الحربة:
أعطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
*يَا مَنْ بَبْهَاكْ شَايْقَة رُوحِي طَالْ اشْوَاقِي
بِيَّا كُونْ اشْفِيقْ
وَافِينِي يَا عَزْ الرِّفَاقْ
قَلْبِي لَصْدُودَكْ لِيسْ طَاقْ
بِيهْ اتْنَحَّلْ جَسْمِي ارْقَاقْ
زَهِّينِي رَضِّينِي اطْفِي احْرَاقِي
بَوصَالَكْ يَا ضِيَّا ارْمَاقِي
رَانِي فِي الضِّيْ وَ الغْسَاقِي
نَرْجَاكْ يَا طَيَّبْ الخْلاَقْ
وِقْتَاشْ نَرَى بْهَاكْ فِي ارْسَامِي لاحْ شْرَاقُه
يَا بَاهِي لَخْلاَقْ
رُضِي بِيكْ تَزْهَا حْدَايْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُه
الرُّوحْ لَبْهَاكْ شَايْقَة دُونَكْ مَالِي رَاقِي
فِي الغَربْ وَ المَشْرِيقْ
مَا نَهْوَى غِيرَكْ فِي الأفَاقْ
يَا مَنْ حُبَّكْ سَاكَنْ الطُّوَاقْ
وَ ارْمَانِي فِي بْحُورُه غْمَاقْ
اسْقَطْ لُونِي اذْبَالُوا اوْرَاقِي
وَ البِينْ اطْغَى عَلَى مَّذَاقِ
لَجْرَاحُه مَا جْبَرْتْ رَاقِي
وَ ارْشَقْلِي صَارْمُه ارْشَاقْ
آهْ عَلَى القَلْبْ مَنْ حْمَالْ الهَجْرَة مَا طَاقُه
حَمْلُه لاَ يُوطَاقْ
وَ انْتَيَا بَابْ العَطْفْ غَالْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
بَرَّدْ نَارِي الحَارْقَة وَ اشْفَقْ مَنْ تَذْيَاقِي
لِيَّا دِيرْ طْرِيقْ
اسْقِينِي مَنْ خَمْرْ الذّوَاقْ
خَمْرْ اعْتِيقْ لْذِيذْ المَذَاقْ
نَشْوَة وَ دْوَاء لِأهْلْ الشُّوَاقْ
وَ اللِّي مَا ذَاقُه مَا سْقَاهْ سَاقِي
وَ لاَ ارْتَوَى بِرَاحْ نَاقِي
مَا دْرَى مَنُه بْلاَ اعْرَاقِي
نَرْوَى وَ انْقُولْ النّْسَاقْ
ازْهَرْ رُوضِي عَلَى الرِّضَا وَ لْقَحْ غُصْنْ اوْرَاقُه
اتْنُوَرْ بْتُورَاقْ
بَرْضَاكْ انْفَتْحُو اطْرَايْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
شُوفْ لَدْمُوعِي الدَّافْقَة فُوقْ الخَدْ اسْوَاقِي
يَا بُو خَدْ شْرِيقْ
لله اطْفِي نَارْ الحُرَاقْ
بُوصَالَكْ يَا سُودْ الحْدَاقْ
سَلِّينِي بَوْقَاتْ المْلاَقْ
رَانِي نَرْجَى لَلْوُصُولْ بَاقِي
وَ انْعَيَّطْ يَا تُرَى انْلاَقِي
بِيكْ أيَّامِي عَلَى حْقَاقِي
فِي بْهَاكْ انْمَتَّعْ الرّْمَاقْ
النَّظْرَة فِيكْ رَاحَة لَلِّي فِي هْوَاكْ غْرَاقُه
مَثْلِي لاَ تَدْرَاقْ
يَا مَنْ وَدُّه بَالزِّينْ خَالْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
يَا شَمْسْ ضُوَاتْ شَارْقَة بَنْهَايَتْ اشْرَاقِي
يَا قَمْرَة فِي غْسِيقْ
حُسْنَكْ مَا حَجْبَاتُه ارْوَاقْ
لاَ فِي الشَّامْ وَ لاَ فِي العِرَاقْ
بَكْمَالْ سَرْ بْهَاكْ فَاقْ
حُسْنَكْ ايْهِيمْ فِيهْ كُلْ تَاقِي
وَمَنْ لاَ يَهْوَى بْهَاكْ شَاقِي
يَا رُوحْ الرُّوحْ وَ السّْفَاقِي
عِشْقِي فِي بْهَاكْ بْلاَ نِفَاقْ
الله شْهِيدْ دُونْ حُسْنَكْ مَا رَدْتْ مْلاَقِي
حُبَّكْ بِيَّا لاَقْ
لَوْ تَفْنَى عُمْرِي مَا انْفَارْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
يَا مَنْ حُسْنَكْ ارْتَقَى حُسْنْ بْهَاكْ الرَّاقِي
مَالَكْ فِيهْ شْقِيقْ
مَنْ شَاهَدْ حُسْنَكْ بَالحْدَاقْ
يَذْهَلْ وَ ايْغِيبْ عَنْ الشُّوَاقْ
كِيفَاشْ انَا عَقْلِي انْسَاقْ
يُومْ انْظُرْتْ بْهَاكْ بَالحْدَاقِي
مَنْ غْرَامَكْ تَهْتْ مَنْ اشْوَاقِي
يَحْسَنْ عُونِي قْوَى احْمَاقِي
بْلَشْوَاقْ لْسَاعَةْ المْلاَقْ
هَلْ لِي فُرْجَة مْعَاكْ تَطْفِي لَلْقَلْبْ حْرَاقُه
هَانِي فِي تَمْلاَقْ
نَرْجَا العَطْفْ عْلَى حْقَايْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
يَا مَنْ دْرَى نَلْتَقَى وَ ايْطِيبْ اسْتِنْشَاقِي
مَنْ طِيبَكْ لَعْبيقْ
يَا وَرْدَة فِي ظَلْ الوْرَاقْ
حُسْنْ بْهاكْ للَشُّوقْ رَاقْ
فِي بُسْتَانْ ادْوَاحُه سْيَاقْ
سُبْحَانُه اعْطَاكْ الغَنِي البَاقِي
وَ اجْعَلْ فِيكْ البَهَى مْلاَقِي
تَخْضَعْ لَكْ سَايْرْ العْنَاقِي
أنْتَ لِيَّا حَقْ تَنْعَشَاقْ
عِشْقِي فِي جْمَالْ صُرْتَكْ حُبَّكْ مَنْ تَوْثَاقُه
فِي سْيَارِي مُتْلاَقْ
مَنْ قَبْلْ صِيَّامِي كُنْتْ عَاشْقُه
اخْذَانِي مَنْ حَالَةْ الصِّبَى وَ ارْمَانِي بْمَزْرَاقُه
فِي دْوَاخَلْ لَسْفَاقْ
وَ اسْكَنْ القَلْبْ و عَادْ حَارْقُه
خَلاَّنِي فِي البَهِيمْ صَاهَرْ هَايَمْ فِي اسْواقُه
فِي كُلْ الأسْوَاقْ
تْعَمَّرْ فِي حْشَايَا مَنْ صْوَعْقُه**
بَلله الحِيْ يَا المَالَكْ عَقْلِي وَ اخْلاَقُه
فِي حَقْ الخَلاَّقْ
بَصْرِي لَجْمَالَكْ لاَ تْشُوْقُه
اشْفَقْ مَنْ حَالْتِي وْ قَلْبِي فَاجِي تَضْيَاقُه
نَظْفَرْ بْرُونَاقْ
يَنْسَى قَلْبِي مَا كَانْ وَاسْقُه
فِي تَمْحَانْ بَصُّدُودْ وَ الهِجْرَانْ وْ تَمْحَاقُه
وَ الفُقْدْ الحَرَّاقْ
مِنَ السَّمْ احْشَايَا عَادْ خَارْقُه
أنْهِيتْ القُولْ أسْمِي فِي الشَّعْرْ وْ تَنْمَاقُه
تَدْريهْ الحُذَّاقْ
فِي أبَجَدْ مَا يَخْفَى لاَحْقُه
التّسْعَة وَ الزُّوجْ وَاظْحَة وَ اسْلاَمِي تَحْقَاقُه
لْدُهَاتْ التَّرْقَاقْ
مَا فَاحْ الزَّهْرْ عَلَى مْحَاقُّه
خماسة
اعْطَفْ بَرْضَاكْ يَا اللي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو .
تمت
أعطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
*يَا مَنْ بَبْهَاكْ شَايْقَة رُوحِي طَالْ اشْوَاقِي
بِيَّا كُونْ اشْفِيقْ
وَافِينِي يَا عَزْ الرِّفَاقْ
قَلْبِي لَصْدُودَكْ لِيسْ طَاقْ
بِيهْ اتْنَحَّلْ جَسْمِي ارْقَاقْ
زَهِّينِي رَضِّينِي اطْفِي احْرَاقِي
بَوصَالَكْ يَا ضِيَّا ارْمَاقِي
رَانِي فِي الضِّيْ وَ الغْسَاقِي
نَرْجَاكْ يَا طَيَّبْ الخْلاَقْ
وِقْتَاشْ نَرَى بْهَاكْ فِي ارْسَامِي لاحْ شْرَاقُه
يَا بَاهِي لَخْلاَقْ
رُضِي بِيكْ تَزْهَا حْدَايْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُه
الرُّوحْ لَبْهَاكْ شَايْقَة دُونَكْ مَالِي رَاقِي
فِي الغَربْ وَ المَشْرِيقْ
مَا نَهْوَى غِيرَكْ فِي الأفَاقْ
يَا مَنْ حُبَّكْ سَاكَنْ الطُّوَاقْ
وَ ارْمَانِي فِي بْحُورُه غْمَاقْ
اسْقَطْ لُونِي اذْبَالُوا اوْرَاقِي
وَ البِينْ اطْغَى عَلَى مَّذَاقِ
لَجْرَاحُه مَا جْبَرْتْ رَاقِي
وَ ارْشَقْلِي صَارْمُه ارْشَاقْ
آهْ عَلَى القَلْبْ مَنْ حْمَالْ الهَجْرَة مَا طَاقُه
حَمْلُه لاَ يُوطَاقْ
وَ انْتَيَا بَابْ العَطْفْ غَالْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
بَرَّدْ نَارِي الحَارْقَة وَ اشْفَقْ مَنْ تَذْيَاقِي
لِيَّا دِيرْ طْرِيقْ
اسْقِينِي مَنْ خَمْرْ الذّوَاقْ
خَمْرْ اعْتِيقْ لْذِيذْ المَذَاقْ
نَشْوَة وَ دْوَاء لِأهْلْ الشُّوَاقْ
وَ اللِّي مَا ذَاقُه مَا سْقَاهْ سَاقِي
وَ لاَ ارْتَوَى بِرَاحْ نَاقِي
مَا دْرَى مَنُه بْلاَ اعْرَاقِي
نَرْوَى وَ انْقُولْ النّْسَاقْ
ازْهَرْ رُوضِي عَلَى الرِّضَا وَ لْقَحْ غُصْنْ اوْرَاقُه
اتْنُوَرْ بْتُورَاقْ
بَرْضَاكْ انْفَتْحُو اطْرَايْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
شُوفْ لَدْمُوعِي الدَّافْقَة فُوقْ الخَدْ اسْوَاقِي
يَا بُو خَدْ شْرِيقْ
لله اطْفِي نَارْ الحُرَاقْ
بُوصَالَكْ يَا سُودْ الحْدَاقْ
سَلِّينِي بَوْقَاتْ المْلاَقْ
رَانِي نَرْجَى لَلْوُصُولْ بَاقِي
وَ انْعَيَّطْ يَا تُرَى انْلاَقِي
بِيكْ أيَّامِي عَلَى حْقَاقِي
فِي بْهَاكْ انْمَتَّعْ الرّْمَاقْ
النَّظْرَة فِيكْ رَاحَة لَلِّي فِي هْوَاكْ غْرَاقُه
مَثْلِي لاَ تَدْرَاقْ
يَا مَنْ وَدُّه بَالزِّينْ خَالْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
يَا شَمْسْ ضُوَاتْ شَارْقَة بَنْهَايَتْ اشْرَاقِي
يَا قَمْرَة فِي غْسِيقْ
حُسْنَكْ مَا حَجْبَاتُه ارْوَاقْ
لاَ فِي الشَّامْ وَ لاَ فِي العِرَاقْ
بَكْمَالْ سَرْ بْهَاكْ فَاقْ
حُسْنَكْ ايْهِيمْ فِيهْ كُلْ تَاقِي
وَمَنْ لاَ يَهْوَى بْهَاكْ شَاقِي
يَا رُوحْ الرُّوحْ وَ السّْفَاقِي
عِشْقِي فِي بْهَاكْ بْلاَ نِفَاقْ
الله شْهِيدْ دُونْ حُسْنَكْ مَا رَدْتْ مْلاَقِي
حُبَّكْ بِيَّا لاَقْ
لَوْ تَفْنَى عُمْرِي مَا انْفَارْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
يَا مَنْ حُسْنَكْ ارْتَقَى حُسْنْ بْهَاكْ الرَّاقِي
مَالَكْ فِيهْ شْقِيقْ
مَنْ شَاهَدْ حُسْنَكْ بَالحْدَاقْ
يَذْهَلْ وَ ايْغِيبْ عَنْ الشُّوَاقْ
كِيفَاشْ انَا عَقْلِي انْسَاقْ
يُومْ انْظُرْتْ بْهَاكْ بَالحْدَاقِي
مَنْ غْرَامَكْ تَهْتْ مَنْ اشْوَاقِي
يَحْسَنْ عُونِي قْوَى احْمَاقِي
بْلَشْوَاقْ لْسَاعَةْ المْلاَقْ
هَلْ لِي فُرْجَة مْعَاكْ تَطْفِي لَلْقَلْبْ حْرَاقُه
هَانِي فِي تَمْلاَقْ
نَرْجَا العَطْفْ عْلَى حْقَايْقُه
خماسة
أعْطَفْ بَرْضَاكْ يَا اللِّي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو
يَا مَنْ دْرَى نَلْتَقَى وَ ايْطِيبْ اسْتِنْشَاقِي
مَنْ طِيبَكْ لَعْبيقْ
يَا وَرْدَة فِي ظَلْ الوْرَاقْ
حُسْنْ بْهاكْ للَشُّوقْ رَاقْ
فِي بُسْتَانْ ادْوَاحُه سْيَاقْ
سُبْحَانُه اعْطَاكْ الغَنِي البَاقِي
وَ اجْعَلْ فِيكْ البَهَى مْلاَقِي
تَخْضَعْ لَكْ سَايْرْ العْنَاقِي
أنْتَ لِيَّا حَقْ تَنْعَشَاقْ
عِشْقِي فِي جْمَالْ صُرْتَكْ حُبَّكْ مَنْ تَوْثَاقُه
فِي سْيَارِي مُتْلاَقْ
مَنْ قَبْلْ صِيَّامِي كُنْتْ عَاشْقُه
اخْذَانِي مَنْ حَالَةْ الصِّبَى وَ ارْمَانِي بْمَزْرَاقُه
فِي دْوَاخَلْ لَسْفَاقْ
وَ اسْكَنْ القَلْبْ و عَادْ حَارْقُه
خَلاَّنِي فِي البَهِيمْ صَاهَرْ هَايَمْ فِي اسْواقُه
فِي كُلْ الأسْوَاقْ
تْعَمَّرْ فِي حْشَايَا مَنْ صْوَعْقُه**
بَلله الحِيْ يَا المَالَكْ عَقْلِي وَ اخْلاَقُه
فِي حَقْ الخَلاَّقْ
بَصْرِي لَجْمَالَكْ لاَ تْشُوْقُه
اشْفَقْ مَنْ حَالْتِي وْ قَلْبِي فَاجِي تَضْيَاقُه
نَظْفَرْ بْرُونَاقْ
يَنْسَى قَلْبِي مَا كَانْ وَاسْقُه
فِي تَمْحَانْ بَصُّدُودْ وَ الهِجْرَانْ وْ تَمْحَاقُه
وَ الفُقْدْ الحَرَّاقْ
مِنَ السَّمْ احْشَايَا عَادْ خَارْقُه
أنْهِيتْ القُولْ أسْمِي فِي الشَّعْرْ وْ تَنْمَاقُه
تَدْريهْ الحُذَّاقْ
فِي أبَجَدْ مَا يَخْفَى لاَحْقُه
التّسْعَة وَ الزُّوجْ وَاظْحَة وَ اسْلاَمِي تَحْقَاقُه
لْدُهَاتْ التَّرْقَاقْ
مَا فَاحْ الزَّهْرْ عَلَى مْحَاقُّه
خماسة
اعْطَفْ بَرْضَاكْ يَا اللي لِيكْ اخْلاَقِي شَاقُوا
يَا زَهْوْ العُشَّاقْ
عَطْفْ المَعْشُوقْ دْوَاء لْعَاشْقُو .
تمت
