تنيتك تلجم بروحي الجرح ..
وانه اعله جفك دم،
تموت وياك كل كطره بحزن عمرين ...
وتردلك نعش يحلم
غريبه الدنيه بعيونه ...
وعلى جناحك لكه خياله،
ومشه جناز بجروحه اعلى درب الدم!
اوحده ويه الصوتو ليله يباجي الدم!
نشف باجي العمر امطر يباجي الدم !!
تنيتك سيف كطعني ..
ولك مرخوص لا ترحم ..
حلاتك لو صرت حنظل وجرعك سم ..
واعاند بيك ملكه الموت عين بعين ...
يطش روحي الهضم والتم !
ولاهي تهون ..
كل سجه وعثر بيها مهر ادهم !
حلاتك لو صرت حنظل وجرعك سم ..
وصليلك يمعبودي يجرحي العشكَتك روحي ...
اصليلك ..
صلاة المالكه ذنوبه اعلى ياهو يموت ؟!
صلاة التيه دروبه اعلى ياهو يفوت ؟!
صلاة الما دره جروحه بحلك ياحوت ؟!
وابجيلك تغير دموعي الك مهرة شمس ...
خيالها موزم،
يخي عونه ويهنياله ..
الدره الياعلّه مفتاح الدمع يرهم ..
يا سر الدمع والدم
اموت ابيض على امتونك وردلك سيل يدفع سيل ؟!
ويسبكَني ضميري بصوت يغافي اعله الثلج والنوح ؟!
اجيتك،
اجيتك هذا انه بنادم يرف كَلبي اعله بنادم
واحنن حنة ابنادم واموتن موتت ابنادم
انه شما اجلب بروحي اشوفني انه ابنادم
انه المامش خيال يوالم اخياله،
انه الضحكة جروحه بوجه جتاله،
يا سر الدمع والدم غريب انه
غريب انه وانشدك هلبت تكلي ..
ياهو السوه جيفارا نبي المكَوار والفاله ؟!
غريب انه ..
و غريب الماي البجفي اشوفن بي عطش روحي
غريب انه ..
غريب المعنى البحرفي خلط بين الضحك نوحي
غريب انه ..
وغريب إبلا نهر جرفي يبس ماروته أجروحي
وشحيح الدم يباجي الدم !!
نشف باجي العمر امطر يباجي الدم !!
واصليلك يمعبودي يجرحي العشكَتك روحي
أصليلك
اصليلك تردلي اثنين ...
اشوفنك ضوه بيا عين ؟
عين الدمع عين الدم ...
عين الما بجت مرتين ؟
اشوفنك ضوه بيا عين ؟
واصليلك تمر بيه ضوه بيا حد ؟
حد الجزر حد المد ؟
حد الما وصل للحد ؟
يامجره الشمس كلي ضواك شكد ؟
اخذ من روحي كطرة ضيم،
تطفي شما ضواك امتد،
يلن هذا العمر وياك غيمه بريح،
وجروف السمه بلا حد ؟
تمر بالروح ...
جزر وتروح ...
اموتن وانته تطفح مد !!
وانه اعله جفك دم،
تموت وياك كل كطره بحزن عمرين ...
وتردلك نعش يحلم
غريبه الدنيه بعيونه ...
وعلى جناحك لكه خياله،
ومشه جناز بجروحه اعلى درب الدم!
اوحده ويه الصوتو ليله يباجي الدم!
نشف باجي العمر امطر يباجي الدم !!
تنيتك سيف كطعني ..
ولك مرخوص لا ترحم ..
حلاتك لو صرت حنظل وجرعك سم ..
واعاند بيك ملكه الموت عين بعين ...
يطش روحي الهضم والتم !
ولاهي تهون ..
كل سجه وعثر بيها مهر ادهم !
حلاتك لو صرت حنظل وجرعك سم ..
وصليلك يمعبودي يجرحي العشكَتك روحي ...
اصليلك ..
صلاة المالكه ذنوبه اعلى ياهو يموت ؟!
صلاة التيه دروبه اعلى ياهو يفوت ؟!
صلاة الما دره جروحه بحلك ياحوت ؟!
وابجيلك تغير دموعي الك مهرة شمس ...
خيالها موزم،
يخي عونه ويهنياله ..
الدره الياعلّه مفتاح الدمع يرهم ..
يا سر الدمع والدم
اموت ابيض على امتونك وردلك سيل يدفع سيل ؟!
ويسبكَني ضميري بصوت يغافي اعله الثلج والنوح ؟!
اجيتك،
اجيتك هذا انه بنادم يرف كَلبي اعله بنادم
واحنن حنة ابنادم واموتن موتت ابنادم
انه شما اجلب بروحي اشوفني انه ابنادم
انه المامش خيال يوالم اخياله،
انه الضحكة جروحه بوجه جتاله،
يا سر الدمع والدم غريب انه
غريب انه وانشدك هلبت تكلي ..
ياهو السوه جيفارا نبي المكَوار والفاله ؟!
غريب انه ..
و غريب الماي البجفي اشوفن بي عطش روحي
غريب انه ..
غريب المعنى البحرفي خلط بين الضحك نوحي
غريب انه ..
وغريب إبلا نهر جرفي يبس ماروته أجروحي
وشحيح الدم يباجي الدم !!
نشف باجي العمر امطر يباجي الدم !!
واصليلك يمعبودي يجرحي العشكَتك روحي
أصليلك
اصليلك تردلي اثنين ...
اشوفنك ضوه بيا عين ؟
عين الدمع عين الدم ...
عين الما بجت مرتين ؟
اشوفنك ضوه بيا عين ؟
واصليلك تمر بيه ضوه بيا حد ؟
حد الجزر حد المد ؟
حد الما وصل للحد ؟
يامجره الشمس كلي ضواك شكد ؟
اخذ من روحي كطرة ضيم،
تطفي شما ضواك امتد،
يلن هذا العمر وياك غيمه بريح،
وجروف السمه بلا حد ؟
تمر بالروح ...
جزر وتروح ...
اموتن وانته تطفح مد !!
