخْرَبْ ميت جبلاية فار
والطميّ ال كان بيوَكّل حتى العفش أهو غَار
وجابوا لنا بداله شوال اليوريا اللي بيعمل سرطان....
ومعاه فوق البيعة كُبشة أضرار
يا حراجي البامية بتعرج....
جالها كساح....
مش نافع فيها شريحة بميت مسمار
فكرك يعني....
قيراط الأرض اللي حيليتنا اتجوز.....
وملا لنا الدار قراريط إصغار
أو يعني...
شوال الغلّة الوحداني...
بصبص للتاني....
وصبحنا الصبح لقينا فضايح ف الأخبار؟
تبقى حمار
المايه يا بوي خبرانها مليح بتحب الرّمح
ما تعرفش الإستّنه ورا حيط أو باب
المايه دي واعرة وقارية لها...
ف كتاب الزمن الشّايب ده ميت ألف كتاب
ما بتعرفش تجعمز ع القهوة...
ولا بترَبّي اصحاب
عارفة عنوان الساقية العطلانة ف ايِّتْهَا جبلاية فار
وخابره مكان البذرة الواقعة من بق حمامة
وهيّ بتهرب من تعلب مكّار
بتحب الجري لحد ما تاخد غطس ف بحر ما لوشي قرار
يا حراجي أنا خابر زين...
المايه ما بتعرفش تجعمز على قهوة ولا بتربي أصحاب
يا أخي كل مكان عطشان ف بلادي...
زميلها ع الواتساب
يا حراجي ظنّك ده كداب
يا أخي كان فيه ميت حل يقيد اللنده
غير إنك ترمي ف وش المايه... غلقان تراب
المايه ماهيش محتاجة عَلَامَك ف الكتّاب
ما هي عارفة...
طريقها من يوم ما براها ربّ الأرباب
الناس دي يا بوي بيسيبوا الحرب الصدق
و يشعللوا حرب بأصدق كذب
العالم ف اليمّة الواعية بتاكل من عرقات العلم
ولسّانا ف جبلاية الفار احنا وبهايمنا..
بناكل كزب
لو بدك تفهم يا حراجي ما كانت ترعة مكان السد
أهي تخاد مشوارها ل ليبيا وترجع ف إديها الوِِلْد
كات تعمل دلتا جديدة بدال الدبش الصلد
وأهو فحت بفحت يا بوي أهُو كدّ بكدّ
يا حراجي.. السد حماك م الجوع؟!
إداك م الرملة الكترانة غيط مزروع؟!
طب فينها جناين أبا زعزوع؟
يا حراجي ضحكوا عليك الناس النّوع...
المش من نفس النّوع
الشخص الفليهات مش هوَّ الشخص الجربوع
يا حراجي ام علي حداهم صحن حلاوة
وأم على بتاعتك غيط موجوع
يا حراجي الناس دي ما عادوا بيحموا غيطان
الناس بيوتهم وعيالهم هيّ الأوطان
الناس دي بقوا فَخّ
بقوا حشّ إتّاكل يا حراجي وإتشَخ
بقوا جلّة
شختها جاموسة واخدة على نومة الظلّة
إيه يمرح فيها غير حبّة دبّان؟!
بيزنّ على الإودان
فوق خطّ مابيني وبيني.....
وم فهمني ابن الشّرْ....نُوبي
إن الخط دهوت هو الأوطان
سابوا عيلات الناس العفشة...لأ وكمان
قتّلوا ف عيالنا تقتيل
آه لو تعرف يا حراجي المر وذاك الويل
ما عمرك فجرت الدلاميتة....
ولا مسّ كتوفك زنبيل
الناس دي ....
دم عيالك عملوه خمورات
بقوا همّا الخوجات
بقوا يشربوا غازها وياكلوا الفوسفات
بسطامي وغير بسطامي عايشين فيها قردات
و أيّها فاطنة وصابحة تِملَى الدنيا صوات
ممكن يا حراجي تلقى لباسها بين الزراعات
يا حراجي بقينا ف وقت الضيع
أيَُها حد يقول يا ربيع.. بيضيع
بدك تحيا.... لابد تبيع
تعرف عواد يا حراجي..؟!
أهو ده اللي بَطَلْهَا وصِيتُه ما أقول لك...
ع القنوات بيذيع
يا حراجي الكل فايتها
اللي شاريها واللي بايعها
ماتت رجالها ونسوانها
اللي ضميره مات.... فات
واللي ضميره صاحي.... مات
كل حراجي ف ميدان تحريرها مات
أيّتْهَا هريدى ف نهضتها.... مات
اللي غطى صدرها..... مات
واللي عرّي وراكها..... ظاط
عب رحمانها غنى ف ثورتها...
وصَحّى جناين ماتت في الحُروبات
مع أول بصّة غولة أهو زَربَح.....
راح خبَّى الجوبات
وأبو زعزوع يضحك من جوّا الحكايات...
وينادي يا عَبرحمان اهو زيك زيّ اللي زرعها وفات
وأهو برضك مات
اللي هرش بصباعه مات
واللي هرش ب أربع صوبعات
يا حراجي يا بوي إوعاك تهرش
إلّا بإذن البهوات
أقول لك...
يا أخي يلعن ميتين الجوبات ماهي شايلة دموع الناس الفقرانة وحبة صبر ما يخلص يا أخي ميتين ام الجوبات ما بتحيا إلّا بوجع الأمّات
وع أقول لك...
يا أخي ميتين ام الحزن اللي ما يخلص والبلد اللي بتحيا بدم عيالها وبقولة هات
بدك ترمي شقاك يا حراجي بدون ما تلاقي حياه إرميه أنا كافر بالجوابات
وأخيراً يا حراجي إسفخس عليك انت وفاطنة إذْا كانت ترضى بعيشة الزُّهَرَات
ما ع أقول لك سلامات.
،،،،،،،،،،،،،،،،،،،،،،،،،،،،،،،،،
السيد فرج الشقوير
الإثنين ١٥/فبراير ٢٠٢١
