نموج من كتابة السيناريو بطريقة حديثة برومبت

نموذج حديث لكتابة السيناريو باسلوب البرومبت القابل لتقديم الى منصات انتاج الفيديو

المشهد 1 الرياض \| منزل فهد \| غرفة فهد ليل / داخلي
الوصف الصورة	الأشخاص	الحوار الصوت
لقطة متوسطة على الباب الاب يُفتح الباب فجأة ينظر الى فهد بياس ويقول	أبو فهد	يا فهد.. لمتى؟ وأنت حابس نفسك ورا هالجهاز؟
لقطه على فهد وهو يحاول التبرير .	فهد	: ايبه.. بس كنت أخلص..
أبو فهد يقترب منه بدون تردد يغلق شاشة الابتوب ثم يعتدل ويقول بحزم	أبو فهد	: وش اللي تخلص . خلاص كله واضح اخوياك جابو معدلات ترفع الراس . وانت كسفتني بين ربعي .
يتبعد أبو فهد ناحية الباب ثم ينظر الى فهد قبل ان يغلق الباب ويقول	أبو فهد	: قسم بالله اذا ما شفت لك حل .وغيرت رايك وعنادك واعدت السنه وتجيب معدل زي الناس . بكسر هالجهاز على راسك .
	أم فهد	ليش مقفل على روحك يا وليدي؟ وش صاير؟
	فهد	: وش اسوي يمه , الكل ,يشوفني واحد فاشل .قاعد العب على لابتوبي وبس
صوت الام من خلف الباب	ام فهد	: طيب افتح يا بعد قلبي افتح وانا بعلمك
ينهض فهد يفتح الباب والام تدخل وتمسح على راسه وتقول	أم فهد	: الحين كل هالزعل عشان ابوك قال انك فاشل . يا وليدي.. أبوك ما يلام. أنت سهلت في دراستك.. شوف عيال الناس، اللي دخل هندسة واللي دخل طيران.. وانت كسرت بخاطره
لقطه قريبه على فهد وهو يتبعد عن امه ويقول .	فهد	: يمه انا عندي مشروع اكبر من الدراسة . براسي شي اكبر وهدف اكبر . انتي وابوي بس تشوفوني فاشل . بس الأيام رح تثبت لكم انكم مو فاهميني

قطع

المشهد 2 الرياض + منزل فهد ليل / داخلي

الوصف الصورة	الأشخاص	الحوار الصوت
لقطه على فهد وهو نائم على السرير ينظر الى الباب ويعتدل ويقول صوت الام يأتي من خلف الباب	فهد أم فهد	صوت طرقات الباب : أي يامه قم يا وليدي. قم تعش ،
	فهد	: ما ابي يا مه خلي بس انام .
	ام فهد	: قلت قم . قد سويت لك العشاء اللي تحبه.
فهد يرمي الوساده ويقول بحزن .	فهد	ما أبي شيء يمه.. ماني جوعان.

قطع

المشهد 3 الرياض | الشارع العام الكافي نهار / خارجي

الوصف الصورة	الأشخاص	الحوار الصوت
لقطة عامه على فهد وهو يدخل الى القهوه ويجلس في كرسي منزوي . النادل يشير له بطلبه وفهد يقول :	فهد	: كابتشينو
بعد سماع اشعار وصول ماسج فهد يخرج جواله وينظر لشاشة الواتساب . تظهر محادثة مع سالم سالم . صوت سالم عبر تسجيل	سالم	صوت تنبيه رسالة وتساب : شوف يا فهد مستعد اعطيك الشغل بس أخاف منت قدها وتسوي اللي ابيه .
فهد يضغط على زر التسجيل الصوتي، يتردد لحظة ثم يتكلم بنبرة قوية يحاول فيها إخفاء قلقه.	فهد	: يا عم سالم،.. أنا قدها، عطني هالشغل بـ 2000 ريال، وابشر ابيضها معاك . وخل النتائج تحكم.
يظهر رد سالم برسالة صوتية، فهد يضع الجوال على أذنه ليسمع.	سالم صوت	: والله يا ولدي حماسك ذا جاز لي، بس عطني نماذج وان شاء الله خير
	فهد	: يا رب ضاقت.. وما لها غيرك.

قطع

المشهد 4 الرياض | منزل أبو فهد ليلي / خارجي

الوصف الصورة	الأشخاص	الحوار الصوت
لقطة عامه على الصاله من الداخل ناحية الباب يفتح فهد الباب ويدخل بحذر شديد، يضع حذاءه في الجزامه بهدوء ويمشي على أطراف أصابعه في الصاله بدون ان يضي النور باتجاه غرفته	فهد	موسيقى توحي بالقلق
فهد يقترب من باب غرفه والده المغلق، يقف للحظة، ينظر للباب بنظرة انكسار ممزوجة بالتحدي. فجأة، يفتح باب الحمام ويخرج خالد وهو ينشف وجهه بالمنشفة.
خالد يتوقف مكانه، ينظر لفهد من فوق لتحت بنظرة عتاب هادئة. يقترب منه ويهمس بصوت منخفض حتى لا يسمعهم الأب.	خالد فهد خالد	: حمد لله على السلامه ! وينك للحين ؟ : خالد تكفا مو ناقصني تغثني انت . : ادري انك بوضع ما تنحسد عليه , ابوك من عرف النتيجه شايل همك وزعلان . الحين ادخل غرفتك ولا تخلي ابوي يشوف رقعة وجهك الليلة.
فهد ينظر لأخيه بضيق، يحاول تجاوزه ليدخل غرفته دون رد، لكن خالد يمسك بكتفه بلطف.	فهد	: ما يحتاج تذكرني،.
فهد يدخل غرفته ويغلق الباب بهدوء خلفه. الكاميرا تظل على وجه خالد الذي يتنهد بأسى ثم يتجه لغرفته.	خالد	صوت إغلاق القفل

قطع

المشهد \| 5 غرفة فهد ليل / داخلي
الوصف الصورة	الاشخاص	الحوار الصوت

لقطة عامه على فهد يرمي نفسه على السرير بملابسه، يغطي عينيه بيده. فجأة جوال فهد يرن		موسيقى توحي باليأس صوت رنه الجوال
فهد يعتدل يلتقط الجوال ويرد	فهد	: هلا يا عم سالم يا هلا .
صوت سالم عبر الجوال	سالم	: هلا فهد , أقول ضبط الشغل وتعال بالليل على المعرض .
	فهد	: ابشر ابشر
يغلق فهد جواله وينهض بحماس يفتح الابتوب ويشتغل على بهمة عاليه
أبو فهد يفتح الباب ويدخل يقف بجوار فهد وهو منسجم مع اللابتوب . ينظر اليه بغضب و يقترب منه وقفل شاشه اللابتوب بعصبيه فهد ينظر اليه بخوف . وأبو فهد يسحب اللابتوب من امامه ويقول بغضب	ابو فهد	: هذا هو الجهاز اللي ضيعك ودمر مستقبلك . حتى بآخر الليل قاعد معاه , عيال الناس جابوا درجات , وانت سودت وجهي الله يسود وجهك انت وهالجهاز .
	فهد	: بس يبه قاعد الحين اشتغل .
	أبو فهد	: ولا كلمه يا فاشل .على الأقل نام يرد عقلك
يغادر أبو فهد الغرفه واللابتوب بيده
لقطه على فهد وهو ينظر في اثر والده بضيق وخوف

قطع

المشهد 6 الرياض / بيت ابو فهد نهاري / داخلي
الوصف الصورة	الاشخاص	الحوار الصوت
ام فهد تدق عليه الباب ولكن فهد ما يرد		صوت الباب طرقات الباب
فهد بصوت معصب	فهد	: أي أي !
	ام فهد	: قم .تأخرت . قلت اضحيك عندك شغل
فهد يفتح الباب وهو معكر	فهد	: خلاص يامه مافي شغل ولا في شي
أم فهد مستغربة	ام فهد	: وش يعني ما في شغل ؟
يطلق نهده خفيفه ويقول بضيق	فهد	: ابوي خذا اللابتوب خلاص . يبي يضيعني .
أم فهد بلهجة حازمة	ام فهد	: لا ما يبي يضيعك . هذا ابوك ويبي مصلحتك .
فهد يرفع صوته	فهد	: اذا يبي مصلحتي . يعطني لابتوبي وانا بشوف مصلحتي بروحي .
تجي لحظة هدوء شوي	ام فهد	: خلاص قم خذ لك لقمه . وبعد أكلم أبوك. اسمع كلامي يا يمه وقم . وخلك من العناد
فهد يتنهد	فهد	: طيب ...

قطع

المشهد 7 الرياض. منزل ابو فهد \| صالة الطعام نهاري / داخلي
الوصف الصورة	الشخصيات	الحوار الصوت
على المائده يضع أبو فهد وام فهد أم فهد تضع الأكل، أبو فهد جالس ينتظر	ابو فهد	: وين فهد؟ باقي شايف روحه انه مظلوم
	ام فهد	: مدري والله . بس حاسه الولد عنده شي براسه وحنا قاعدين نضغط عليه .
ابو فهد ينظر الى السفره بعصبية	ابو فهد	: وش اللي براسه يعني ؟ عيال التيك توك ذولي ما براسهم شيء . بالله عليك . انا من اشوف له مصلحته ويدخل طب ولا هندسه ولا أي كليه ترفع الراس .
	ام فهد	: يا بو فهد . حنا بزمن الذكاء الصناعي والريبوت ولا مدري وش يسمونه وهالجيل أفكاره مو زي افكارنا , لا تضغط عليه بمجال ما يحبه
ابو فهد	ابو فهد	: طيب وش اسوي اخليه بكيفه يعني
ام فهد تحاول تهديه	ام فهد	: ترى يقول عنده عمل وعمه سالم يبيه . ومدري وش . عطه لابتوبه وخل نشوف اخرتها معاه .
بعد تفكير قصير يقول أبو فهد	ابو فهد	: جيبي له لابتوبه . بس قولي له انك جبتي له بدون علمي
تهز راسها بايجاب وهي تفكر بصمت
أبو فهد يشرب الماء ثم ينظر اليها بحزم ويقول :		: بس لاتنسين اني نصحته اذا طلع فاشل وعالة على الناس يدور الريال ويشحت
	ام فهد	: لاتفاول يا بو خالد هذا ولدك .
	أبو فهد	: الحق واضح رجال ما عنده لاشهاده ولا كفاءه ولا شي . منو بيوظفه. ما حد بيعطيه وجه

قطع

المشهد8 الرياض بيت ابو فهد نهاري /داخلي
الوصف الصورة	الاشخاص	الحوار الصوت
فهد واقف خلف الباب، يسمع كلام ما يدور بين امه ابوه في الصاله		موسيقى حزينه
صوت ابو فهد من الصاله	ابو فهد	: وانا بعد مار ح اعطيه ولا فلس واحد . اذا ما يبي يسمع كلامي . ما له عندي أي شي
فهد يسكت لحظة، يحاول يتمالك نفسه، ياخذ نفس عميق .يمشي ناحية دولابه، يفتحه. يطلع ملابسه بسرعة.يلبس وهو صامت، ملامحه جديده . يحاول يخبي زعله .بعدها يوقف قدام المراية، يعدل نفسه فهد..يمشي للباب، يتردد لحظة قبل فتحه

قطع

المشهد 9 الرياض. بيت ابو فهد. نهاري / داخلي
الوصف الصورة	الاشخاص	الحوار الصوت
فهد يخرج من الغرفة وهو غاضب بصوت عالي	فهد	: بابا، أنا مو فاشل ولا رح اصير شحات ! أنا اخترت مستقبلي وطريقي! انا اعرف اتحمل مسئولية نفسي .
ابو فهد بغضب	ابو فهد	: اسكت اسكت !انت والله ما تعرف تشبع بطنك بعد
فهد باصرار	فهد	: أنا ما أبي شي منك. عطني لابتوبي بس
الاب ينظر اليه بعين الياس بصمت وثم يقول	ابو فهد	خذ لابتوبك وروح! بس لا تنسى ولين تصير في ورطه تقول ابوي . فاهم .
فهد ينظر الى مكان الابتوب وياخذ لابتوبه ويغادر بصمت .
ام فهد تقول لزوجها	ام فهد	: مو لهدرجه يا بو خالد لا تقطع عليه , هذا ولدنا عاد . ؟!
	أبو فهد	: ادري بس ابيه يتصرف بعقل والعمر فرصه واذا راحت الفرصه ما تعوض .
	ام فهد	: أقول خلاص عاد . يكفي خالد ضغطت عليه و ماشي على كلامك زي المسطره ما عنده شخصيه .
	أبو فهد	: خليك انتي من الهياط ذا . ولا اسمعك تكلمي كذا مره ثانيه .فاهمه

قطع

المشهد 10 الرياض الشارع العام. نهاري / خارجي
الوصف الصورة	الاشخاص	الحوار الصوت
فهد يمشي في الشارع يخرج جواله من الجيب يتصل لسالم		صوت التلفون يرن
يرد سالم	فهد	هلا والله يا سالم، وينك؟ أنا بالطريق، بجي أشتغل عندك إن شاء الله.
	صوت سالم	:هلا وغلا يا فهد، حياك الله، برسلك الوكيشن أنتظرك.
	فهد	: تم
	صوت سالم	: رح انتظرك في السياره .

قطع

نموج من كتابة السيناريو بطريقة حديثة برومبت

تعليقات

هذا النص

نصوص في : غير مجنس

شارك هذا النص