قصيدة : فِيَاقْ الْبَالْ
عَيْنِي تْشُوفَكْ لَيْلَى
قَلْبِي يْشُوفَكْ عَبْلَة
وَانْتِ غِيرْ اوْحِيدَة
امْخَبِّيَة فْ لَكْبِيدَة
وَانَا الْعَاشَقْ الْمَجْنُونْ
الصّْگَعْ بُونُوَّارَة !
هَادِي مُدَّة وَسْنِينْ
حُبَّكْ كَنْزْ مَرْصُودْ
وَالرُّوحْ تْصَلِّي فْ قَبْلَةْ الذَّاتْ
فَرَاشَة طَالْقَة جَنْحِينْ
مَا لِيكْ شْبِيهْ فْ الَوْجُودْ
تَبْقَايْ غَالِيَة مَسْرَارَة
فْرَاشِي النُّومْ اجْفَاهْ
وَالنَّاسْ فَ الرَّاحَة رَاگْدَة
مَانَا قَيْسْ
بَقْصَايْدُو يِتْسَلْطَنْ
وْلَا عَنْتَرْ بَنْ شَدَّادْ
سِيفُو يْحَامِي گَارَة
طَابُو جْنَابْ اللِّيلْ
بَفْيَاقْ الْبَالْ
رَشِّيتِي الَگْلِيبْ
اللِّي كَانْ حْدِيدْ
اطْحَنْتِي الَعْقِيلْ
نِيَّلْتِيهْ عَادْ انْجَارَة
وْمَانَا رَسُولْ
جَايِبْ فْرِيضَة وَلَّا سُنَّة
جِيتَكْ مَرْسُولْ
هَازّْ عْلَى اكْتَافِي شَطْنَة
سَبَّلْتْهَا فَ اللَّاصْ…
اخْدِيتْهَا زْعَامَة وَشْطَارَة
أَيَا خَطْوَة هَارْبَة مَنِّي
رْيَاحَكْ جَامْدَة هَامْدَة
مَا تْحَرَّكْ فَزَّاعَةْ لَفْرَاخْ
حْتَى الجَّرِيَة عَگْزَاتْ
وَصَّاتْ الشُّوقْ يَعْصَرْنِي
وَرْمَادِي يِشْعَلْ شْرَارَة
نَهْدِيكْ بَسْمَة ضَاحْكَة
وْتَبْقَى ضْحَكْتِي مَعْطُوبَة
لَطْرِيقْ الْكِيَّة سَالْكَة
عْلَى أْمَرْهَا مَغْلُوبَة
كِ-شَظْيَة فَ هْبُوبْ الرِّيحْ
اشْرَكْتِي الرّْبَاحْ مْعَ لَخْسَارَة
كِيفْ نَقْرَاكْ يَا الْمَالْكَانِي
وْفَ دْوَاخْلِي عَايْشَة ؟
حْرُوفَكْ كَاتْبَانِي
قْصِيدَة طَايْشَة
مْدَادْهَا دْمُوعْ
صَفْحَاتْهَا مْرَارَة
يَاكْ الطُّوعْ اخْرَجْ طُوعِي
وَاعْطَاكْ الطُّوعْ
اعْلَاشْ تَطْفِي شْمُوعِي
وَمْحَبّْتَكْ سَاكْنَة بِينْ الضّْلُوعْ ؟
لَا تْخَلِّي حْلِيبْ الصّْفَا
يَا الْغَالْطَة يْعُودْ افْرَارَة
هَايِمْ بَشْرُوقْ لَفْرَاحْ
نَتْسَنَّى وَجْهَكْ يِطْلَعْ مْعَاهَا
شْرَعْ اللهْ مْعَاكْ
يَا الْقَاتْلَانِي بْدُونْ سْلَاحْ !
إِيلَا جِيتِي جَاكْ الْخِيرْ…
إيلا جيتي جاك الخير
رَقَّاصُو طِيرْ بْشَارَة .
بقلم : عبدو سلطان گاسمي
* من ديوان : جناح الليل..
** زجال من المغرب
- فاعل جمعوي نائب رئيس المكتب المركزي لرابطة المبدعين العرب
- حائز على مجموعة من الجوائز بمجموعة من المسابقات الشعرية
- له ديوان زجلي: (لامة الحروف) مارس 2018 ..
- وعمل آخر بعنوان: (جناح الليل).
عَيْنِي تْشُوفَكْ لَيْلَى
قَلْبِي يْشُوفَكْ عَبْلَة
وَانْتِ غِيرْ اوْحِيدَة
امْخَبِّيَة فْ لَكْبِيدَة
وَانَا الْعَاشَقْ الْمَجْنُونْ
الصّْگَعْ بُونُوَّارَة !
هَادِي مُدَّة وَسْنِينْ
حُبَّكْ كَنْزْ مَرْصُودْ
وَالرُّوحْ تْصَلِّي فْ قَبْلَةْ الذَّاتْ
فَرَاشَة طَالْقَة جَنْحِينْ
مَا لِيكْ شْبِيهْ فْ الَوْجُودْ
تَبْقَايْ غَالِيَة مَسْرَارَة
فْرَاشِي النُّومْ اجْفَاهْ
وَالنَّاسْ فَ الرَّاحَة رَاگْدَة
مَانَا قَيْسْ
بَقْصَايْدُو يِتْسَلْطَنْ
وْلَا عَنْتَرْ بَنْ شَدَّادْ
سِيفُو يْحَامِي گَارَة
طَابُو جْنَابْ اللِّيلْ
بَفْيَاقْ الْبَالْ
رَشِّيتِي الَگْلِيبْ
اللِّي كَانْ حْدِيدْ
اطْحَنْتِي الَعْقِيلْ
نِيَّلْتِيهْ عَادْ انْجَارَة
وْمَانَا رَسُولْ
جَايِبْ فْرِيضَة وَلَّا سُنَّة
جِيتَكْ مَرْسُولْ
هَازّْ عْلَى اكْتَافِي شَطْنَة
سَبَّلْتْهَا فَ اللَّاصْ…
اخْدِيتْهَا زْعَامَة وَشْطَارَة
أَيَا خَطْوَة هَارْبَة مَنِّي
رْيَاحَكْ جَامْدَة هَامْدَة
مَا تْحَرَّكْ فَزَّاعَةْ لَفْرَاخْ
حْتَى الجَّرِيَة عَگْزَاتْ
وَصَّاتْ الشُّوقْ يَعْصَرْنِي
وَرْمَادِي يِشْعَلْ شْرَارَة
نَهْدِيكْ بَسْمَة ضَاحْكَة
وْتَبْقَى ضْحَكْتِي مَعْطُوبَة
لَطْرِيقْ الْكِيَّة سَالْكَة
عْلَى أْمَرْهَا مَغْلُوبَة
كِ-شَظْيَة فَ هْبُوبْ الرِّيحْ
اشْرَكْتِي الرّْبَاحْ مْعَ لَخْسَارَة
كِيفْ نَقْرَاكْ يَا الْمَالْكَانِي
وْفَ دْوَاخْلِي عَايْشَة ؟
حْرُوفَكْ كَاتْبَانِي
قْصِيدَة طَايْشَة
مْدَادْهَا دْمُوعْ
صَفْحَاتْهَا مْرَارَة
يَاكْ الطُّوعْ اخْرَجْ طُوعِي
وَاعْطَاكْ الطُّوعْ
اعْلَاشْ تَطْفِي شْمُوعِي
وَمْحَبّْتَكْ سَاكْنَة بِينْ الضّْلُوعْ ؟
لَا تْخَلِّي حْلِيبْ الصّْفَا
يَا الْغَالْطَة يْعُودْ افْرَارَة
هَايِمْ بَشْرُوقْ لَفْرَاحْ
نَتْسَنَّى وَجْهَكْ يِطْلَعْ مْعَاهَا
شْرَعْ اللهْ مْعَاكْ
يَا الْقَاتْلَانِي بْدُونْ سْلَاحْ !
إِيلَا جِيتِي جَاكْ الْخِيرْ…
إيلا جيتي جاك الخير
رَقَّاصُو طِيرْ بْشَارَة .
بقلم : عبدو سلطان گاسمي
* من ديوان : جناح الليل..
** زجال من المغرب
- فاعل جمعوي نائب رئيس المكتب المركزي لرابطة المبدعين العرب
- حائز على مجموعة من الجوائز بمجموعة من المسابقات الشعرية
- له ديوان زجلي: (لامة الحروف) مارس 2018 ..
- وعمل آخر بعنوان: (جناح الليل).
