معد شيخون - النص مكتوب لي يوم باكر

النص مكتوب لي يوم باكر
النص مكتوب للجيل الجاي
عني وعن ناساً غلطانين
وانا جيت اديكم فيهم راي
وانا لسه بحب النيل جداً
زي كل الناس الهتفو معاي
يوم تسمع هذا النص في يوم
ارجوك ما تكرر نفس خطائ
في الشايف الحب دعوة و صلوات
وفي الشايف الحب حضره و نووبه
في العبر عن حبو بكلمات
وفي العبر عن حبو بطوبه
في الرسم الحب في حيطة البيت
وفي الشايف الحب ضل لالوبه
وفي الضحه عشان يفدئي المريود
زي السواو ود حبوبه
ما الحب تعبير عما في الجوف
مرات الحب بسودو الخوف
مرات الحب بكون شمعة
بتضوي العتمة و بيه نشوف
الحب مرات بكون مبهم
مرات بكون واضح مكشوف
كل عاشق كايس بطريقتهُ
تعريف الحب ال م معروف
والثورة حبيبتك و إت عاشق
والسمحه بتعجب كل الناس
وصله احساسك بطريقتك
بس برضو اتقبل حب الناس
وكتار التسألو ليه حبيت
حيكون الرد حبيت و خلاص
لو جاك احساس انك ضحيت
في المأتو عشان نفس الاحساس
كيفن بتزايد بريدك
وإت ابداً ما احسن من زول
هي الريدة افعال تثبت ريدك
غلطان القايلهُ كلام معسول
حضرته العفريت بإيدك
مالك من مال الجن مذهول
والتعملو يغلب اجاويدك
وإت هسه الكاتل و المكتول
اتحرر و اطلع من قيداك
ما الدرب طويل و اكيد حنطول
وجك جرك زرديه مفك
والعمال اصحاب الحق
جك جرك زردية مفك
اجنه و شاكوش ابرول ازرق
والدكتور سؤالهُ نقابة
لي قطار الثورة بدور اللحق
وقطار الثورة بشيل الكل
زي ما هو النيل ابيض و ازرق
وجك جرك زردية مفك
يا ولض امي تعال بي جاي
تلات شلخات في خد تسفاي
افزعنه البوقده هديك دقة
وخلي الحكامه تجفي الشاي
ما انا و انت اخوان اولاد الارض
مارقين لي الحوبه اكيد فوق رأي
الدرب رفيق يا ولض امي
درب الحرية امشيه معاي