بهاء المري - إيه فكَّرَك بِـينا لمَّا انتَ ناسينا

إيه فكَّرَك بِـينا لمَّا انتَ ناسينا
كُنَّا طَوينا الوَرَق
والحِبْر جَفْ وطار
واللي اتْمَسَح ما انكتَب
كأنْه مَالُه آثار
والقلب جَفت يَنابيعُه
لما انتَ ناسينا
ــــــــــــــــــــــ
ويْفيد بإيه الحَجَر. اللِّي اترَمَى فيها
بعد الجفاف ما انكتَب. تاهِت شواطيها
كان قلبي طين صلصال
شَكِّلت فيه بإيديك
طايع مُطيع غلبان
أوشَك يكون صَوَّان
لما انتَ ناسينا
ــــــــــــــــــ
هَجَر الجَمَال والناس
واتخبَّى في المَحَارات
وشْطوط رمال صَدَّك. انْـدفن فيها
لا المُوج حَيلعب بيه
ولا مَدَّك ولا جَذرَك
لما انتَ ناسينا
ـــــــــــــــــــــــ
لكنه خَف وطابْ
فَتَح المَحار وانتفَض
حَبْ الحياة تاني
قادر يعود ليها
لما انتَ ناسينا