الخماسة
ضاق حالي يا ناسي يوم ريت ورشان
عن اطراف البستان اسجين فالمحاين
(بيت)
كنت نتسارى فالبستان فوق شيهان
يوم كان ابهيج افروجي اسطيع ساكن
قلت نزهى و نمتع فالبطاح لعيان
كانت الحلة خضرا كلها امفاتن
تم ريت الورشان على رواه ظمآن
من سجانو يشكي معگول فالمراكن
تاه فكري و فهى عقلي بقيت سهيان
عاد سلتو يا هذا عيد واش كاين
قسم
(صياح)
قلت آ ورشان كي جرا لك في حالك
حتى نلقاك فالمرايت و نكالة
من بعد الشان عاد معدوم خيالك
ترثي و تنوح بالدموع السيالة
واش المزيان كن امثالك فجمالك
يستاهل ذ المحان و ضنى ذ الحالة
ليام اتدور كيف قالو بدالة
(بيت)
عيدلي يا ورشان على اعگوب ذ الحال
واش ضعف الحيلة نعني سباب حالك
واش حر الغربة والشوق طول شحال
واش خف الخفة سبة لما اجرا لك
واش لهيام مع لغرام هز لدخال
حال دون سراحك ورماك في عگالك
عيد لي جيب جواب افصيح دون بهتان
بوح لي اعليك الأٓمان لو تآمن
قسم
(صياح)
قال الورشان حق لجليل الفتاح
حتى نروي القول صادق ف لواحي
أنا ولهان كنت ف سمايا سباح
من كل ادهو مع لبلا سالم ساحي
سالي فرحان بين لوراشن صداح
واليوم اضرير صرت مكسور جناحي
لله آ بالغ اللغى طلق سراحي
(بيت)
ما عليا ما بيا كنت غانم الراح
قبل ياتيني طير اهمام غر گارح
صال فيا واجعل فرحي اكدور و جراح
هدني هد شغل لكواسر الجوارح
صرت فاني طايح من بعد كنت طياح
ما تفرط فيا عاري عليك لايح
ظاهر اعليك حروف العز من العربان
كيف ترضى تبصر لحرار فالمساجن
قسم
(صياح)
قلت آ ورشان بوح بالسر وجهرو
هاد المخبور كيف لعقل فيه يدير
قصر لعنان خاف لفهام يدمرو
لن القصة امخبلة والقول اكبير
تفهي لذهان والنوابغ ينعصرو
وكذاك اللي لبيب عقلو فيه يحير
من قوة ما غريب أمرو هاذ الطير
(بيت)
كيف يختارك لمح الطير بين لطيار
كيف يضرب ويترك اصيادتو خصارة
كيف للطير الحر يلوح شاين اختار
ليس سلفت هاذ الخصلات ف لطيارى
من صغى وتمعن فمعان هاذ لخبار
دون شك يجيب السولان بالجهارا
بوح ليا دون الكثمان يا الورشان
راه قلبي كنو مرشوگ بالسكاكن
قسم
(صياح)
قال الورشان يا السايل لا بدا
تفرز لحرير فالغزل من تغرادي
من قبل زمان كان ذ الطير اتعدا
حوم فمراسمي لقاني بوجادي
شد النيشان حطني صوب العدة
كن شراوي منيع فالضرب امزادي
اولا نشاب لاح سمو فكبادي
(بيت)
ليس ريت مثيلو فالصيد طير صياد
كن رامي دامي ضاري على الصيادة
كل ما حوم في مرماه راح هواد
كم طيح قبلي لمغردين مادا
حاز لوفا وصلابة والطغى و لعناد
ليس تلقاه فحول الگوم فالعنادا
كيف يقوى لو من عودو رقيق فنيان
كا مثيل عويد لوراق فالغصاين
قسم
(صياح)
قام الورشان صوب حالي و ارماني
بانوار النور سانيا بين عيانو
كنو وسنان من قطيع الغزلاني
زينو فتان لاح و حروفو بانو
اولا حسان خلق لجليل الغاني
بارز بالزين فاق عن كل گرانو
هيج وجدي وفاض عني غيوانو
(بيت)
يا سعادت سعدي ذاق السعود سعدين
الحذاقة والسر وخرقة المثانا
فاض عني لبها جملة شمال و يمين
من يسال على مير الحب قول أنا
عاد قلبي والنفس مع الروح حيين
كن روض اروا بعد القحط كم سنة
حين عنقتو يا وعدي اضحيت ولهان
قلت ليك القلب اهديتو مع السواكن
قسم
(صياح)
صاح الورشان قال لي يقظ بالك
يكفاني من محايني يكفى عافاك
أنا لو كان كنت إنس على فالك
ما نقواشي ولا نطيق انكون امعاك
لني عنوان ليس واتى ديوانك
واش الصاري يصون شرع لزوج فلاك
اولا يمسى الوحش صيد فزوج شباك
(بيت)
لو تطاوعني لا ترجى شريك مشروك
شاركة شركاتو هاذي تلوحك لذيك
كن وردة لما يملا عصابها شوك
حين تدنى ليها رغم الجمال تدميك
هكذا حال اللي مملوك راه متروك
زرب حايط عنو مهما يكون يبغيك
جات ساعة لفراق آ صاح وقتها حان
ضاقت الروح و غم القلب صار حازن
قسم
(صياح)
راح الورشان قبل ما ينهي لكلام
گفى عني وسار قاصد لرسامو
رمش لجفان رفها و اطوى لعلام
حلك الفرگة ضحات خلفو و امامو
فاضو لعيان من الغمة والتخمام
من بعد ادنيت كن حاكم گدامو
اصبحت غلام لو رضاني خدامو
(بيت)
كنت والفتو فالساعة و هاج لغرام
كيف نسخى من بعد فنيت في غرامو
حين طلق اجناحو و ارمى و لوح و حام
صار ضي نهاري كالداج في ظلامو
الفراق رزية و نكى و نكد و نقام
لاگف السعد اللي يلقاه في ايامو
صاب تسراحو ورشاني وترك لمكان
كان ممحون يعاين صرت كا نعاين
كا نعاين بعد ارماني فقلب لسجان
زاد نحبي ونضرمت فالعضا نوارن
هكذاك جرى لي فالحال هكذا كان
جيت نتسارى رحت سجين دون ساجن
زام ضر دخالي والدمع فاض ويدان
كا نخلف لخطا وا لا دريت لاين
عاهدي بالحب يفردي صروف لوزان
كا يهين لوفا ويتلف الميازن
عاهدي بالعشق يولي شفا العديان
من هوالو شابو شبان بالملاين
الهوى عاهد لو يشيان بعد يزيان
كيف نسلف فلغى لمواهب الفراتن
ما نترك اياسي يملا ركان لكنان
قادر الله يبدل شينها محاسن
قادر الله يحل اقفال كل بيبان
كل صعب اصعيب بجهدو يعود واهن
قلب ورشاني مهما صد حق يليان
كيف لين لجليل الصلد فالمطاحن
يا من صغى نظمي صيغ المعان برهان
دير ليقين فخالق كل خلق كاين
خود هاذ الحلة سميتها الورشان
لو نعيش نضمن شلا من الوراشن
في زمان السيبة كلا يقول فنان
كل من ردف حربة بات شيخ باين
عيب هاذ الوقت المدمور عاد لو شان
رافعينو قوم الخدعات كالدخاخن
والضراغم عادت ترعى مع الخرفان
والجران احرك للحيّات فالفدادن
قول للداعي هذا قول بن سليمان
صوت بازي يرمي لجحود فالمراكن
والختام بريح النسري مع السوسان
والبخور ولعطور الفايحة مناين
واهب سلامي للحبرا ارباب لوزان
من مساو فالقريض فراسن وسلاطن
والصلا والسلام على النبي العدنان
خير لورى خلق و لخلاق والمحاسن
(تمت وبالخير عمت)
ضاق حالي يا ناسي يوم ريت ورشان
عن اطراف البستان اسجين فالمحاين
(بيت)
كنت نتسارى فالبستان فوق شيهان
يوم كان ابهيج افروجي اسطيع ساكن
قلت نزهى و نمتع فالبطاح لعيان
كانت الحلة خضرا كلها امفاتن
تم ريت الورشان على رواه ظمآن
من سجانو يشكي معگول فالمراكن
تاه فكري و فهى عقلي بقيت سهيان
عاد سلتو يا هذا عيد واش كاين
قسم
(صياح)
قلت آ ورشان كي جرا لك في حالك
حتى نلقاك فالمرايت و نكالة
من بعد الشان عاد معدوم خيالك
ترثي و تنوح بالدموع السيالة
واش المزيان كن امثالك فجمالك
يستاهل ذ المحان و ضنى ذ الحالة
ليام اتدور كيف قالو بدالة
(بيت)
عيدلي يا ورشان على اعگوب ذ الحال
واش ضعف الحيلة نعني سباب حالك
واش حر الغربة والشوق طول شحال
واش خف الخفة سبة لما اجرا لك
واش لهيام مع لغرام هز لدخال
حال دون سراحك ورماك في عگالك
عيد لي جيب جواب افصيح دون بهتان
بوح لي اعليك الأٓمان لو تآمن
قسم
(صياح)
قال الورشان حق لجليل الفتاح
حتى نروي القول صادق ف لواحي
أنا ولهان كنت ف سمايا سباح
من كل ادهو مع لبلا سالم ساحي
سالي فرحان بين لوراشن صداح
واليوم اضرير صرت مكسور جناحي
لله آ بالغ اللغى طلق سراحي
(بيت)
ما عليا ما بيا كنت غانم الراح
قبل ياتيني طير اهمام غر گارح
صال فيا واجعل فرحي اكدور و جراح
هدني هد شغل لكواسر الجوارح
صرت فاني طايح من بعد كنت طياح
ما تفرط فيا عاري عليك لايح
ظاهر اعليك حروف العز من العربان
كيف ترضى تبصر لحرار فالمساجن
قسم
(صياح)
قلت آ ورشان بوح بالسر وجهرو
هاد المخبور كيف لعقل فيه يدير
قصر لعنان خاف لفهام يدمرو
لن القصة امخبلة والقول اكبير
تفهي لذهان والنوابغ ينعصرو
وكذاك اللي لبيب عقلو فيه يحير
من قوة ما غريب أمرو هاذ الطير
(بيت)
كيف يختارك لمح الطير بين لطيار
كيف يضرب ويترك اصيادتو خصارة
كيف للطير الحر يلوح شاين اختار
ليس سلفت هاذ الخصلات ف لطيارى
من صغى وتمعن فمعان هاذ لخبار
دون شك يجيب السولان بالجهارا
بوح ليا دون الكثمان يا الورشان
راه قلبي كنو مرشوگ بالسكاكن
قسم
(صياح)
قال الورشان يا السايل لا بدا
تفرز لحرير فالغزل من تغرادي
من قبل زمان كان ذ الطير اتعدا
حوم فمراسمي لقاني بوجادي
شد النيشان حطني صوب العدة
كن شراوي منيع فالضرب امزادي
اولا نشاب لاح سمو فكبادي
(بيت)
ليس ريت مثيلو فالصيد طير صياد
كن رامي دامي ضاري على الصيادة
كل ما حوم في مرماه راح هواد
كم طيح قبلي لمغردين مادا
حاز لوفا وصلابة والطغى و لعناد
ليس تلقاه فحول الگوم فالعنادا
كيف يقوى لو من عودو رقيق فنيان
كا مثيل عويد لوراق فالغصاين
قسم
(صياح)
قام الورشان صوب حالي و ارماني
بانوار النور سانيا بين عيانو
كنو وسنان من قطيع الغزلاني
زينو فتان لاح و حروفو بانو
اولا حسان خلق لجليل الغاني
بارز بالزين فاق عن كل گرانو
هيج وجدي وفاض عني غيوانو
(بيت)
يا سعادت سعدي ذاق السعود سعدين
الحذاقة والسر وخرقة المثانا
فاض عني لبها جملة شمال و يمين
من يسال على مير الحب قول أنا
عاد قلبي والنفس مع الروح حيين
كن روض اروا بعد القحط كم سنة
حين عنقتو يا وعدي اضحيت ولهان
قلت ليك القلب اهديتو مع السواكن
قسم
(صياح)
صاح الورشان قال لي يقظ بالك
يكفاني من محايني يكفى عافاك
أنا لو كان كنت إنس على فالك
ما نقواشي ولا نطيق انكون امعاك
لني عنوان ليس واتى ديوانك
واش الصاري يصون شرع لزوج فلاك
اولا يمسى الوحش صيد فزوج شباك
(بيت)
لو تطاوعني لا ترجى شريك مشروك
شاركة شركاتو هاذي تلوحك لذيك
كن وردة لما يملا عصابها شوك
حين تدنى ليها رغم الجمال تدميك
هكذا حال اللي مملوك راه متروك
زرب حايط عنو مهما يكون يبغيك
جات ساعة لفراق آ صاح وقتها حان
ضاقت الروح و غم القلب صار حازن
قسم
(صياح)
راح الورشان قبل ما ينهي لكلام
گفى عني وسار قاصد لرسامو
رمش لجفان رفها و اطوى لعلام
حلك الفرگة ضحات خلفو و امامو
فاضو لعيان من الغمة والتخمام
من بعد ادنيت كن حاكم گدامو
اصبحت غلام لو رضاني خدامو
(بيت)
كنت والفتو فالساعة و هاج لغرام
كيف نسخى من بعد فنيت في غرامو
حين طلق اجناحو و ارمى و لوح و حام
صار ضي نهاري كالداج في ظلامو
الفراق رزية و نكى و نكد و نقام
لاگف السعد اللي يلقاه في ايامو
صاب تسراحو ورشاني وترك لمكان
كان ممحون يعاين صرت كا نعاين
كا نعاين بعد ارماني فقلب لسجان
زاد نحبي ونضرمت فالعضا نوارن
هكذاك جرى لي فالحال هكذا كان
جيت نتسارى رحت سجين دون ساجن
زام ضر دخالي والدمع فاض ويدان
كا نخلف لخطا وا لا دريت لاين
عاهدي بالحب يفردي صروف لوزان
كا يهين لوفا ويتلف الميازن
عاهدي بالعشق يولي شفا العديان
من هوالو شابو شبان بالملاين
الهوى عاهد لو يشيان بعد يزيان
كيف نسلف فلغى لمواهب الفراتن
ما نترك اياسي يملا ركان لكنان
قادر الله يبدل شينها محاسن
قادر الله يحل اقفال كل بيبان
كل صعب اصعيب بجهدو يعود واهن
قلب ورشاني مهما صد حق يليان
كيف لين لجليل الصلد فالمطاحن
يا من صغى نظمي صيغ المعان برهان
دير ليقين فخالق كل خلق كاين
خود هاذ الحلة سميتها الورشان
لو نعيش نضمن شلا من الوراشن
في زمان السيبة كلا يقول فنان
كل من ردف حربة بات شيخ باين
عيب هاذ الوقت المدمور عاد لو شان
رافعينو قوم الخدعات كالدخاخن
والضراغم عادت ترعى مع الخرفان
والجران احرك للحيّات فالفدادن
قول للداعي هذا قول بن سليمان
صوت بازي يرمي لجحود فالمراكن
والختام بريح النسري مع السوسان
والبخور ولعطور الفايحة مناين
واهب سلامي للحبرا ارباب لوزان
من مساو فالقريض فراسن وسلاطن
والصلا والسلام على النبي العدنان
خير لورى خلق و لخلاق والمحاسن
(تمت وبالخير عمت)
