راميني ليه ؟؟
في جب ظلامك وقسوتك
وأنا كت مزاجك وقهوتك
كُت حقي وحقتك
أنا كنت بفرشلك أيادي الراحه
شان بي تتّكي
أنا كت بإن بحملي بيك
لا كُت بمل لا بشتكي
هسع دحين أحكيها كيف
قصه بتّوجع في الحكي
وكبرت ماقت ليك جيب
كُت لي أبوي كنت الحبيب
كُت ليّا شمسي المابتغيب
كُت ليّا في الدنيا النصيب
وتهون عليك كيفن سنين
ذلتني شان ما أكبرك
وأتحدى كل الناس عديل
لوسبت زمني يغبرك
أنا كنت غاطاك بالسمح
عند المصائب أصبرك
من وين رضعته القسوه دي؟؟
وأنا قلبي رضعك الحنان
فاكراك ملامح الإنداهاش
وإت داب بتوعى على المكان
وكتين أناديك شان تقيف
علي باب قرايبنا الزمان
وتجيني جاري وأجيك جري
يا الكنت بتحب العري
وكتين أدقك في الغلط
كان هدفي كلو أقوّمك
وفر قريشات الصبر
شان همي كلو أعلّمك
وكبرت ماراجيه الشكر
سبتك تعيش في الدنيا حر
وحرمت نفسي من الكتير
شان ما أربيك ضقته مر
ورميتني هسع علي عماي
جرّعته كبري الليله ذل
ياوليدي عافيالك شقاي
سجلت ليك في حري ضل
شان ما يضمك بحنان
يحميك من دنيا الفقر
ونفيتني من نفس المكان
يااالله أديني الصبر
ولدي التعبت عليو زمان
وداني حيّه علي القبر
دا الكُت بكبرو شان يشيل
حملي ويطفيلي الجمر
تاريهو هو الولع شقاي
خلاني فوق النار براي
دا الكنت دايراو لي وجيع
أتضارى فيو ويستر عراي
تاريهو خطط شان يبيع
أنفاس سعادتي وبي وراي
لبستو من وجعي الفرح
وسترتو في جهلو بهواي
والليله ضحى بريدتي ليو
بعد الزمن فتر قواي
قلبني فوق لهب الجمر
قلبني فوق لهب الجمر
وندهت ليو قال ليا جاي
تاريهو كان آخر ميعاد
من يوموا داك ماجاني صاد
وأنا كنت قلقانه وبإن
يارب غيابو عليّا خير
تاريهو ماجايب خبر
عائش حياتو في دنيا غير
وأنا قلبي أصلا كان عليو
لكنو قلبو علي حجر
وإن كنت ضوقتو الهوان
ماكان غفر ليا وعذر
سامحتو في الآخر جناي
وأنا قلبي مجبور ليو غفر
ماوليدي وإن سوى الكعب
بتناسى وأرميهو البحر
هسع تعال شوف الفرق
أمك تدور ليك السمح
وإنت بتجازيها بكعب
وإتحملت كل الصعاب
ماعنو طبعك كان صعب
وعشان تربيك بضمير
إتناست الهم والتعب
شفت الفرق.. شفت الفرق ؟؟؟؟؟؟؟؟؟
اديبه احمد
في جب ظلامك وقسوتك
وأنا كت مزاجك وقهوتك
كُت حقي وحقتك
أنا كنت بفرشلك أيادي الراحه
شان بي تتّكي
أنا كت بإن بحملي بيك
لا كُت بمل لا بشتكي
هسع دحين أحكيها كيف
قصه بتّوجع في الحكي
وكبرت ماقت ليك جيب
كُت لي أبوي كنت الحبيب
كُت ليّا شمسي المابتغيب
كُت ليّا في الدنيا النصيب
وتهون عليك كيفن سنين
ذلتني شان ما أكبرك
وأتحدى كل الناس عديل
لوسبت زمني يغبرك
أنا كنت غاطاك بالسمح
عند المصائب أصبرك
من وين رضعته القسوه دي؟؟
وأنا قلبي رضعك الحنان
فاكراك ملامح الإنداهاش
وإت داب بتوعى على المكان
وكتين أناديك شان تقيف
علي باب قرايبنا الزمان
وتجيني جاري وأجيك جري
يا الكنت بتحب العري
وكتين أدقك في الغلط
كان هدفي كلو أقوّمك
وفر قريشات الصبر
شان همي كلو أعلّمك
وكبرت ماراجيه الشكر
سبتك تعيش في الدنيا حر
وحرمت نفسي من الكتير
شان ما أربيك ضقته مر
ورميتني هسع علي عماي
جرّعته كبري الليله ذل
ياوليدي عافيالك شقاي
سجلت ليك في حري ضل
شان ما يضمك بحنان
يحميك من دنيا الفقر
ونفيتني من نفس المكان
يااالله أديني الصبر
ولدي التعبت عليو زمان
وداني حيّه علي القبر
دا الكُت بكبرو شان يشيل
حملي ويطفيلي الجمر
تاريهو هو الولع شقاي
خلاني فوق النار براي
دا الكنت دايراو لي وجيع
أتضارى فيو ويستر عراي
تاريهو خطط شان يبيع
أنفاس سعادتي وبي وراي
لبستو من وجعي الفرح
وسترتو في جهلو بهواي
والليله ضحى بريدتي ليو
بعد الزمن فتر قواي
قلبني فوق لهب الجمر
قلبني فوق لهب الجمر
وندهت ليو قال ليا جاي
تاريهو كان آخر ميعاد
من يوموا داك ماجاني صاد
وأنا كنت قلقانه وبإن
يارب غيابو عليّا خير
تاريهو ماجايب خبر
عائش حياتو في دنيا غير
وأنا قلبي أصلا كان عليو
لكنو قلبو علي حجر
وإن كنت ضوقتو الهوان
ماكان غفر ليا وعذر
سامحتو في الآخر جناي
وأنا قلبي مجبور ليو غفر
ماوليدي وإن سوى الكعب
بتناسى وأرميهو البحر
هسع تعال شوف الفرق
أمك تدور ليك السمح
وإنت بتجازيها بكعب
وإتحملت كل الصعاب
ماعنو طبعك كان صعب
وعشان تربيك بضمير
إتناست الهم والتعب
شفت الفرق.. شفت الفرق ؟؟؟؟؟؟؟؟؟
اديبه احمد
