شخصيات المسرحية :
• أبو حسن :- خمسيني نحيف،ثلعبي الملاح والتصرفات.
• ابو رجا:- ستيني ، متوسط القامة ، ممتلىء القوام.
المشهد الأول
الزمان : يوم من ايام شهر رمضان الفضيل.
المكان : بيت من بيوت إحدى المدن الفلسطينية المتواضعة.
( تفتح الستارة على صالة بيت متواضع، يدخل رجل نحيف يبلس البنطال والقميص وينتعل حفاية ،ويلبس قبعة على رأسه و ويضع على احد اذنية قلم،يبدو انه صاحب البيت،يدخل وبصعوبة ويداه تحمل الخضروات والإغراض اللازمة للطعام، الرجل اسمه أبو حسن،يتتم بالاغاني وهو مغتبط ، يدفع الباب بقدمة، ويغلقه بقدمه، ويدخل ويضع ما بين يديه على الطاولة التي تتوسط الصالون)
أبو حسن : ( بحماسة ) :- أولا البقدونس....
( يشمه عميقا ويغمض عينيه ):- يا سلام عالبقدونس... الفجل ...أطرى من لحم العجل.. وكمان دوى للزعل... وهاي البطاطا... وهاي كيلو رز... وهاي علبة سمنة... وهاي معجون سنان ..... ملقيتش نعنع ، جبت معجون أسنان وهاي نص كليو لحمة
( يفرك يديه، وينظر للساعة ) ويتابع :- هسا بدي طاسة عشان نحضر وجبة الافطار... والطاسة ضاعت ...
( يفكر)... شو بدك تعمل يا ابو حسن ... شو بدك تعمل يا ابو حسن...لازم اعمل حل جذري ونهائي لضياع الطاسة.... ما لازم كل ما ضاعت طاسة اشتري طاسة هيك ما بتوفي معي
(يعود للتفكير ).......... أه القيتها.....
يخرج على عجل
ستارة
المشهد الثاني
المكان:- بيت الجار ابو رجا
الزمان : نفس اللحظات السابقة .
(ابو رجا يلبس دشداشة ويعتمر طاقية بيضاء، ويجلس في الصالة يقرأ القرآن، يقرع جرس الباب)
أبو رجا :- صدق الله العظيم
(ابو حسن من الخارج متواصل في طرق الباب والمناداة):- ابو رجا .. أبو رجا .. هي يا أبو رجا
(يفتح ابو رجا الباب)
ابو رجا :- هاظ جارنا ابو حسن ... اتفضل اتفضل
ابو حسن :- تسلم .. الله يبارك بيك
ابو رجا : رمضان كريم يا جار ... وإلا إنكان قمنا بالواجب
أبو حسن :- انت اهل الخير وأهل الواجب يا ابو رجا...هو جاي أنا بدي جربك ؟؟...بس جيت قاصدك بطلب
أبو رجا :- باطل... طلب واحد بس؟؟ أنت تأمر
ابو حسن :- استغفر الله استغفر الله بدي من عندك طاسة .... بعرف أنو بيت السباع بخلاش من العظم
أبو رجا :- غالي والطلب ارخيص
(يدخل ).. (ابو حسن يمد رأسه من الباب ويسترق النظر في البيت )(يعود ابو رجا يحمل الطاسة )
أبو رجا :- تفضل يا أبو حسن ... تأمرني بخدمة ثانية ؟؟
أبو حسن :- الله يقدرني على معروفك.... بكرة ان شاء الله مع الظهر برجعلك اياها
ابو رجا :- ولو اقل الواجب... وزي ما بدك
(يخرج ابو حسن ويغلق ابو رجا الباب)
ابو رجا :- جار كله ذوق..... من اول ما شفته قلت عنه زلمة غانم
ستارة
مشهد رقم 3
الزمان :- ظهر اليوم الثاني من الاستعارة
المكان :- بيت ابو رجا
(يقرع جرس الباب، يتوجه أبو رجا فيفتح الباب،فإذا به الجار ابو حسن يحمل الطنجرة وهي مغطاة)
ابو رجا :- والله انك ابن حلال... هالوقت زي ما وعدت... قاعد بقول لحالي بدي اروح عالصلاة والا انت
بدق
ابو حسن : - ولو مش عيب... انا تربايتك ابو رجا ،تفضل هاي الطاسة
(يأخذها أبو رجا):- الله يديم هالاصالة
(ابو حسن يهم بالعودة الي بيته،وأبو رجا يرفع غطاء الطنجرة ، فيجد في داخلها غلاية )
ابو رجا :- وينك ؟؟
ابو حسن يعود :- نعم عمي ابو رجا
ابو رجا :- كنك ناسي فيها غلاية ؟؟
أبو حسن (يبدأ بضحك متواصل لا يكاد يتوقف) :-
ابو رجا :- جل من لا يسهو ... بيعين الله... الكل صار يضيع
أبو حسن :- يا خوي ابو رجا هاي الغلاي الك
ابو رجا (باستغراب ):- الي؟؟!!
ابو حسن :- (وهو يضحك ) مقلتلكيش.... مهي الطاسة ولدت
ابو رجا ( مستغربا بشدة ) :- الطاسة ولدت ؟؟!! شوه الحكي.... كنك فقدت عقلك ؟؟!!
ابو حسن :- زيّ ما بقلك ... وهاي الغلاي الك
ابو رجا :- مش معقول....مستحيل، مالك يا زلمة كنو الصيام مأثر عليك؟؟
ابو حسن :- لع صدق يا ابو رجا... بهذا الوقت فش اشي غريب ولا في اشي مستحيل.. بهذا الزمن صارت الحمامة تبيض على التودد ووتفرش وتضرب كوع كمان.. يعني بدي أسألك هو الي بيصير حولينا معقول؟؟
ابو رجا :- لع بس
ابو حسن :- مبسش ولا غيرو.. طاسك ولدت ومبروك... يا اخي الله اعطاك من حيث لا تحتسب ليش زعلان؟؟ هاي المرة غلاي... المرة الجاي الله واعلم يمكن تولد تنك ميّ
(أبو رجا صامت ويفكر )
(أبو حسن يخرج الغلاي من الطاسة ويبدأ بملاطفتها) :- دغ دغ دغ.. ما أزكاها .... روحي عند جدو روحي
(يخرج ويبقى ابو رجا مصدوما)
ستارة
المشهد الرابع
الزمان :- في اليوم التالي.
المكان : بيت ابو رجا
(يقرع الباب، لقد حضر ابو حسن لأخذ الطنجرة نهائيا هذه المرة ، يسرع ابو رجا يفتح )
ابو رجا مرحبا :- يا حيا الله بجار البركة اتفضل... اتفضل
ابو حسن :- ترى ان زوتها شوي يا جار
ابو رجا: بزعل منك ها.. انت جار الهنا...بتعرف اني انا بتفائل فيك ...خطواتك عندي سعد..وانت وجه سعد
ابو حسن : لو فيها ثقلة دم ممكن استعير الطاسة ؟؟
ابو رجا :- ومالك بتقولها وانت مستحي..عليها وجهك اذا بدك اتْرَحّلْ المطبخ رحله وعلى حسابك .. مالك يا
زلمة الناس لبعضها
ابو حسن :- سلامة المطبخ وصحابة .... بس بدي الطاسة
(يدخل ابو رجا ويأتي بالطاسة ويقدمها لابو حسن)
ابو حسن :- بكرا الظهر وقبل ما تروح على الصلاة بتكون عندك...وإن صارت تقاسي وبدها تولد راح اودي
وراك عشان تحضر معي كيف سبحانه بمكانه.. قادر وعظيم ...
أبو رجا
يضحك ):- إلى من الله يما حلاه
(يخرج أبو حسن، يدخل ابو رجا وهو مغتبط ويفرك يديه بالميلاد القادم )
ستارة
المشهد الخامس والأخير
الزمان :- بعد اسبوع على استعارة ابو حسن لطنجرة ابو رجا .
المكان :- بيت ابو حسن.
(ابو حسن يتغزل بالطنجرة وهو يضعها امامه على الطاولة ويقول )
ابو حسن :- هسا صرتي الي بشكل رسمي....فيك بطبخ وتحتك بنفخ...قال بيقوله كيف العقل عملة صعبة؟؟ ولكم والله لو حدا يكتشفني... ويستخدم قدراتي لدول ترحل ممتلكاتها لدول ثانية.... يا عمي العقل العقل اكبر
نعمة..
(يطرق الباب،فينصت ابو حسن )
ابو حسن :- مين ؟؟
ابو رجا : انا ابو رجا
أبو حسن :- يغني
أجا أجا أجا ... عمك ابو رجا
أجا أجا أجا ... عمك ابو رجا
قال بدو مني الطاسة ومن فوقها كاسة
زيه بدو رصاصة...لعنده عقل نجى
اجا اجا اجا... عمك ابو رجا
اجا اجا اجا عمك ابو رجا
يا عالم شوفوني الذكاء فنوني
الغباء والجنوني طبعك يا ابو رجا
اجا اجا اجى....... عمك ابو رجا
اجا اجا اجا عمك ابو رجا
المثل كلشي قاله.. وشبه على مثاله
والحكي عاشكاله .... دقدق يا ابو رجا
(ابو رجا ما زال يطرق الباب ويرن الجرس، ابو حسن ينهي الغناء يتوجه نحو الباب ويفتحه )
ابو رجا :- والله مش عارف شو بدي اقلك... والله العظيم اني خجلان
ابو حسن :- بعرف شو بدك تقول... الطاسة .... بدك الطاسة وعيلتها وحمولتها كلها على اساس طاستك الها اسبوع عندي بعرف
ابو رجا (بسرور ) :- صارت حمولة ؟؟
ابو حسن( بتهكم ):- طاستك انصابت بالعين.. وماتت وهي بتخلف بالتنك
ابو رجا :- ماتت؟؟!!
ابو حسن :- يا خسارة عاد كنا سامعين صوت التراكتور ورى التنك.... بس شو نعمل ... الدايم الله
ابو رجا (بغضب) :- شو بتخرف؟؟ مجنون انت ولا بتتمجنن ؟؟
ابو حسن :- مش مصدق؟؟
ابو رجا :- انو بيصدق هالهبل الي بتحكيه ؟؟
ابو حسن :- الله يسامحك
ابو رجا طاسة تموت؟؟!! .... اعطيني طاستي بلا مسخرة
ابو حسن :- ابو رجا ، يومت قلتلك الطاسة ولدت صدقت، ويومت قلتلك الطاسة ماتت كذبتني
عقلك الي صدق انو الطاسة بتولد ... لازم يصدق انو الطاسة بتموت
ابو رجا ( يضرب على راسه ) :- آخ هسا افهمت المقلب... الله لا يردك يا ابو حسن
صحيح المثل الي بيقول " عير واستعير وهذا الهم الكبير.
النهاية
عصري فياض
• أبو حسن :- خمسيني نحيف،ثلعبي الملاح والتصرفات.
• ابو رجا:- ستيني ، متوسط القامة ، ممتلىء القوام.
المشهد الأول
الزمان : يوم من ايام شهر رمضان الفضيل.
المكان : بيت من بيوت إحدى المدن الفلسطينية المتواضعة.
( تفتح الستارة على صالة بيت متواضع، يدخل رجل نحيف يبلس البنطال والقميص وينتعل حفاية ،ويلبس قبعة على رأسه و ويضع على احد اذنية قلم،يبدو انه صاحب البيت،يدخل وبصعوبة ويداه تحمل الخضروات والإغراض اللازمة للطعام، الرجل اسمه أبو حسن،يتتم بالاغاني وهو مغتبط ، يدفع الباب بقدمة، ويغلقه بقدمه، ويدخل ويضع ما بين يديه على الطاولة التي تتوسط الصالون)
أبو حسن : ( بحماسة ) :- أولا البقدونس....
( يشمه عميقا ويغمض عينيه ):- يا سلام عالبقدونس... الفجل ...أطرى من لحم العجل.. وكمان دوى للزعل... وهاي البطاطا... وهاي كيلو رز... وهاي علبة سمنة... وهاي معجون سنان ..... ملقيتش نعنع ، جبت معجون أسنان وهاي نص كليو لحمة
( يفرك يديه، وينظر للساعة ) ويتابع :- هسا بدي طاسة عشان نحضر وجبة الافطار... والطاسة ضاعت ...
( يفكر)... شو بدك تعمل يا ابو حسن ... شو بدك تعمل يا ابو حسن...لازم اعمل حل جذري ونهائي لضياع الطاسة.... ما لازم كل ما ضاعت طاسة اشتري طاسة هيك ما بتوفي معي
(يعود للتفكير ).......... أه القيتها.....
يخرج على عجل
ستارة
المشهد الثاني
المكان:- بيت الجار ابو رجا
الزمان : نفس اللحظات السابقة .
(ابو رجا يلبس دشداشة ويعتمر طاقية بيضاء، ويجلس في الصالة يقرأ القرآن، يقرع جرس الباب)
أبو رجا :- صدق الله العظيم
(ابو حسن من الخارج متواصل في طرق الباب والمناداة):- ابو رجا .. أبو رجا .. هي يا أبو رجا
(يفتح ابو رجا الباب)
ابو رجا :- هاظ جارنا ابو حسن ... اتفضل اتفضل
ابو حسن :- تسلم .. الله يبارك بيك
ابو رجا : رمضان كريم يا جار ... وإلا إنكان قمنا بالواجب
أبو حسن :- انت اهل الخير وأهل الواجب يا ابو رجا...هو جاي أنا بدي جربك ؟؟...بس جيت قاصدك بطلب
أبو رجا :- باطل... طلب واحد بس؟؟ أنت تأمر
ابو حسن :- استغفر الله استغفر الله بدي من عندك طاسة .... بعرف أنو بيت السباع بخلاش من العظم
أبو رجا :- غالي والطلب ارخيص
(يدخل ).. (ابو حسن يمد رأسه من الباب ويسترق النظر في البيت )(يعود ابو رجا يحمل الطاسة )
أبو رجا :- تفضل يا أبو حسن ... تأمرني بخدمة ثانية ؟؟
أبو حسن :- الله يقدرني على معروفك.... بكرة ان شاء الله مع الظهر برجعلك اياها
ابو رجا :- ولو اقل الواجب... وزي ما بدك
(يخرج ابو حسن ويغلق ابو رجا الباب)
ابو رجا :- جار كله ذوق..... من اول ما شفته قلت عنه زلمة غانم
ستارة
مشهد رقم 3
الزمان :- ظهر اليوم الثاني من الاستعارة
المكان :- بيت ابو رجا
(يقرع جرس الباب، يتوجه أبو رجا فيفتح الباب،فإذا به الجار ابو حسن يحمل الطنجرة وهي مغطاة)
ابو رجا :- والله انك ابن حلال... هالوقت زي ما وعدت... قاعد بقول لحالي بدي اروح عالصلاة والا انت
بدق
ابو حسن : - ولو مش عيب... انا تربايتك ابو رجا ،تفضل هاي الطاسة
(يأخذها أبو رجا):- الله يديم هالاصالة
(ابو حسن يهم بالعودة الي بيته،وأبو رجا يرفع غطاء الطنجرة ، فيجد في داخلها غلاية )
ابو رجا :- وينك ؟؟
ابو حسن يعود :- نعم عمي ابو رجا
ابو رجا :- كنك ناسي فيها غلاية ؟؟
أبو حسن (يبدأ بضحك متواصل لا يكاد يتوقف) :-
ابو رجا :- جل من لا يسهو ... بيعين الله... الكل صار يضيع
أبو حسن :- يا خوي ابو رجا هاي الغلاي الك
ابو رجا (باستغراب ):- الي؟؟!!
ابو حسن :- (وهو يضحك ) مقلتلكيش.... مهي الطاسة ولدت
ابو رجا ( مستغربا بشدة ) :- الطاسة ولدت ؟؟!! شوه الحكي.... كنك فقدت عقلك ؟؟!!
ابو حسن :- زيّ ما بقلك ... وهاي الغلاي الك
ابو رجا :- مش معقول....مستحيل، مالك يا زلمة كنو الصيام مأثر عليك؟؟
ابو حسن :- لع صدق يا ابو رجا... بهذا الوقت فش اشي غريب ولا في اشي مستحيل.. بهذا الزمن صارت الحمامة تبيض على التودد ووتفرش وتضرب كوع كمان.. يعني بدي أسألك هو الي بيصير حولينا معقول؟؟
ابو رجا :- لع بس
ابو حسن :- مبسش ولا غيرو.. طاسك ولدت ومبروك... يا اخي الله اعطاك من حيث لا تحتسب ليش زعلان؟؟ هاي المرة غلاي... المرة الجاي الله واعلم يمكن تولد تنك ميّ
(أبو رجا صامت ويفكر )
(أبو حسن يخرج الغلاي من الطاسة ويبدأ بملاطفتها) :- دغ دغ دغ.. ما أزكاها .... روحي عند جدو روحي
(يخرج ويبقى ابو رجا مصدوما)
ستارة
المشهد الرابع
الزمان :- في اليوم التالي.
المكان : بيت ابو رجا
(يقرع الباب، لقد حضر ابو حسن لأخذ الطنجرة نهائيا هذه المرة ، يسرع ابو رجا يفتح )
ابو رجا مرحبا :- يا حيا الله بجار البركة اتفضل... اتفضل
ابو حسن :- ترى ان زوتها شوي يا جار
ابو رجا: بزعل منك ها.. انت جار الهنا...بتعرف اني انا بتفائل فيك ...خطواتك عندي سعد..وانت وجه سعد
ابو حسن : لو فيها ثقلة دم ممكن استعير الطاسة ؟؟
ابو رجا :- ومالك بتقولها وانت مستحي..عليها وجهك اذا بدك اتْرَحّلْ المطبخ رحله وعلى حسابك .. مالك يا
زلمة الناس لبعضها
ابو حسن :- سلامة المطبخ وصحابة .... بس بدي الطاسة
(يدخل ابو رجا ويأتي بالطاسة ويقدمها لابو حسن)
ابو حسن :- بكرا الظهر وقبل ما تروح على الصلاة بتكون عندك...وإن صارت تقاسي وبدها تولد راح اودي
وراك عشان تحضر معي كيف سبحانه بمكانه.. قادر وعظيم ...
أبو رجا
يضحك ):- إلى من الله يما حلاه(يخرج أبو حسن، يدخل ابو رجا وهو مغتبط ويفرك يديه بالميلاد القادم )
ستارة
المشهد الخامس والأخير
الزمان :- بعد اسبوع على استعارة ابو حسن لطنجرة ابو رجا .
المكان :- بيت ابو حسن.
(ابو حسن يتغزل بالطنجرة وهو يضعها امامه على الطاولة ويقول )
ابو حسن :- هسا صرتي الي بشكل رسمي....فيك بطبخ وتحتك بنفخ...قال بيقوله كيف العقل عملة صعبة؟؟ ولكم والله لو حدا يكتشفني... ويستخدم قدراتي لدول ترحل ممتلكاتها لدول ثانية.... يا عمي العقل العقل اكبر
نعمة..
(يطرق الباب،فينصت ابو حسن )
ابو حسن :- مين ؟؟
ابو رجا : انا ابو رجا
أبو حسن :- يغني
أجا أجا أجا ... عمك ابو رجا
أجا أجا أجا ... عمك ابو رجا
قال بدو مني الطاسة ومن فوقها كاسة
زيه بدو رصاصة...لعنده عقل نجى
اجا اجا اجا... عمك ابو رجا
اجا اجا اجا عمك ابو رجا
يا عالم شوفوني الذكاء فنوني
الغباء والجنوني طبعك يا ابو رجا
اجا اجا اجى....... عمك ابو رجا
اجا اجا اجا عمك ابو رجا
المثل كلشي قاله.. وشبه على مثاله
والحكي عاشكاله .... دقدق يا ابو رجا
(ابو رجا ما زال يطرق الباب ويرن الجرس، ابو حسن ينهي الغناء يتوجه نحو الباب ويفتحه )
ابو رجا :- والله مش عارف شو بدي اقلك... والله العظيم اني خجلان
ابو حسن :- بعرف شو بدك تقول... الطاسة .... بدك الطاسة وعيلتها وحمولتها كلها على اساس طاستك الها اسبوع عندي بعرف
ابو رجا (بسرور ) :- صارت حمولة ؟؟
ابو حسن( بتهكم ):- طاستك انصابت بالعين.. وماتت وهي بتخلف بالتنك
ابو رجا :- ماتت؟؟!!
ابو حسن :- يا خسارة عاد كنا سامعين صوت التراكتور ورى التنك.... بس شو نعمل ... الدايم الله
ابو رجا (بغضب) :- شو بتخرف؟؟ مجنون انت ولا بتتمجنن ؟؟
ابو حسن :- مش مصدق؟؟
ابو رجا :- انو بيصدق هالهبل الي بتحكيه ؟؟
ابو حسن :- الله يسامحك
ابو رجا طاسة تموت؟؟!! .... اعطيني طاستي بلا مسخرة
ابو حسن :- ابو رجا ، يومت قلتلك الطاسة ولدت صدقت، ويومت قلتلك الطاسة ماتت كذبتني
عقلك الي صدق انو الطاسة بتولد ... لازم يصدق انو الطاسة بتموت
ابو رجا ( يضرب على راسه ) :- آخ هسا افهمت المقلب... الله لا يردك يا ابو حسن
صحيح المثل الي بيقول " عير واستعير وهذا الهم الكبير.
النهاية
عصري فياض
