يا حسرة عليك يا ليام
تسليتي من لحلام
زهرك هذا و لا زهري
ميمون ما تسكد سعدو
و لا عتبة منصولة موسدة
حيطة رايبة
وشمس غايبة من سما الحال
تنصل الحلم من الحلم و عرا على كسدة مهدودة
ساكنة في شقوق الاوهام.
حلفت على ذيك الدمعة لا تكحل العين
لا تسقي الورد البايت في الندى
عاس على طلة النهار
حلفت على ذيك الحفنة من التراب
لا ترجع ليه تزهى على فراشو.
حلفت على ذيك القمرة لا تنصل ماها من سماها،
لا تخبي ضوها على من هواها.
دازت الحلمة مع شقوق الفجر تتهادى
و البال خاطر مهموم
زام ضرو في صرة القلب.
حسرة عليك يا ليام
نصلت صغرنا من كبرنا
و سعدنا فرقتيه على لي غابوا ما تصابوا وقت الحزة
شحال من حلمة فكيناها
لقيناها مصدية من عياها
الطريق طويلة و الزاد قليل
و النية قاطعة الواد لي نشفت رجليه
الى جات الفرحة زاهية بلار
يتفرش الورد ليها و على يد ليام تحني ليها
الى جات الفرحة في غفلة من العمر لا تخليها
الليل ديالنا نحلموا كيف بغينا
و النهار عاس على الفرحة ملي يكلعها لينا.
تسليتي من لحلام
زهرك هذا و لا زهري
ميمون ما تسكد سعدو
و لا عتبة منصولة موسدة
حيطة رايبة
وشمس غايبة من سما الحال
تنصل الحلم من الحلم و عرا على كسدة مهدودة
ساكنة في شقوق الاوهام.
حلفت على ذيك الدمعة لا تكحل العين
لا تسقي الورد البايت في الندى
عاس على طلة النهار
حلفت على ذيك الحفنة من التراب
لا ترجع ليه تزهى على فراشو.
حلفت على ذيك القمرة لا تنصل ماها من سماها،
لا تخبي ضوها على من هواها.
دازت الحلمة مع شقوق الفجر تتهادى
و البال خاطر مهموم
زام ضرو في صرة القلب.
حسرة عليك يا ليام
نصلت صغرنا من كبرنا
و سعدنا فرقتيه على لي غابوا ما تصابوا وقت الحزة
شحال من حلمة فكيناها
لقيناها مصدية من عياها
الطريق طويلة و الزاد قليل
و النية قاطعة الواد لي نشفت رجليه
الى جات الفرحة زاهية بلار
يتفرش الورد ليها و على يد ليام تحني ليها
الى جات الفرحة في غفلة من العمر لا تخليها
الليل ديالنا نحلموا كيف بغينا
و النهار عاس على الفرحة ملي يكلعها لينا.
