أراكِ خيالاً بكلِّ الوجوه
وجهرا احسك كل البشر
طويل طريق الوصول اليك
ولكن قلبي يحب السفر
أيشفع عزة هذا الحنين؟
وعيني تُدِرُ وحضنك دَر
أعزة اني احب التراب
واكتم عشقي كأنك سر
ويفضح عشقي حنيني اليك
أتشفع فيك الدموع المطر؟
وان كان يطفو بنيلك ضيم
سأبدأُ غوصي لأجني الدرر
أَخيط الازقة ثوبا لروحي
وحضنك داري الذي قد هجر
تطوف بجوفي الحجى ذكريات
بأيَّان مرساه ضوء القمر
فأسري بشوقي مساءا اليك
فيعرج عند الصباح الاثر
ولو ان ما بي بجلمود صخر
سينهار حتما ويبكي الحجر
فؤادي يئن وعيني تحن
ولكن رضينا بحكم القدر
يا عزة يا حلما جميل
ياعزة يا ارض الخيال
ياعزة يا بيت الخليل
كم غنى شوقك وفيكي قال
وات كنت زي عاشق نبيل
والريدة للأوطان حلال
هسة الوطن بيعمو ليل
والكل بينتظروا الهلال
كنت بتعاتب في الصحاب
شوفوا المجالس ناقصة زول؟
بس الوطن ما كان سراب
كان البفارق هو البقول
انو البيخسر هو اللي ساب
وخير الوطن ماعندو حول
كان السحاب ياهو السحاب
والغيمة معتادة الهطول
كت تبكي امدر المسا
وتطراها بحري مع الصباح
كت فاقد اللمة وبرش
صينية فيها الحب ملاح
والضحكة مارقة من القلب
والريدة كانت بالمتاح
كان البفراق هو الغلط
والقعدة كانت هي اللي صاح
هسة الشعب وشليل سوا
بيكوسوا في الوطن اللي راح
ياعزة حلفتك عديل
جرحي اللي بي ماتهبشي
كانت شوارعك اغنيات
هسة الدروب ما بتتمشي
كان بحصل ايه
لو ساسة البلد الخبوب
ختو الوطن فوق كل شي
كان بحصل ايه
لو تاجر الازمات قبيل
من الله يخجل ويختشي
كان الوطن بيشيلنا جت
لا بحابي زول لا برتشي
يا عزة ما اطول عليك
عارفك فترتي من الصبر
شفت المسامير في النعش
فمرقت من جوة القبر
شايل معاي الذكريات
ملفوفة بي باقي العمر
ياعزة كان ليلك طويل
شوفيلي صرفة مع السهر
ولو دايرة في حبك دليل
يلاك نبدا من الصفر
هذي الازقة والبيوت تخصنا
حتى الحطام
فالضوء يكمن في النفوس
والنور يسبقه الظلام
والعين تبصره الاسى
لكن وعد الله يسر في الختام
فاصبر على ضيق الحياة وقهرها
كل المشاكل حلها كاف ولام
فالكل من كاس المرارة يستقي
والكل جسم خارق أنى يضام
والأرض ملك للجميع
والنيل يجري ياصديقي في المسام.
معد شيخون
وجهرا احسك كل البشر
طويل طريق الوصول اليك
ولكن قلبي يحب السفر
أيشفع عزة هذا الحنين؟
وعيني تُدِرُ وحضنك دَر
أعزة اني احب التراب
واكتم عشقي كأنك سر
ويفضح عشقي حنيني اليك
أتشفع فيك الدموع المطر؟
وان كان يطفو بنيلك ضيم
سأبدأُ غوصي لأجني الدرر
أَخيط الازقة ثوبا لروحي
وحضنك داري الذي قد هجر
تطوف بجوفي الحجى ذكريات
بأيَّان مرساه ضوء القمر
فأسري بشوقي مساءا اليك
فيعرج عند الصباح الاثر
ولو ان ما بي بجلمود صخر
سينهار حتما ويبكي الحجر
فؤادي يئن وعيني تحن
ولكن رضينا بحكم القدر
يا عزة يا حلما جميل
ياعزة يا ارض الخيال
ياعزة يا بيت الخليل
كم غنى شوقك وفيكي قال
وات كنت زي عاشق نبيل
والريدة للأوطان حلال
هسة الوطن بيعمو ليل
والكل بينتظروا الهلال
كنت بتعاتب في الصحاب
شوفوا المجالس ناقصة زول؟
بس الوطن ما كان سراب
كان البفارق هو البقول
انو البيخسر هو اللي ساب
وخير الوطن ماعندو حول
كان السحاب ياهو السحاب
والغيمة معتادة الهطول
كت تبكي امدر المسا
وتطراها بحري مع الصباح
كت فاقد اللمة وبرش
صينية فيها الحب ملاح
والضحكة مارقة من القلب
والريدة كانت بالمتاح
كان البفراق هو الغلط
والقعدة كانت هي اللي صاح
هسة الشعب وشليل سوا
بيكوسوا في الوطن اللي راح
ياعزة حلفتك عديل
جرحي اللي بي ماتهبشي
كانت شوارعك اغنيات
هسة الدروب ما بتتمشي
كان بحصل ايه
لو ساسة البلد الخبوب
ختو الوطن فوق كل شي
كان بحصل ايه
لو تاجر الازمات قبيل
من الله يخجل ويختشي
كان الوطن بيشيلنا جت
لا بحابي زول لا برتشي
يا عزة ما اطول عليك
عارفك فترتي من الصبر
شفت المسامير في النعش
فمرقت من جوة القبر
شايل معاي الذكريات
ملفوفة بي باقي العمر
ياعزة كان ليلك طويل
شوفيلي صرفة مع السهر
ولو دايرة في حبك دليل
يلاك نبدا من الصفر
هذي الازقة والبيوت تخصنا
حتى الحطام
فالضوء يكمن في النفوس
والنور يسبقه الظلام
والعين تبصره الاسى
لكن وعد الله يسر في الختام
فاصبر على ضيق الحياة وقهرها
كل المشاكل حلها كاف ولام
فالكل من كاس المرارة يستقي
والكل جسم خارق أنى يضام
والأرض ملك للجميع
والنيل يجري ياصديقي في المسام.
معد شيخون
