أنا جامع كرار من أبو رماد
يدفع لك ببطاقته قائلا:أنا مصرى مثلك.
من محافظة البحر الأحمر
أبو رماد.. مشيرا إلى بساطه الحرير ذو الألوان الأنيقة الزاهية ،ضامما اصابعه الخمس على شكل رأس سهم ناقرا به على الأرض-ثلاث نقرات كنقر الدفوف - تقع بين حلايب وشلاتين .
عندنا ثانى أكبر محمية طبيعية فى العالم محمية جبل علبه ،عارف ان كلماتى مش مفهومه ؛أنتم بتعطشوا حرف الجيم فقط ،إحنا بنعطش وبناكل كل الحروف كمان ..أنت موظف فى الآثار ازاى وما تعرفش أبو رماد؟!!
تشرب معايا فنجان من الجبينة(بفتح الجيم)؟ يعنى عارفها دى !! قرأت عن إنسان حلايب وشلاتين مقالا لصديقك،متحفزا ،أسمه أيه صديقك ده؟ يا ترى كلامه عنا كلام كويس؟! يمد يده بجهازه المحمول هات لى مقال صديقك ،نقراه ونرد عليه .احنا مصريين زيكم ،أنا كمان موظف مثلك ،أنت مش شفت البطاقة ؟!
تشرب دور تانى من الجيبنة ،ده مش قهوة ثقيلة زى اللى متعودين تشربوها ،دى قهوة خفيفة القوام والروح ،مضاف عليها الجنزبيل ،شرابا حلو الرواء،وما فيه منها اى ضرر..صديقك طيب مثلك ،كلامه عنا صحيح وجميل ،والصور أيضا.
من طنطا أنت ؟ بلد السيد البدوى ،تعرف عندنا زملاء فى العمل من عندكم ،
بيجيبوا لنا فى الأجازات حمص وحلاوة ويقولوا لنا قولوا مدد يا بدوى !!
وبتكتب أيه أنت ،وأنت مش عارف أبو رماد؟! بقولك انا مصرى مثلك !! مش شفت البطاقة ؟ !
تشرب دور كمان ،شكرا .شعرك ده محتاج عروق السمن بيقع ،وهتصلع ..أنت تيجى معانا واحنا مروحين ،مش هتحتاج جواز سفر ،بقولك أبو رماد فى مصر .وانا من مصر وانت كمان من مصر.
يدفع لك ببطاقته قائلا:أنا مصرى مثلك.
من محافظة البحر الأحمر
أبو رماد.. مشيرا إلى بساطه الحرير ذو الألوان الأنيقة الزاهية ،ضامما اصابعه الخمس على شكل رأس سهم ناقرا به على الأرض-ثلاث نقرات كنقر الدفوف - تقع بين حلايب وشلاتين .
عندنا ثانى أكبر محمية طبيعية فى العالم محمية جبل علبه ،عارف ان كلماتى مش مفهومه ؛أنتم بتعطشوا حرف الجيم فقط ،إحنا بنعطش وبناكل كل الحروف كمان ..أنت موظف فى الآثار ازاى وما تعرفش أبو رماد؟!!
تشرب معايا فنجان من الجبينة(بفتح الجيم)؟ يعنى عارفها دى !! قرأت عن إنسان حلايب وشلاتين مقالا لصديقك،متحفزا ،أسمه أيه صديقك ده؟ يا ترى كلامه عنا كلام كويس؟! يمد يده بجهازه المحمول هات لى مقال صديقك ،نقراه ونرد عليه .احنا مصريين زيكم ،أنا كمان موظف مثلك ،أنت مش شفت البطاقة ؟!
تشرب دور تانى من الجيبنة ،ده مش قهوة ثقيلة زى اللى متعودين تشربوها ،دى قهوة خفيفة القوام والروح ،مضاف عليها الجنزبيل ،شرابا حلو الرواء،وما فيه منها اى ضرر..صديقك طيب مثلك ،كلامه عنا صحيح وجميل ،والصور أيضا.
من طنطا أنت ؟ بلد السيد البدوى ،تعرف عندنا زملاء فى العمل من عندكم ،
بيجيبوا لنا فى الأجازات حمص وحلاوة ويقولوا لنا قولوا مدد يا بدوى !!
وبتكتب أيه أنت ،وأنت مش عارف أبو رماد؟! بقولك انا مصرى مثلك !! مش شفت البطاقة ؟ !
تشرب دور كمان ،شكرا .شعرك ده محتاج عروق السمن بيقع ،وهتصلع ..أنت تيجى معانا واحنا مروحين ،مش هتحتاج جواز سفر ،بقولك أبو رماد فى مصر .وانا من مصر وانت كمان من مصر.
