محمد الدولتلي - صباح الورد (مشروع مسلسلإجتماعي) الحلقة الخامسة

(مشروع مسلسلإجتماعي)
الحلقة الخامسة


( صوت سيارات فى الخلفية ، و صوت عصافير)
عمر : صباحك جميل يا عم جميل
عم جميل : صباح الورد .. و جمال الورد يا عمر يا حبيبي .. طمني
عليك .. أخبارك إيهفى شغلك الجديد
عمر : الصراحة .. مش مبسوط أوى يا عم جميل
عم جميل : ليه بس .. إنته قولتلي إنه مكان محترم و منصبك فيه كويس
أوى كمان
عمر : قالولي أول ما إبتديت .. عايزينك علشان بتفكر بره الصندوق ..
تقدر تفيد الشركة بأفكارك القوية .. شايفين فيك طاقة تقدر تطوعها
علشان تفيد المكان
عم جميل : هما ما كانوش بيجاملوك .. إنته فعلا كدا .. إيه بقي المشكله
عمر : المشكله إنه لما إبتدي الجد .. و إبتديت أحط خطط للشغل و أخد
خطوات عارف فايدتها كويس .. ألاقيهم هما نفسهم بيوقفوها .. إلى على
لسانهم .. أصل نظام الشغل .. ماينفعش علشان نظام الشغل .. كأن نظام
الشغل أهم من الشغل نفسه .. كأن الف إيد بتشدني لتحت
عم جميل : قولي يا عمر .. لما كنت بتسافر بالطياره .. فاكر كانت
بتتحرك إزاي ؟
عمر : قصدك إيه .. بتجري و بعدين تطير
عم جميل : قصدي بتلف بطيئة فى الاول لحد ما تقف على المسار بتاعها
.. فى الاتجاه بتاعها .. و بعدين تبدأ تتحرك و تزود فى سرعتها لحد ما
توصل للسرعة إلى تخليها تقدر تطير .. هنا بس تطلع فى الهوا .. مش
قبل كدا
عمر : طيب ماهو أنا ممكن أتلامض عليك و أقولك الهيليكوبتر بتطلع
علي طول من غير كل دا ( يضحك )
عم جميل : ( يضحك ) هو حمولة مسؤوليتك فى مكانك و منصبك تشيلها
هيليكوبتر .. قبل ما تفكر إزاي تحقق حلمك و فكرتك لازم تقدر كويس
حجم مسؤوليتك
عمر : ماشى .. فكرت و قدرت .. إيه علاقة دا بالنظام إلى مش بيتكسر
عم جميل : ماهو لو كل واحد علشان يحقق فكرته أسرع يكسر النظام
هاتبقى هيصه .. مجهود هايضيع لان كل واحد بيجرب الى شايفه ..و في
الاخر الشغل هو إلي هايتضر
عمر : طيب و الحل إيه
عم جميل : امشي على النظام .. افهمه كويس .. و خلي أفكارك هدف ..
و هيا إلي هاتعمل لنفسها المسار و هاتخلق نظام ليها ساعة ما توصل
للخطوة المناسبة
عمر : ماشي كلامك ..هاطير أنا بقي زي ما إنته عايز .. بس هاتصبح
عليا بإيه ؟
عم جميل : هاصبح عليك بزهرة كبيره .. و حملها تقيل .. عباد الشمس
.. إلى مع كبرها و تقل حملها عارفه إتجاهها كويس .. مكان ما الشمس
موجوده هيا بتميل ناحيتها
عمر : يا صباح الجمال على عيونك يا عم جميل
عمجميل : صباح الورد
************************************************
إنتهي

تعليقات

لا توجد تعليقات.
أعلى